كلمــــــــــــــات فــــــــــــزاع المغنـــــــــــــــاه

http://www.dl3r.com/vb/images/smilies/wrd.gif


«®°·.¸.•°°·.¸¸.•°°·.¸.•°®»هنيالي :::: ميحد حمد «®°·.¸.•°°·.¸¸.•°°·.¸.•°®»

يا ناعم العود مزحك يذبح وجدك
يذبح وأنا كل ما جاء منك يحلالي
الله الله يا فتان من قدك
حتى عيوني لوصلك موقها سالي
طاحت دموعي غرام وقلت وش حدك
يا دمعتي تنزلين ومرقبك عالي
قالت مكاني خلقه الله على خدك
و إلا عيونك مكان الصاحب الغالي
محلاك محـلاك قالت للشهد ندك
حتى الشهد ما ينافس ريقك الحالي
أهواك و أغليك وأقدرك وأودك
وألحنك شوق و يغنيك موالي
أهد بفراقك الدنيا ولا أهدك
وأفني بوصلك طموحاتي وآمالي
برودة الشوق تدفى في حضن يدك
وحرارة الوصل تبرد لا تهيالي
أحط راسي على منحرك وأسدك
عن حبه الناس لأنك حبي الحالي
قلبي يموت فغلاك ووصلي يشدك
وغلاك في خافقي وصورتك في بالي
ولا أنثنى رمش عينك وانتصب قدك
أشوف لون القهر بعيون عذالي
ويقول قلبي هنيالك ومن قدك
وأنا أردد مع قلبي هنيالي



«®°·.¸.•°°·.¸¸.•°°·.¸.•°®»مهرو العام ::::::::: ميحد «®°·.¸.•°°·.¸¸.•°°·.¸.•°®»


يا مهرة العام لا والله غديتي فرس
ترفقي كن عطرك ريح حرب وصهيل
العام تمشين ما حولج رجال وحرس
واللحين تمشين ورقاب الخلايق تميل
استغربتك الكنايس تحس مشيك جرس
واستغربتك الحدايق رمش عينك ظليل
جندلتي القلب والعاشق طويل المرس
حيا ولكن تركتي في المحاني قتيل
من جيتي الحب سيفه في الخفوق انغرس
والليل يقصر بشوفك وان سريتي طويل
ما كني العاشق اللي في زمانه درس
وما كني من اسباب المحبة هزيل
حلفت ما أعشق دام الحب طبعه شرس
مالي ومال المحبة والشقة والخليل
دخلت بحر المحبة يا الهنوف الفرس
وقام يتلاقف بي امواجه وضاع الدليل

«®°·.¸.•°°·.¸¸.•°°·.¸.•°®»بركان الغلا ::::::::: ميحد«®°·.¸.•°°·.¸¸.•°°·.¸.•°®»

يفوح بركان الغـلا والصـدر فـاح
ويضيق من ليل الجفا كـون فسيـح
يا معود عينـي علـى قـل المـراح
ويميل غصنك ويتعلـق بـه جريـح
وش فيك تاخذني على ريش وجنـاح
شلون أطيح فراق و أنـا مـا أطيـح
طاح الضيا على جبينـك واستـراح
والليل من بيـن الجدايـل مستريـح
يعني جمعت الليل بأنفـاس الصبـاح
حتـى تجسـد فيـك معنـاه المليـح
الفرحة إلـي كنهـا طعـم النجـاح
والمده الي تجـرح الكـف الشحيـح
مفاتنك سحـر لكـن سحـر مبـاح
عليك أسمي منهـل الوجـه القبيـح
يا أعذب من الماء في مصبه يوم ساح
يوم استبحت القلب وش لـه تستبيـح
اجتحتنـي واتقنـت فـن الاجتيـاح
واتعبتني وانـا سـدودي مـا تبيـح
متعود تتـرك علـى قلبـي جـراح
ذبـاح روح وتمشـي بـدم الجريـح
أشوفـك بعيـن الغـلا والإرتـيـاح
و أنسى الطعون إلي أنا فيني فحيـح
أستوعب أخطائك وأطالبـك السمـاح
ويطغى على كيل الهجاء كيل المديـح
لا لاح براقـك وبـرق الشعـر لاح
أصرخ من الأعماق و أقول الصحيح
إنـك مليـح وتعتبـر سيـد المـلاح
تستقبلـك أفـواه ويضيـع المـديـح

«®°·.¸.•°°·.¸¸.•°°·.¸.•°®»جرح الصداقة:::::::: ميحد«®°·.¸.•°°·.¸¸.•°°·.¸.•°®»
كلما بنيت الحلم في القلب وكمل
قبل أعلنه يظهر صدى عداوته
وأضحت همومي من ورى الخافق همل
وأحجامها حسب الوضع متفاوتة
و أنا العزيز اللي تشبث بالأمل
عسى يشوف إن الزمن طراوته
درس الحياة القاسية لو اشتمل
على الجبابرة لعرفوا قساوته
تلقى بعض تجارهم يمشي ثمل
مع الفقارى يرتشف حلاوته
القاضي اللي في كلامه ما صمل
فاضي عمل مسترسل في فضاوته
كيف المطوع يخلف في قول وعمل
والمصحف الطاهر نسى تلاوته
قال المثل خل الجمل بما حمل
صافح عدوا ما يبين نداوته
رجلا ضلوعه للحمل ما تحتمل
يحرم على رجلي حشى ما خاوته
مثل النعامه راسها تحت الرمل
ومن ظلها تشكي مدى ضراوته
جرح الصداقه في الظهر ما يندمل
عيت سنيني كلها ما داوته


«®°·.¸.•°°·.¸¸.•°°·.¸.•°®»تحلا بعيني:::::: ميحد«®°·.¸.•°°·.¸¸.•°°·.¸.•°®»



يا مشعل القلب تكفي خفّـف شويّـه القلب من كثر صدّك ويلـي لْحالـه
دامه يحبّـك ولا لـه غيـرك بْغيّـه وش له تحطّـه بدنيـا الهـمّ وتْنالـه
انته حبيبـي لقلبـي نـوره وْضيّـه تحلا بعيني وقلبي صِرْت تحـلا لـه
وانته ربيع الخفوق وْشمسـه وْفَيّـه وان حبّ غيرك خفوقي باقطع وْصاله
ما اريد بك حَدٍّ وْلو هو كان حوريّـه إنته مهَدّي الغـرام وانـت زلزالـه
للموت انا لك حبيبي صـورةٍ حيّـه ميّت بحبك وحبّك صِرْت انا اسعى له
يا بو عيـونٍ مثِـل عيـن الدمانيّـه حورا هَدَبْهـا مظـلّ ودعْـج قتّالـه
كاسِنّك الحِسْـن واوصافـك خياليّـه ومن راد يوصف جمالك أيتهيّـا لـه


«®°·.¸.•°°·.¸¸.•°°·.¸.•°®»قرار فزاع::::::::::: ميحد«®°·.¸.•°°·.¸¸.•°°·.¸.•°®»

ما عاد لك في قلب خلك مكانـه لو كنت أمامه يجهل أنك عيونـه
منته الذي تتملكـه فـي زمانـه صعبه حبيبي عن رماتك حصونه
يامن تعود ع القـدر والخيانـه الحب غالي لو انكم ترخصونـه
ارخصت قدرك يوم خنت الامانه وين الوفا لي عندكـم تتدعونـه
لقيت بك امن الغراشيـب دانـه حصباه منك والآلـي مخزونـه
جمال حسنك ما يسـاوي بنانـه فتون زينك ما يحرك غصونـه
عـود يشابـه لادن الخيزرانـه عازل هضيمه بين حيب ومتونه
أبغي وصوفه لكن الوصف خانه حرت بجماله وتوهتنـي عيونـه
لأني صويب مرهف من سنانـه عـزاه قلـب نازفـات طعونـه
يقولها لـي قالهـا مـن كيانـه يحسب حسابه قبل لا يحاسبونـه


«®°·.¸.•°°·.¸¸.•°°·.¸.•°®»يا مشعل القلب :::::::::::ميحد«®°·.¸.•°°·.¸¸.•°°·.¸.•°®»

يا مشعل القلب تكفى.. خفف شويـه القلب من كثر صدك ويلـي لحالـه
دامه يحبـك ولا لـه غيـرك بغيـه وش له تحطـه فدنيـا الهـم وتنالـه
انت حبيبـي لقلبـي نـوره وضيـه تحلى بعيني وقلبي صرت تحلا لـه
وانت ربيع الخفوق وشمسـه وفيـه وإن حب غيرك خفوقي بقطع أوصاله
ما أريد بك حد ولـو كـان حوريـة انت مهدي الغـرام وانـت زلزالـه
للموت انا لك حبيبي صـورة حيـة ميت بحبك وحبك صرت انا اسعى له
يا بـو عيـون مثـل عيـن دمانيـة حورا هدبهـا مظـل ودعـج قتالـه
كاسينك الحسن وأوصافـك خياليـة من راد يوصف جمالـك يتهيـا لـه


«®°·.¸.•°°·.¸¸.•°°·.¸.•°®»وين أنت::::::::::: ميحد«®°·.¸.•°°·.¸¸.•°°·.¸.•°®»


وين أنت ياللي كل ما قلت .. وين أنت حتى السـؤال يقـول ويـن الأجابـه
عامين ضايق و أنت لليـوم مـا بنـت و هي حالتي بيـن الحـزن و الكابـه
ليش أنت بعيون المخاليـق مـا شنـت في عين من حبـك سرابـه ..سرابـه
لو لا الغلا يـا صاحبـي مـا تمكنـت صداً مـن الهجـران صايـر خرابـه
عـود علـي أنـا أتريـاك لاهـنـت الحـال واحـد والظـروف أتشـابـه
إذا سألـت تحبنـي قلـت لـي كنـت وأنا ابتسم مـن بـاب حـب الدعابـه
وأن خنتني أعلم ترى مـا بعـد خنـت ألا معـك لـكـن خـونـت ذرابــه
خنتـك مـع طيفـك بعـد مـا تيقنـت أنـك علـي بعـد الثـرى و السحابـه
أكبر خطأ محبتك وأنـت مـا صنـت حبـاً يخـلـده المشـيـب أ لشبـابـه
تدري آش يغيض الرجل في هوى البنت أنـه يعيـش فـي واقعـاً مـا درابـه
لكـنـنـا وش أنـــا وش أنـــت هـذا السـؤال إللـي يبيلـه إجـابـه

«®°·.¸.•°°·.¸¸.•°°·.¸.•°®»
مطر مطر :::: ميحد «®°·.¸.•°°·.¸¸.•°°·.¸.•°®»


مطر مطر وترد للتربة الروح
ويخضر و يذعذع نسيم البرادي
والعشب فوق العشب يبني له صروح
في وادي"ن" رابي على ظهر الوادي
لكن حمام الدوحة ماله من النوح
صدته لو أن العيد شرقه بادي
حمامة الواادي ترى الصوت مبحووووح
نوحي لكن نوووحي بشكل اعتيااادي
الحزن برقه كل ليله له يلوح
أحب أحزن بس في جوو هادي
ضايق ما أدري وين أبغي أروح
رغم النجاح ألي صنعه انفرادي
لو أن العتاة نجاحات مصلووح
يتمتها لكن لا يا عاااادي
وكفوف أصحاب الكرم ما هي شحوح
وطموحهم هو دايم "ف"ازديادي
تشرق مكارمهم على الارض وتفوح
أذكارهم فوحة بخت ري وقادي
فكري وحش في روض الأبداع مطروح
نادر ولا يعرف خسوف المزادي
الإنسان حفنة طين ينفخ بها رووح
تكونت على شعور و مبادي
فزاع حزنه سر ما هو ب مفضوح
لو ينفضح يمكن يثور الزنادي
ضيقة شعوب الارض يا عاشق الفوح
ما هي مثل ضيقة شيوخ البلادي
عنيد لو قلبي من الحزن مجروح
ولا أعرف وش هو سبب هالعنادي
يكمن لان العمر مجموعة جروووح
ولا لأني شخص ما هو بعادي

«®°·.¸.•°°·.¸¸.•°°·.¸.•°®»يا طيب القلب :::::::::: ميحد«®°·.¸.•°°·.¸¸.•°°·.¸.•°®»

يا طيب القلب حكـم قلبـك الطيـب أخـرت غيـرك وبعدتـه وقربتـك
ليه التباعد مـع انـك دايـم قريـب من وين مااصد في عيوني تخيلتـك
ليه انت ناسي وذكري عندك مغيـب تنسى وانا اذكرك وانسى اني تذكرتك
صارحتك بما يكن القلـب ياحبيـب والظاهر اخطيت فظني وصارحتـك
لو يعزى الصبر دونك قـال ماثيـب المشكله ياطـول العمـر مشكلتـك
الصبر شيب وشوق القلـب ماشيـب لازال يلعب في قلبي كـل ماشفتـك
كم حسن الظن فيك وترجـع تخيـب كدرت بالـي وانـا مايـوم كـدرت
اليوم حتى شعـوري منـك متريـب هـذا خفوقـي يحذرنـي وحذرتـك


«®°·.¸.•°°·.¸¸.•°°·.¸.•°®»دموع المحبين:::::::::: ميحد«®°·.¸.•°°·.¸¸.•°°·.¸.•°®»

منابـع دمـوع المحبيـن عيـنـي تبكي على نفسي و تبكي على الغير
وعن الغلا يـا سارية خبرينـي هل عاد له في القلوب الأحباب تأثير
قلب الفراق اللي غدى لـه حنينـي ظميان و القصة ماهي جمة البيـر
لكنهـا شـوق يـدفـه ضنيـنـي يا لله عساها ما تطـول المشاويـر
نوارتي..تجمـعـي و اجمعيـنـي و تغطرسي على جميـع النواويـر
مالي عذر حتى اقـول اعذرينـي بس احفظي تركيبة البيت الاخيـر
اشرف مثـل مقاصـده تحتوينـي قل العطا ... و لا كبار المعاذيـر
خلي علامات الشقـا فـي جبينـي عطر و بساتين وورود و عصافير
ابي اشـوف العيـد فـي مقليتنـي و اركب لقلبي جناحيـن و اطيـر
و ابي اعيش العمرما عـاد فينـي اصـادم الايــام والا المقـاديـر
يا مشغله خـط الغـرام اشغلينـي تـراي جـوال بلـيـا فواتـيـر
تمردي على النظر وسـط عينـي و تعددي علـى وجيـه الجماهيـر
لان المنـام اللـي بغيتـه يجينـي عيا يجيني ليـن مسيـت بالخيـر



«®°·.¸.•°°·.¸¸.•°°·.¸.•°®»قدّها وقدود ::::::::::::: ميحد«®°·.¸.•°°·.¸¸.•°°·.¸.•°®»

صدق من قال يا محمــد بأنـك سيـف ما تنصــد
مـرواتـّك علم خفـاق وفيـك المرجـله والجـود
يا بن راشد وابو راشد بنيـت امجــاد لك تشهـد
تجـف أقـــلامي بمـدحـك,يحير العـد بالمعـدود
إذا مــنـك بغيـت الشــــي فــلا عنـه مــرد وبــد
تطـول اللي تقـوله عـــز وانتـه قــدها وقــدود
أشــوف النجم ذاك بعيـد,و أنت من النجـم أبعـد
ألا يا حظ أبو من هـو تكـون انته معه موجـود
إذا اسمــك يجي في الشعر يزيـد البحر مده مد
يزيد الشعر في الشاعر تجيه أبيات دون حدود
مروض جامحات الخيل,مهدي المـوقف المشتد
مفـرج كـربة المظلوم,وشـوق الفاتنات الخـود
أحـــد مثلك أنـا ما القى رجـل مثلك أبـد مـا حـد
على شعبه سطـع نوره مثل بـدر اليالي السـود
أنــا لاجـلك كتبت الشعـر وفضلك سيــدي ممتد
على طـول المـدى نبقى لشورك طايعين جنـود
--------------------------------------------------------------------------------


«®°·.¸.•°°·.¸¸.•°°·.¸.•°®»لا تغرك:::: ميحد وراشد الماجد«®°·.¸.•°°·.¸¸.•°°·.¸.•°®»

لاتغرك ضحكتي ولا أسلوبي
أعــــــــــرف أعزاز النفوس أمن الردية
كم وفو لي ناس وكم ناس أغدرو بي
و كم كــــسبت ب طيب نية سوء نية
ناس من كثر المخادع ما فتوبـــــــي
و نـــــــــــاس أبياض وصداقتها ندية
و ناس أغلتني و ناس أغلت جيوبـــي
و ناس أطـــــــالــــــــــع ولكنها عمية
كل هذا والجروح تزيد صوبـــي والــــــــــــــــــمجامل والتملق والخطية
ما يغير ضحكت الوجه الرحوبـــي
مد يــــمـــــنــــــى دوم ما هي موسمية
ودي أني أعطي المحتاج ثوبـــــي
وأعـــطـــي ولا أنـــتـــظر رد العطية
مجمع العالم ولا أقول أسمعوا بـــي
و نــــفــــســـي مــن إطراء خلق الله غنية
في بعض الأشياء أتقدم و أنوبــي
عــــن بــــنـــــي آدم جــــــميع وعن بنية
سجدة تغفر بها كل الذنوبــــي
غـــــيــــــر مـــــــن عيش الحياة القاحلية
يا مسولف بي على الطرق الكذوبـي عـــــــــــاقـــــــب الله من ظلم نفس برية
يا صحيب الخير يا مثبت طنوبي النــــصــــيـــــــحــــة روح لــي آمال قوية
الصحيح من العيوب الي تشوبي
قـــــولـــــها ف الــــوجه والـــنية مطية
بارك في من أهداني عيوبـــي
وأشـــــــكره جــــــــــداً على الهدية
لاتغرك ضحكتي ولا أسلوبي
أعـــــــــــــرف أعزاز النفوس أمن الردية
كم وفو لي ناس وكم ناس أغدرو بي
و كــــــم كسبت ب طيب نية سوء نية

«®°·.¸.•°°·.¸¸.•°°·.¸.•°®»بعيد تاركني ::: ميحد و راشد«®°·.¸.•°°·.¸¸.•°°·.¸.•°®»

بعيد تاركني أدور لك أعذار
عن الغياب وصدمتك وانعزالك
معقولة ما جا لك على الباب زوار
ألي عطا لك فرحته ما طرا لك
شهرين وأسراب الغلا ما لها دار
تاهت وهي تبحث في غابة خيالك
ما تدري أن مفارق الخل جبار
وأن الفراق أكبر سبب للمهالك
أنا وحيد وما معي غير تذكار
لو تنشده عن حال خلك حكالك
كانت حياتي قبلك دروب وأسفار
حتى ملكت ألي بقى في وصالك
حبيبك محطم جروح"ن" ومنهار
حاله عليك من الوله عكس حالك
قبلك أنا والسهيل والجدي سمار
نشرح نغرج نقول حلاك ودلالك
نسيتني في الليل ونجوم الأسهار
قيلت مالي مرقد"ن" في ظلالك
خليتني أتعب على جزل الأفكار
قلت القصيد و قلت لك طاب فالك
نقلت جدام العدد كل أصفار
وحطيتني رقم الفقر راس مالك
أنا غريب الدار غريب بالأطوار
بالمختصر خذت لك شخص هالك
و الحين من شهرين من صار ما صار
وأن أتمنى يا حبيبي وصالك
بلله ما جديتك على البال زوار
طيفي دخيل الله ما جد طرالك

«®°·.¸.•°°·.¸¸.•°°·.¸.•°®»قوس الربابة::::::::::: ميحد والوسمي«®°·.¸.•°°·.¸¸.•°°·.¸.•°®»


استمد الشـوق حيلـه وانتحابـي.. لين صادفني طريقٍ كنـت اهابـه
لي شهر وانا ماغير اكتم مصابـي.. واتجمل فالوجيـه مـن الذرابـه
لين حدتنـي مخاييـل السحابـي.. والسنيـن اشبـاح والايـام غابـه
شفت مامنهـا مصـده واجتنابـي.. لكن الله رحمتـه تسبـق عذابـه
ياوجودي مـن عنـاي ويا ذهابـي.. وجد مـن خلـوه ربعـه للذيابـه
في نهـار هيـب اللـي مايهابـي.. يعتنـق عـج المنايـا بالسحابـه
منك ياللي فاقـدٍ منـك صوابـي.. قمت اعشقكك مثل عشقي للكتابـه
شف غيابك وين ودانـي وجابـي.. بس مع الايـام زودنـي صلابـه
حـس فينـي يامعودنـي غيابـي.. في وجودي وش مدى فرق التشابه
ليه ادق البـاب دام البـاب بابـي.. يامعيشنـي تفاصيـل الغـرابـه
يامعودني على صبـر احتسابـي.. يا معرضني شقى القيض وسرابه
الدروب طـوال لكنـك زهابـي.. شوف حالي كنها قـوس الربابـه
اعتقدت انك تعانـي مـن عذابـي.. يكسرك صوت الاحبه والغرابـه
واثرك اللي مستريح ولا درابـي.. ماتعرف الا تمـادي فـي غيابـك

«®°·.¸.•°°·.¸¸.•°°·.¸.•°®»كمل جميلك :::::::::: ميحد+راشد الماجد«®°·.¸.•°°·.¸¸.•°°·.¸.•°®»


مثل جميلي معك كمل جميلك معي
وانظر بعين الغضب ولا بعين الرضا
تسمع عـن الاخطل وتسمع عن الاصمعي .
. لكن ابسمعك شـعرٍ يهز الفضى
لا تدعي الظلم والله فوق يا المدعي .
. يا لين تعدل و تستوفي شروط القضى
ولا تشـتكي قلة الادراك قبل الوعي .
. وخليك واعي وتدرك كـل شئ مضـى
حظيت بي وانت تدري ويش هو موقعي .
. لو كان غيرك حمد ربه على انه حظى
حرمتني صـوتك اللي لا وصل مسـمعي .
. كني اغني هجيني فوق عوس النظى
وفارقتني و المفارق ما يزيد اوجـعي .
. لكـن يوّلـع في جوفـي نار كـنها لظى
ويا صاحـبي والشـعر ما هـو براس اصـبعي .
. الشعر احاسيس قلـبي لغرامـك رضى
وانا مصحصح معك خلك مصحصح معي .
. واعشق بعين الغضر والا بعين الرضى

«®°·.¸.•°°·.¸¸.•°°·.¸.•°®»السنين الماضية::::::::: ميحد+أصالة «®°·.¸.•°°·.¸¸.•°°·.¸.•°®»
والله لاخلي السنين الماضيه تعنـي
واوادع الناس وأرجع وآخذ المعنى
يمكن حبيبـي إذا غنيـت يسمعنـي
قبل البحر يا دروب الشوق يبلعنـا
و إلي خذاني وعيا مـا يرجعنـي
و الدرب مجهول والتفكيـر ضيعنـا
تدرون قلبي على هجره ما طاوعني
والناس تعذل وحنـا مـا تسمعنـا
لا قلت أحبه تراه الصاحب المعني
وإلي مع الهجر طبعا ما هو بمعنـا
لا قال دعني وأنا ما قلت له دعنـي
الين سالت مـن الفرقـه مدامعنـا
حتى يوم المـوادع يـوم ودعنـي
بكت جميع الليالـي مـن موادعنـا
الله يمتـعـك بلـقـاي ويمتعـنـي
بلقاك والسحب تمطر مـن تمتعنـا
والله لأخلي السنين الماضيه تعنـي
وأوادع الناس و أرجع وآخذ المعني


«®°·.¸.•°°·.¸¸.•°°·.¸.•°®»عَوّضوك بْغيابي ::::: ميحد و عيضة «®°·.¸.•°°·.¸¸.•°°·.¸.•°®»


عَوّضوك ْبغيابي لا تقول انّي َوحَشْتـك
لا تجاملْ دخيلك فـي شعـور يْعَنينـي
بَسّ يكفي كفايـه لا تمـادى عَرَفْتـك
خَاين الحب مَا له في فـوادي حَنينـي
إنت ياللي بعيني حِلْم عمري رسَمْتـك
وكيف تجرح خفوق يعشقك من سنينـي
أحسبه زاد حبّي في غيابـي وْحسَبْتـك
ما تجاهَـلْ وِدَادٍ كـان بينـك وْبينـي
كَم سَهَرت الليالي وكم ليلـه سَهَرْتـك
وكم ليله خَيَالك نام في وسـط عينـي
وكم قل لي دخيلك كم ليـل اْنتظَرتـك
كم قل لي تِفَضّل، كم صَـدّك يجينـي
كنت تجري بْدَمّـي لا نزَفْتـه نزَفْتـك
كنت ساكن خيالي، داخلـي مِحتوينـي
من كتَبْ الحـروف الأبجديّـه كتبتـك
"لامَه" إن كان تبغي أوَّلْ الحرف "سيني"


«®°·.¸.•°°·.¸¸.•°°·.¸.•°®»الموعد :::::::::: عيضة و فايز السعيد «®°·.¸.•°°·.¸¸.•°°·.¸.•°®»



جيتك على الموعد ولا جيت وش عـن لقانـا مانعـنّـك
كَنّك عن الموعـد تخلّيـت يـا ويـل يَاللـي عاشقنّـك
ليتك لصوت المغرم أصغيت أوتـار صوتـه يعزفـنّـك
كل حرف منّك يستوي بيت وارْبَـعْ حـروفٍ ينطقنّـك
ياما علـى شانـك تحدّيـت سـود اللّيالـي واسهرنّـك
منّك أنا لا حَـيّ لا مَيْـت لا مَيـتْ ولا حَـيّ منّـك
يوم بْنِظَـرْ عينـي تربّيـت وامـرت بامـرك طايعنّـك
ليـش التغلّـي والتعنّـيـت آهات صـدري مـا كفنّـك
لو نِكْ تباعـدت وتقاسيـت لك في المحبّه عكس ظنّـك
إن كان لي يـوم وتمنّيـت شوفـة عيونـك طالبـنّـك

«®°·.¸.•°°·.¸¸.•°°·.¸.•°®»عزّام" مع التحية :::::::: ميحد +راشد الماجد«®°·.¸.•°°·.¸¸.•°°·.¸.•°®»


عزمت أعَزمْ ومن عَزمْت عَـزمْ بـي عَزام عَزم يقول الشعـر واعـزم بـه
حيّيت ركب الحيا ممّا حـوت سحبـي يا حَيّ به عد ما حيّـا الحيـا ركبـه
الشعر عشق القلوب وْشَاعِرِكْ شعبـي ما يعشق الشعر لى ما يشعِـرْ بْشَعبـه
وانا بْنبـاك ونبـا مـن نـاب متنبّـي أنبيـك واللـي ينبّيـك النّـبـا نـبّـه
كلامك أحلى من السكّر علـى قلبـي عِيْده على شان أعيد العيد مـن حبّـه
لاجله جنيت الجمان وجيـون الغبّـي أدلج لاجل لجّ داجي تنجلـي حجبـه
بانشدك عن شاردٍ تنشا بـه السحبـي أوّله عندك .. وتالي رمـزه أوّل بـه
تحسِبْ حسابه مع انّه من سحب حسبي ويحاسبونك عليـه وحسبتـه صعبـه
والعزم عزمك واذا عزّمت عَزّمْ بـي واعزم من اعتاز لك عزّه وعـزّم بـه


«®°·.¸.•°°·.¸¸.•°°·.¸.•°®»
ثلاث أيّام ::: عبد المجيد عبدالله «®°·.¸.•°°·.¸¸.•°°·.¸.•°®»

ثلاث ايّام مرّن فـي حياتـي غيـر ثلاث ايّام عشت الحـبّ واغليتـك
ثلاث ايّام واتهجّـى كـلام الطيـر كلام أعْذَبْ من اعْذبْ مـن تفدّيتـك
رسالة حبّ شاهدْها غـلا وْتعميـر على فْوادي تربَّعْ واسْكـنْ فْـبيتـك
أقول إشْ قد انا عطشان وانت البير دَلو فكري نَضَحْ من كلمتـي ليتـك
أقول ال(ما يصير) لْعينك انت يْصير ولو حتى بْثرّيـا الكـون حطّيتـك
حبيبي والغلا صوره بـلا تصويـر صوَرْها بكل رَمشة عين أنا ريتـك
حبيبـي والعطـا يحتـاج للتقديـر إذا صرّحت أنا اللي حّيـك وْمَيْتـك
ثلاث ايّام مرّن فـي حياتـي غيـر ثلاث اّيام عشْت الحـب واغليتـك
ثلاث ايّام لكن ما ادري شِ التفسير بس.. ادري من ثلاث ايّام حبّيتـك
--------------------------------------------------------------------------------


«®°·.¸.•°°·.¸¸.•°°·.¸.•°®»قلب الغرام ::::: محمد عبده«®°·.¸.•°°·.¸¸.•°°·.¸.•°®»




جرحت قلب الغرام وزدت في عنادك
تبغي الصراحة ترى ما كان له داعي
من أربع شهور كثر الصد وش فادك
ما غير حرضك طول الليل لخضاعي
طيرت الأشواق من مرفاك وبلادك
وذبلت رسايلك ما جاني بها ساعي
يا زين تتوقع اللي حصل زادك
بل عكس ما زادك إلا زاد في أوجاعي
اللي محيرني انك في الزعل عادك
الشك ولهرجه الواشين تنصاعي
ليكون شيا في بالك صاير مرادك
أخاف قاعد تفكر تلوي ذراعي
هذا وانا الحلم سالفها على ارقادك
شلون تبغي تسويها وانا واعي
لو دمعتك سولفت لكبود حسادك
كان الرعيه تقيم قيمة الراعي
من أربع شهور وأنت مطول عنادك
اسمع ترى صدق ما للي حصل داعي


«®°·.¸.•°°·.¸¸.•°°·.¸.•°®»فضيييييييييحة ::::::::::: محمد المنهالي«®°·.¸.•°°·.¸¸.•°°·.¸.•°®»يسوقني المداعب الشعر سايق

واللي تساعدني عليه القريحه
والشعر للتاريخ مثل الوثايق
والكاتمه على العلوم الصحيحه
ماهي بتتعبني صعوب الطرايق
أجيد ترتيب الحروف الفصيحه
لو كل بيت يهزني في دقايق
جرحت شعار الظنون القبيحه
لكـــن أروقها إذا كنت رايق
واستغصب اللي نظراتوا ومليحه
واللي ماعنده كتف للحمل طايق
يصبر على جور السنين الشحيحه
يزرع أمل بين الضلوع الدقايق
وأهل الأمل قلوبهم مستريحه
لو بينه وبين الطموحات عايق
يحاول بجهد العزيمه يزيحه
لو بينه وبين الطموحات تعايق
يحاول بجهد العزيمه يزيحه
لقيت لي ضايق يسولف ضايق
عطاه من بين النصايح نصيحه
لا طاح قدرك من عيون الخلايق
لا تحسبنه يا أبيض الوجه طيحه
لا ماهي فضيحه وانتبه للحقايق
طيحتك من عينك هي اللي فضيحه


«®°·.¸.•°°·.¸¸.•°°·.¸.•°®»هذي طبوعي::::::::: راشد الماجد«®°·.¸.•°°·.¸¸.•°°·.¸.•°®»
لا بد في الكامل يجي فيه نقصان
يا ليتها بالجوع وأسد جوعي
لكنها كظه وفرة وميدان
وأنا ليا قدمت يصعب رجوعي
والكلمة اللي من قناعات وإيمان
يصبح بها لساني وتصغي سموعي
قولول لمن سوت على القلب بيبان
تفتحن السبت لين الربوعي
اللي حزنها غير عن كل الأحزان
خلى ابتساماتي مثل حب كوعي
لو إنها تسهر لي لبعد الأذان
بتشوفني لا رحت بطفي شموعي
حزين متشائم ونادم وحيران
بس ما أظلم وهذي أرقى طبوعي
أبوي سماني على أبوي حمدان
وخلاني أخذ عزتي من خضوعي
وعلمني أبادل الاساءه باحسان
ومن قو وقفاتي أثبت وقوعي
يمكن عيوني قاسية بعض الاحيان
لكني يعرفني أصدقاي وربوعي
والله لون في ايدي افرح انسان
افرحه لون ثمنها دموعي


«®°·.¸.•°°·.¸¸.•°°·.¸.•°®»صبري ملّني::::::::::: راشد الماجد«®°·.¸.•°°·.¸¸.•°°·.¸.•°®»

لِمِّني فـي مَحْجَـر عْيونـك حبيبـي وخلّنـي
يخلّني آشوف نفسـي فـي عيونـك واطمئـن
دامِك إن سَلْهَمْـت بالرمـش الظليـل تْفِلّنـي
(لعنبو) ذا الرمش كيف انّي من اسبابـه أجِـن
حبّك اللِّـي تَـلّ قلبـي مـن بَعَـدْ مـا تَلّنـي
صِدْق أنا ميّـت بحبّـك كانهـا عيونـك كَفَـن
إجْمَـعْ اللِّـي باقـيٍ منّـي شتـات ودلّـنـي
شوفني ذاك الغريب اللي يـدوّر عـن وطـن
صَدّك اللي هَـدّ حيلـي والجفـا لـي علّنـي
ليـه قلبيـن المحبّـه بالمحبّـه مــا الْتِـقَـن
قلت ابـاصبر والصَبِر من زود صبري ملّنـي
وقلت ابـانسى واثر طيفك صار له عقلي سجن
ضاعت دْروب المحبّه والحـزن مـا ضلّنـي
يا حسافه ذي الليالي.. ذي الليالي مـا انصفَـنْ
لا تهـلّ دْمـوع مـن عينـك أخـاف تْهِلّنـي
خايف أطْلَعْ من عيونك لا مـن فْـيـومٍ بكـن


«®°·.¸.•°°·.¸¸.•°°·.¸.•°®»الفصول الأربعة :::::::::: حمد العامري«®°·.¸.•°°·.¸¸.•°°·.¸.•°®»




أنسـاك كلمـه مالهـا أيّـة وجـود بمرجـعـي
والقلـب لامنّـه نـوى غيـرك حبيبـي بامنعـه
تنتابني ذكراك مـا بيـن الوعـي والـلا وعـي
ما كنّك الاّ بحـر حلمـي والمشاعـر الأشرعـه
من وين تطلع كنّك الاّ تقول يـا شمـس اطلعـي
يتنفّس الفجـر بنفـس حسنـك ويشـرق مطلعـه
مع إن فرعك لو رميت الشمس بـه عيّـت تعـي
إن الدجـا يسـري لهـا مـن دون مـا تتوقّعـه
إن الدجـا يكنـز عبيـره للنسـيـم المطلـعـي
كلّه على شـان النسيـم المطلعـي يلعـب معـه
يمتد ليلي واشعلـك شمعـة غـلا بيـن اضلعـي
ويمر بـي طيفـك ويتناثـر بصـدري واجمعـه
تحتاج تتعبنـي وأنـا أحتـاج لـك وأنتـه معـي
بعض المشاعـر تتعـب المشتـاق لكـن ممتعـه
موقعـك مـن قلبـي تدلّـه بـس حـدّد موقعـي
وبعدين خذ قلبـي وفـي دنيـا غرامـك ضيّعـه
وإن طاب لك شوقي وطاب لصوت همسك مسمعي
القلب لك والشوق فـي عروقـي بكيفـك وزّعـه
القلب ملكك والفصـول الأربعـة مـن مطمعـي
دام التقت في مبسمـك كـل الفصـول الأربعـه

«®°·.¸.•°°·.¸¸.•°°·.¸.•°®»
وشفيه بالك :::::::::: راشد الماجد«®°·.¸.•°°·.¸¸.•°°·.¸.•°®»

وشفيه بالـك بعيـد وجالـس تفكـر بدري على الحزن توك فـي بداياتـك
لاتحسب الوقت لي فاتـك وتتحسـر عمر الندم مايرد الوقـت لـي فاتـك
لا تترك الدمع فـوق الخـد يتحـدر حاسب ترى كل عمري فوق وجناتـك
يانور عيني مادامك عيني بـك تنظـر حرام تبخل علـى خلـك بنظراتـك
ماشفت كيف القمر عقب الظلام انور بالضبط نفس الشعور ان شفت بسماتك
ان كان في خاطرك حاجه علي ابشر والله لاسوق العمر كلـه لمرضاتـك
ماتدري انك اذا تكـدرت انـا اتكـدر وافرح لجل فرحتك واشره لشرهاتك
عودتني ع السهر وامسيت ماتسهـر ماغير طيفـك يعوضنـي بسهراتـك
احلى سنيـن العمـر بلقـاك تتعطـر يادنيتي وابـرك الساعـات ساعاتـك
يمر طيفك واضمك وارجع استغفـر وارد اشوفـك واقـول الله محلاتـك


«®°·.¸.•°°·.¸¸.•°°·.¸.•°®»أحـــلـــى زعــــــل ::::::::::: عبد المجيد عبدالله«®°·.¸.•°°·.¸¸.•°°·.¸.•°®»

جيب بزعل عليـك ونـاوي بالخصـام
كل ما في خفوقـي بس ازعل عليـك
يعني روّح واروّح واسري ليل الظلام
بس من يوم شفتك قلت برضا عليـك
خل روحي بروحك هذا اغلـى وسـام
خل عينـي بعينـك خل ايـدي بديـك
ياشـروق المحبـه يا شمـوع الغـرام
يا ورود بحياتي عطرهـا يهتديـك
سلم برمش عينـك هالتغلـي حــرام
ما تموت المشاعر دامنـي احتويـك
انطبع في خفوقي اسمك بحرف لام
وفي عيوني عشقتك بحياتي ابيـك
دامك بوسط عينـي كيف عينـي تنـام
ودامك بنبض قلبي كيف مـا افتديـك
مد لي كف وصلك قولهـا بحـتـرام
موت احبك واحبك موت انا اموت فيك
عاد تبغي الصراحه ما تويت الخصـام
هذا قلبي يحاسـب كل خطـوة اليـك
اقترب لك حبيبي بالغلى والسـلام
يا حبيبي بصراحه حلوه غمضه عنيك


«®°·.¸.•°°·.¸¸.•°°·.¸.•°®»روح وروح :::::::::::: أصالة «®°·.¸.•°°·.¸¸.•°°·.¸.•°®»

روح و روح ابعـد بدنيـاك يا متعب قلبـي بصـدك …
الدرب لي ضحـك بكـاك موت تكوى بنار حقـدك …
كم في العذارا ناس شرواك بحر الجمال يفوق مـدك …
اليوم الـي بيصيـر ويـاك باكر معاك الايام ضدك …
تذكر زمان كنـت اهـواك انت الوحيد وميـن قـدك…
ودك ادور غيـر لقـيـاك ودك ادور غـيـر ودك …
انا نسيتـك قبـل لانسـاك وحتى خفوقي اليوم هدك …
وبكل صراحـة واتحـداك اوقف مكانك عند حـدك …
لقياك اصبح مثـل فرقـاك والبحر مده غيـر مـدك…
والدرب لي ضحـك بكـاك موت وتكوى بنار حقدك …


«®°·.¸.•°°·.¸¸.•°°·.¸.•°®»كيف اجيك:::::::::::::: عيضة«®°·.¸.•°°·.¸¸.•°°·.¸.•°®»



كيف اجيك و كيف انا أبدى في غرامك كيـف قلـي ابتـدي لـك بالـكـلام
لك اسلـم بـس مـا جانـي سلامـك يعنـي مستكثـر علـي كلمـة سـلام
وش اسوي حتى انا استدعي اهتمامك و افتح الموضـوع يـا بـدر التمـام
ابتسملـك او اقاطـع فـي كـلامـك او اجيـك بكلمـة فيـهـا احـتـرام
ما قدرت ابعـد مـدام انـي امامـك ولا قـدرت اشـرح مفاهيـم الغـرام
حرت بك و احترت بك خذني مدامك ما يهمـك مـن غـدا بحبـك حطـام
ابتدي بك حب يـا عمـري علامـك ما تحس احساس مـن صابـه هيـام
كان عن كل الهوى صـار اعتصامـك مـا طلبتـك غيـر و عليـك السـلام


«®°·.¸.•°°·.¸¸.•°°·.¸.•°®»تـلـفـونـي ::::::::::: راشد الماجد«®°·.¸.•°°·.¸¸.•°°·.¸.•°®»

يا مرحبـا يـا مغلـط فـي تلفونـي مسموح .. مسموح والغلطات عفويـه
صفريين تسعه وسته .. سته تمونـي الرقـم هـذا فتـح خـط السعوديـة
ان قلت لبيـك آمـر هـذي عيونـي فتحت ذا القلب والنيـه علـى النيـه
خليت لك في الحنايا بصمـه ولونـي تفرق على لون دمـي فـي مجاريـه
خليت لك يا حبيبـي بيـت فرعونـي يخربط الناس في الروحـات والجيـه
وخليت لك في عيوني ركب وضعوني تزعل وتنزل تحـت جفنـي وفوقيـه
يا صاحبي وان نشدني طيفك شلونـي اقـول طيـب وطيفـك فيـه ماريـه
ماريـه يـوم تقبـل تجـذب لحونـي واجر له من لحـون الشـوق قافيـه
بيحت يا قاصـد الغلطـات مكنونـي وانا رومنسي احب اهـل الرومنسيـه
من دونك اعيش وانت تعيش من دوني يا لين اوحيت صوتك يا لعنبـو حيـه
رجت زوايا خفوقي وانشـد ركونـي وانا ولد شيخ لـي هيبـه وشخصيـه
الارض ارضي والكون المرجله كوني لكـن الحـب والعاشـق وطـاريـه
تكفـون يـا نـاس بالله لا لا تلمونـي الصدفه اللـي بلانـي عـاد جبريـه
سموني العاشـق المغـرم وسمونـي الشاعـر اللـي قصايـده ارتجالـيـه
قنابل من فكـر راسـي ومضمونـي لكـن قنابـل غرامـه هـي بـذريـه
واغني البيـت متواكـب وموزونـي مبـدع ومجنـون وافكـاري خياليـه
يا نجد ودي اغني بـك علـى هونـي حورية الارض فوق الارض نجديـه


«®°·.¸.•°°·.¸¸.•°°·.¸.•°®»يا ابن آدم :::::::: محمد عبده«®°·.¸.•°°·.¸¸.•°°·.¸.•°®»


يا ابن آدم كل ماكنت انظر الجرح العظيـم مالقيت اعظم من جروح الندم بين الجروح
ويا ابن آدم كل ماقلت الزعامـه للزعيـم ينتشي بي كبريائي فوق شاهقة الصـروح
والدروب يقودها درب الصراط المستقيـم واستقامات البشر بين الصراحه والوضوح
والغصون اللي فرحها غير لا هب النسيـم ماتسأل عن معانـاة الحمـام اللـي ينـوح
ياهل الزور ان حلفتو زوركم وجه الكريم فاح ريحاً من الكذب والكذب له ريحاً يفوح
يارحيم الصدر ضايق حيل سترك يارحيـم والدروب طوال واقدامي من اللهفه جموح
اعطني من لدنك التوفيق والعقـل الحكيـم والعزيمه والمعزه والمراجـل والطمـوح
والقمر يغريني اغني على اللحـن القديـم ويجذب البراق عيني كل ماشفتـه يلـوح
والقسـاوه للرجولـه والنعومـه للحريـم ياكثر ناسا تجي في عيني وناسـا تـروح
اكثر اهل الارض خلاني وانا مالي نديـم يشتكون جروحهم عندي وانا كلي جـروح


«®°·.¸.•°°·.¸¸.•°°·.¸.•°®» الدراهم ::::: راشد الماجد «®°·.¸.•°°·.¸¸.•°°·.¸.•°®»

اتحبني ولا تحب الدراهم
اختارلك وحدة علشان ماضيع
علاقة ما تنبني بالتفاهم
حتى تحت نور القمر يمكن تميع
ترى اهل الحب الحقيقي تراهم
مشجعين احساسهم دون تشجيع
صغيرهم يدري بقيمة غلاهم
لا يمكن تحصله معروض للبيع
مزروع في قلبي غلاك وعساهم
فدوة لبستانك وحصد المزاريع
مداك ما يشبه في عيني مداهم
يا ظبي يلي مرتعك في المرابيع
اذا زماني ما نصفني واذا هم
يبغونني انثر دموع التواديع
للحين بعده ما وصل مستواهم
المستوى شكر الحرار المطاليع
وصغار وعيوني لا يمكن تراهم
ما هي تشوف الا النجوم الملاميع
البحر ولا الموت انا كلاهم
اغرقهم واحبسهم ليابس الريع
الا اذا شفتك معاهم انساهم
كنك تقطع قلب مغليك تقطيع
لك محتوى يطغى على محتواهم
ويزيدني شوق ومحبة وتنويع
انت القمر والشمس ولا حداهم
انت الورود اليانعة والينابيع
اهل الحروب تجر لجلك حداهم
واهل الطرب تعزف لك اللحن تنويع
والاتقياء موحدين دعاهم
يحفظك ربي من عيون المقاليع
فرع وعلم هالبنات اش بلاهم
احبابك الموتى يا سيد المفاريع
في ارضهم جنة .. نجم في سماهم
اذاعة اهل الحسن وصوفك تذيع
من ما تطلع تراك حلاهم
اذا طلعت تصدع الناس تصديع
لكن لا تبعد بفكرك معاهم
لا الوصل يشرونه ولا الشوق للبيع
لو كل حاجة تنشرى بالدراهم
كان اشتريت العمر قدام لا يضيع

والــــــــــــــــــــــــــــسموووووووووووووحه

http://www.dl3r.com/vb/images/smilies/wrd.gif

يسلمووو ^^

يعطيج العافيه ع جهود طيبه