خيم الحـــــــزن في صدري ونــــوخ ركابـه

خيم الحـــــــزن في صدري ونــــوخ ركابـه
وابتدا ليـــــــــل هم ونـوم عينـي هجـــــرتـه
مابقى للقصايد وسط صـدري رحـــــــابـه
غير همٍ ليا اجتـــــاح الخفـى ماشــــــكرتـه
كل مخـــــــلـوق فالدنيـا مقـدر حســـــــابـه
لو يقـــــــولون توه ماخلـص مـــــــن ثمرتـه
والســــــبايـب تفـاوت والمنــــــايـا تشابـه
وجلَ الانسان تكسب ساعته من صغرته
آه ياخــــــــــــــــويـه اللـي ماتعـوض غيابـه
اشهد اني فقدته واشهــــــــــد انـي خسرتـه
كيف ابنســــــــــــاه وادلـه واتناسـا مصابـه
وكل طــــــــــاروق لاجيت ابتديبـه ذكرتـه
يابدر كل كسر يهـــــــــون واجبـر صوابـه
غير كسرن يبا يبطي وانـا مــــــــــــاجبرتـه
رحمة الله على اللي له مقـــــــــــام ومهابـه
منبع الطيب يــــــوم الطيب تثمر شجرتـه
من فراقه غديت اقنب قنيـب الذيــابه
وبح صوتي ودمعي من عيـــــــوني نثرتـه
ودي اسلا عن الهاجوس واصك بابـه
مير حزني وهمـي ســــــاقنـي ماقدرتـه

الاميره الحسناء