السلام عليكم
من طول الغيبات....ياب الغنايم
اسمحولي عالغياب الطويل...
أول شي كل عام وبلادنا بألف خير وأمان ... وأهني الدوله حكومة وشعبا بالعيد الوطني السابع والثلاثين...
ثاني شي.... (بدون مقدمات)
اتـحــاد الإمـــارات
ياتحادٍ جّمع شتات العشاير والأمم.........في بلادٍ تفتخر فيها المحافل كلها
أفتخر لي قلت إماراتي أنا جد وعم.........وافتخر في دولةٍ دوم أستظل بظلها
دار عز ودار جود ودار عالين القيم.........سبع فوق السبع فوق السبع كل دلها
بوظبي دار الكرامه والمراجل والشيم.........دار زايد لي بيمنى كف إيده شلها
أو دبي لي عزمها فاق السحايب والهمم.........دار بن مكتوم والمكتوم طيب حالها
من شروق الشارقه يسطع سنا مد القلم.........سابقه في العلم وهي بالعلم سيف نسلها
ولي أنا ف عجمان أمن وكل من فيها سلم.........ما نهاب الخوف فيها ولا يهابون أهلها
وإن ترا جينا أهل أم القوين وعزهم.........ما نسينا القوتين بوجه منهو احتلها
أو براس الخيمه اللي عانقت روس القمم.........في شواهيق المعالي خافقي ما ملها
والفجيره خافقي من حبها فاز وغنم.........عاشقنها مثل ما يعشق بحرها جبالها
دولة السبع الإمارات الفخر عز ونعم.........في فرح عيد اتحاد اليوم غنينالها
وياتحاد الأمس حنا اليوم شلينا العلم.........راية بلاد نحب وما نموت إلا لها
تحياتي
>السويدي<
