اخواني واخواتي اعضاء المنتدى بصراحة حبيت أناقش وياكم موضوع مثير للإهتمام , طبعا اغلب المواطنين إللي ماخذين قروض , مقترضينها عشان إما زواج وإما بناء بيت أو شراء أرض , والأسباب عديدة , وأنا من إللي قامو ببناء بيت .
ما راحت فلوسي بلاش , وطبعا تكلفة البيت خلنا نقول 800.000 درهم بظل غلا مواد البناء , أنا إللي قدرت عليه 300.000درهم , وبالفعل قام البيت ووصلنا مرحلة وقف المقاول عن الشغل ,بسبب ان الفلوس إللي اقترضتها من البنك خلصت , وجينا بنراجع الإسكان , قلت يا جماعه انا عندي بيت قيد الانشاء وماشاء الله نقاطي فوق 48 نقطة وبغيناكم تساعدونا عشان نكمل البيت , تدرون شو قالو ؟ ؟؟
والله انطر يوم تحصل على الموافقة المبدئية , وحتى لو راجعت المسؤولين وما عندك موافقة مبدئيه مستحيل يمشونك , قلت لهم ومتى يعني بتنزل الدفعه للموافقه المبدئيه , قالو من 2008 لييين ألحين ما نزلت أي دفعة للموافقه المبدئية , بس نزلت الموافقه النهائيه , اتخيلو يعني من 2008 لين اليوم هاذي مرت 4 سنوات تقريبا ’ بمعنى اني انتظر 4 سنوات ثانيه عشان بس احصل على الموافقه المبدئيه , يعني البيت بيطيح وبتسكنه الشياطين , والموافقه المبدئيه بعدها ما نزلت , يكفي انه واقف ألحين من 6 أشهر .
والله يا أخواني شو هاي الحاله محكوم علينا نسكن بالايجار ونتبهدل وبعض الأحيان تضطر انك تترك البيت مال الايجار عشان راعي البيت زود لك الايجار ويالله روح دور لك على بيت ثاني , وشل اغراضك وراك وحوووووووووسه ثانيه .
إفففففففففففف والله تعبنا ’ ونبغي حل لهالموضوع .
الله يرحمك يا والدي الغالي زايد يوم استنكرت وضع المواضع إللي يلجأ للسكن باللإيجار
والله مليت ومستحيل أنا أكون الوحيد إللي تعبان من هالشي .
الحمدلله دولتنا ما قاصرنها شي ماشاء الله , أمسات متبرعة ب 100 مليون دولار لباكستان , انا ما قلت ما نتبرع , لا والله إحنا نفرح يوم اسم امارتنا الحبيبه مذكورة بالخير , بس عاد حسو بالمواطن شوي , ليش المواطن مظلوم , ليش يعيش حياة المفروض ما يعيشها بدار زايد دار العز والخير والكرامة .المفروض الدولة تهتم بالمواطن , بتقولون زادو الرواتب شو الفايدة زادو الأسعار , والله تمنيت ان الرواتب ترجع مثل قبل مقابل الأسعار ترجع مثل قبل , على الأقل كنا نوفر من الراتب شي , والحين مب ملحقين أساسا نوفر حتى لو درهم واحد , أو بالأحرى بقول أن الشهر بعده ما يكمل إلا والراتب ما باقي منه شي .
يا اخواني الشقق والبنايات المعروضه للإيجار هاذي للوافدين إللي إييونا من برع , مب حق أهل الدار , والله صارو الوافدين بعدهم يسكنون بفلل ملك ومترفهين بحياتهم على أرضنا .. الله المستعان .
نطلب من دولتنا النظر في هذا الموضوع للأهمية , ومن واجبات الحكومة توفير مسكن لمواطنيها , يعني ما طلبنا غير حق من حقوقنا .
وسلامي للمجلس الوطني .:sm140:
