-
بحر الطِّيْب
أشياء من الماضي
غِلِّجْ دَرْب السَّهَاله
وامْسَى الخاطِرْ عويج
يا عين يا هَمَّاله
دَمْعِكْ يَرَى مِنْ ضِيْج
*******************
في ليلةٍ عَمَّتْ الفَرْحه نواحيها
أسْرَجْت ليلي وْشِعْري وانْشَرَحْ بالي
أسْرَيْت أهوجِسْ واغَنِّمْ من قوافيها
قصيدةٍ طاب مِنْها جَرْح غربالي
ليلة عمر والبَدِرْ طَرَّزْ شواطيها
وِنْجومها الساريه خَجْلا وْتِخْتالي
أزِفّها لْـ (بوظبي) مِ القَلْب واهْدِيْهَا
للشامخ الحرّ راقي المرْقَبْ العالي
(خليفة) العِز روح الدار راعيها
شيخ المكارم زعيم بْلادنا الوالي
وعلى يمينه وليّ العهد يَفْديها
مكارمه ما لها عَدٍ وْمِكْيالي
(بوخالد) المَجْد أوحى لي معانيها
أسْري بها من سماته عالي وْغَالي
واروي بها قْلوب تِسْقى من مغانيها
واسْقي ظماها بصافي كاسها الحالي
(بوخالد) اللى إذا ما حَلّ يحييها
قصايدي مِثل وَبْلٍ هَلّ هَطّالي
نَفْسه بَحَر طِيْب واخْلاقه مراسيها
وِنْفِلّ فيها القلوب وْنَبْني آمالي
هذا سليل المعالي مغرمٍ فيها
عالي علوّ المعالي.. هوب مِتْعالي
تزهي به بْلادنا وْتَسْفِر لياليها
ويضفي عليها سلام وْفِلٍ وْفالي
هي دار (زايد) تشاغِلْني روابيها
عن كل دارٍ زَهَتْ بانْهَارْ وِظْلالي
دارٍ و(زايد إبِنْ سلطان) بانيها
(زايد) كتَبْها بحِبْر المَجْد باجلالي
ذِكْراه مَعْ كل ذِكْر الطِّيْب نَطْريها
هو منهج الخَيْر والحِكْمه ولازالي
وْلازال بين الضلوع وْفِيْ محانيها
وِيْلوح نَجْمه ما بين رْجَالٍ أبْطَالي
داره إذا هَبّ من حِقْدِه معاديها
يَنْبِتْ ثَرَاهَا كتايب جِنْدٍ رْجَالي
رجال وارواحهم سبحان باريها
في ساعة الصِّفْر ما تِجْزَعْ ولا تْبَالي
أرواحهم لاجل (بوسلطان) واليها
تسعى إلى الموت ما تخْشَى ولا تْسالي
(خليفة) الفخر والأوطان حاميها
له فوق هام السحاب الغِرّ مِنْزالي
سحابة الجود يوم يْمرّ ساريها
أسْقَى عطاشَى البرايا غَيْث هَمّالي
هَمّال حالي جوادٍ ما نوفّيها..
فضايِلِهْ ما شَرَاها راعي المالي
الاموال تفنى وْيفنى من تِعِبْ فيها
ما يحْفَظْ الدّهْر إلاّ بِيْض الافعالي
والافعال في الناس لا ما خاب ساعيها
ما دام ميزانها في الحَقّ ما مالي
وانا اشْهَدْ إنّه (خليفه) في مساريها
مواكبه سارِيه في كلّ مدهالي
مدهاله أفْرَاحْ عَمَّتْ في نواحيها
أسْرَجْت فيها قصيدي وانْشَرَحْ بالي
-
رد: بحر الطِّيْب
صح لسانك
ابيات رائعه جداً احرف ثمينه فكل الشكر والتقدير
لاناملك الذهبيه التي خطت اروع الاحرف ..
في حفظ الرحمن ...