تعادل منتخبنا الوطني مع منتخب الكويت 0 - 0 في المباراه الوديه الاخيره

تعادل منتخبنا اليوم مع منتخب الكويت في المباراه الوديه الاخيره

على قولة اخويه ..وضع المنتخب و لعبهم يطمن :sm122:

بالتوفيق لمنتخبنا

يزاك الله خير أخوي راشد طمنتنا أنا من بعد صلاة المغرب وانا اتريا المباراه
بعدين قال لي أخوي انه المباره ما بينقلونها انقهرت يالله دام الوضع مطمن الحمدلله

ان شاء الله راح يشدون حيلهم في الخليجي ..
وحنا متفائلين فيهم الشباب
وان شاء الله يبيضون الويه ..

تسلم راشد ع الخبر

لا يطمن ولا شي ..

كل شي راح يبين في خليجي 19 والبداية مع اليمن ...

اللهـ يوفقك يالابيض ..

تسلم اخوي راشد ع الخبر ..

كنت اتريا النتيجه بفارغ الصبر لان ادري ان المبارات مابيبثونا
في القنوات ما قصرة اخوي راشد
اتوقعت منهم الفوز الحمد لله على كل حال

[align=center]
بصراحه اللعب كان عادي ... مع ان المنتخب الكويتي كان عليه حضر و غيره من المشاكل

نحن ما قدرنا نخترق دفاعاتهم و لاعبينا جيدين لكن بعد واضح انهم متلخبطين ..

و المدرب غير في التشكيله و جرب اكثر من كذا لاعب .. ان شاء الله يكون توصل للتشكيله النهائية

و اتمنى يرتقي لعب المنتخب للأفضل و نشوف أهداف أكثر

و كل التوفيق للمنتخب الاماراتي

العتيبي
[/align]

في الشوط الأول كان الوسط متلخبط .. عامر مبارك و نواف مبارك كأنهم أول مرة يلعبون ,, تمريرات خاطئة في منتصف الملعب

في الشوط الثاني تعدل الوسط بدخول عبدالسلام ,, الصراحة مايسترو ماشاء الله عليه

الوهيبي و الحمادي كانوا شادين حيلهم على الأجناب بس بدون خطورة كبيرة ... أخطر كرة في المبارة كانت رأسية فارس جمعة اللي إصتدمت بالعارضة و عقب تابعها إسماعيل مطر و تصدى لها الحارس

بس إنشاء الله يكون المنتخب جاهز في بداية البطولة مع تثبيت التشكيلة الأساسية

بالتوفيق لأبيض ...
دام اسماعيل مطر معاكم فلا خوف على الابيض ...

[gdwl]
شكراً على الخبر ...
[/gdwl]