أنقذتني>>وْوَلَّى علينا شيخ للعدل ميزان

مهداة إلى مقام صاحب السمو الشيخ محمد بن راشد آل مكتوم



http://fazza.ae/files/2010/10/homepage22-oct-2010.jpg



سبحان رَبّي خالج الكون سبحان

واللى خَلَقْ للناس نارٍ وْجَنّه

وانزل على محمد نبينا القرآن

دستورنا في الأرض فَرْضٍ وْسِنّه

وْوَلَّى علينا شيخ للعدل ميزان

خَصّه بنظرة بِعْد وِمْيِّزنّه

محبوب ما بين البشر وين ما كان

باسمه أتّاتي في البطون الأجِنّه

هو الوحيد اللى عبر كل الازمان

يعطي ولا يحسب على الناس مِنّه

أنته مَلِكْ يا شيخ في هيئة انسان

خَلَقْك رَبّي وللبشر مِرْسِلِنّه

يا مْألِّفْ الرؤيا ترى ذاك تبيان

للى يبى يعرف حقايق خِفَنّه

يا حارثٍ للبحر ويا مشيد البنيان

وياللى جعلت (دْبَي) عَ الأرض جَنّه

أنته قوي إيمان يا قايد الفرسان

واي شي اسمه صعب متحدّينِّه

يا الله عسى لى خَلّفك يا رفيع الشان

في جَنّة الفردوس والحور يحظنّه

وِيْمِد لك بالعمر من غير حسبان

يا ناصر المظلوم وِمْأيِّدِنّه

شِفْت العيوز العجز في عينها بان

تمشي على عكَّاز وِتْزِيْد وَنّه

واليوم صارت تعتلي سِيْت (نيسان)

وِتْقول شيخ (دبي) لي مِرْسِلِنِّه

وحتى الأرامل بيتهن صار بستان

بفل وقرنفل مدخله زَيّننه

ولا الطفل يبكي وله الدمع هَتَّان

من فرحته يومٍ يديك احضننه

وْذاك الكفيف اللى سكن (خورفَكَّانْ)

يالين بيته زِرْته مْقَدّرنه

انته مَلِكْ يا شيخ في هيئة انسان

خَلَقْك رَبّي وللبشر مِرْسِلِنّه

أنقذتني من عقب ما كِنْت غرقان

وش يجزي الغرقان لى مِنْقِذِنّه

ما شي معي يا شيخ ياغير شيئان

تفداك روحي والوَلَدْ صافطنّه

وترى الوَلَدْ يا شيخ له اسم (سلطان)

ومن يوم صغره حبّك مْتَيّمِنّه


: سالم علي الشامسي