سلامتك يا طيب الساس والراس قصيدة للملك عبدالله خادم الحرمين الشريفين
سلامتك يا طيب الساس والراس
احمد بن سعود الحمد
* جريدة الرياض السعــودية
يا خادم البيتين لا باس لا باس
يا ذخرنا يا درعنا يا سندنا
سلامتك يا طيب الساس والراس
الراسيا من لقينا في وجوده سعدنا
عسى العوافي والسلامه لك لباس
بامر الكريم اللي عليه اعتمدنا
حبك بوسط قلوبنا ماله قياس
يفخر بطيبك عودنا مع ولدنا
انت الحكيم اللي كسب كل نوماس
يشهد لك العالم وحنا شهدنا
ماهي شهادة خط حبرٍ بقرطاس
الا شهادة فعل منه استفدنا
طيبك لشعبك يا ابيض الوجه نبراس
فيك اقتدى غيرك وحنا وجدنا
مع زود طيبك تملك شعور واحساس
ومشاعرك تعم الاقصى والأدنا
افعالك الجزلات قامت على ساس
يصعب عددها لو بذلنا جهدنا
يالله يالمعبود يا خالق الناس
يالواحد اللي ما لغيرك عبدنا
تشفي مليك المملكه واذهب الباس
يا واحد ٍ لبواب جودك قصدنا
وصلاة ربي عد ما هب نسناس
على نبي ٍ سنته مستندنا
رد: سلامتك يا طيب الساس والراس قصيدة للملك عبدالله خادم الحرمين الشريفين
شكرا جزيلا لكي ايتها الاخت الغاليه
ا ختيارك راقي جداً كلمات بها احساس ثمين
لخادم الحرمين الشريفين اشفاه الله وعافاه من كل باس
لكي كل الـــود مع صادق الاحساس...
