استفسار عن للمسجات التي تصل عن طريق مجهول تحوي انك ؟؟؟؟

كنت راقدة

والساعه 5 الفجر ... بدال ما اوعى ع صوت المنبه ...

وعيت ع صوت مسج ..


"ستقوم الجهات الأمنية باستدعائك قريباً -

"لقد قمت بالمساس على شخصيات هامة في دولة الامارات وبناء على ذلك ستقوم"




يعني انا نشيت متروعه!!
وانا لا لي خص لا بالسياسة ولا بغيره .. انا وين وهالسوالف وين !!!
شو الموضوع بالضبط !!



وبعدين الحين بتخبركم؟
قبل لا يزخون واحد؟
يطرشوله مسج قبل؟
اوووب الدنيا لهالدرجه اطورت ..
يعني اتسبح واتعطر واترياهم !!
هههههه يعني ما اشرد يعني؟

هاي كلها خرابيط بلاك بيري

الدنيا ما تطورت كما خلقها الله

لكن الناس هى اللى تطورت وطورت

السلام عليكم ورحمه الله وبركاته

اختي الكريمة هذه حركه قديمة بكل بساطة

يستطيع الشخص استخدامها بواسطة جهاز البلاك

بيري وهي مزحة لا غير

السلام عليكم ورحمة الله وبركاته ...


أختي الكريمة .. الجوهر المكنون


للأسف أختي الكريمة هناك عقول بشرية فارغة تستخدم التقنيات

الحديثة بشكل سيء تكرس وقتها فقط لنشر الاشاعات كأبسط مثال

بالأمس انتشرت بواسطة البلاك بيري اشاعة وفاة مشجع المنتخب

الله يحفظه ( بومحمد ) خالد حرية .. وهو المسكين كان متواجد

بالمباراة لمؤازرة نادي الوحدة ..

فلاتخافي أختي الكريمة هذه مجرد اشاعات وأقاويل كاذبة ..


بنت الخليـــــج

يعني لين اللحينه ما حفظتي حركات بلاك بيري

كله مزاح في مزاح والناس فاضية الصراحة ما عندها شغلة

ها كله من يلاك بيري

يا بعد قلبي ليه تخافين؟ مندام ماسويتي شي
هني اعرفي هاي كلها خرابيط وفي احد يبا يخوفج او خزوبعات بلاك بيري

مشكورين ع المرور

لا لا حق شو أخاف

عرفت منو مسوي بي هالمقلب ههه

الله يغشهم