خلاص ببعد ودرب الود سديته لعيونك

http://www.dl3r.com/vb/images/smilies/wrd.gif


خلاص ببعد ودرب الـود سديتـه
واليوم رّوح و قلبي راح بسكاتـه


روّح وهذا طريقـك لـي تمنيتـه
ما عاد باقي لقلبـي غيـر ونّاتـه


قطعت حبل الموده وانـت خليتـه
للهم وظنون بالـه تتبـع آهاتـه


صنت المحبه وقلبك صدق داريتـه
وانته خفوقي تركته فـي معاناتـه


شيّدت صرح الغلا لك ..كيف هدّيته
من بعد ذاك الوداد وطيـب نيّاتـه


ليتك تحس بعذابٍ منـك حسيتـه
والصدر ضايق وزادت فيه حرّاتـه


خسارة الدمع لي في حبك اصخيته
وخسارة الجفن لى هلّيت عبراتـه


لكنه اللي بتالـي الامـر عانيتـه
خلاني انسى هوى الغالي ومدراته


هذا كياني تخيّـل كيـف هزّيتـه
ياهي خساره وقلبي راح بسكاتـه

http://www.dl3r.com/vb/images/smilies/wrd.gif

شكرا لج اختيه ملاك

ع الكلمات الرقيقه والحساسه

وهذي الكلمات تغنت بها اليازيه محمد

دمتي بسعاده وخير ...