حطبت الحُب وإنكسر لي فاس - أحمد الصانع
حطبت الحُب وإنكسر لي فاس
أحمد الصانع
تعال الشوق دمَّرني حبيبي والصبر ذايب
حطبت الحُب من قوّة غيابك و إنكِسَر لي فاس
تعال وقول يا ماخذ جميع أشيائي وش جايب ؟
ترى ملّيييت من حبر القلم و معاند القرطاس
عيونك نامت ب عيني وظنِّي للأسف / خايب
أظن ترجع وما ترجع أظن وما يجيني نعاس
أنا ما قلت لك مخطي ولا هم قلت لك صايب
أبيك الحين ترجع في حياتي شمعة الجلاس
أنا عقلي على درب الجروح ف غيبتك سايب
أنا فيني التعب عايش من رجولي إلين الراس
قوي قلبي ,, ولكني أحس / ب غيبتك هايب
تخيَّل كل ما أصبر على غيابك , تضيق أنفاس
أتوب شلون عن حُبك وغلاك بداخلي شايب ؟
أحبك كل يوم أكثر وفيني لك كثير إحساس
حضورك كان في قلبي جميع الوقت يا غايب
أنا من وين ما أطالع , أشوفك إنت كل الناس
