قصيدة عن الأم :قصيدة دعوة الغفران للشاعر سالم سيار

هذه القصة الواقعية التي حدثت مع الشاعر :سالم سيار العنزي

اليكم القصة والقصيدة:-

أم مرتميه بجوار الرصيف تتوسد احذيتها وفي يدها الدواء..

وكانت ليلة باردة فسألها شاعرنا هل تحتاجين للمساعده فقلت: نعم اريدك ان تأخذني

الى دار العجزة (وهو دار للمسنين اللذين ليس لهم احد يرعاهم)..

فقال لها : لماذا....فقالت لقد طردني ولدي الوحيد بعد ان زوَجته ..

اوصلها شاعرنا وقلبه مفطور لما رآه و سمعه من هذه العجوز

فهاضت قريحته بهذه الابيات يرويها على لسان هذهِ الام المفجوعه:

معقوله تجي منك ترميني لاي انسان
يلملمني ولا يلقى بعيونه كود دمعاتي

انا ماصدق انك انت تنهيني من الوجدان
ترميني وانا شوف القبر نادا مسافاتي

كسَرني الشتا يا هيه وانت بهالحشا غفيان
تحملت الاسى والضيم عشانك يابعد ذاتي

انا امك انا امك حملتك والعذاب الوان
ولدتك والالم سكين يركز داخل لهاتي

زهملتك بعين وعين يشرب حزنها القرآن
وهزيتك وكان النور يتهزهز من دعاتي

وتذكر يوم مدرستك صدى وكفوفنا الحرمان
ورنيَت الصدى من فلس لثمته بطرف شيلاتي

وطولك من ركض فيني لمست بداخلي اوطان
وشفتك تبني بمجدك على اكتاف انكساراتي

كبرت وصرت بعيوني فارس واشهم الفرسان
وحلفت اني على عرسك لرَقص كل شيباتي

افا وشلون تتركني ويكحلني عمى النسيان
وانت ادرى بيوم الحشر جنه تحت خطواتي

لك الله ما نطق فمي الا دعوة الغفران
ولكن خوفي ياوليدي من دعوات عبراتي

تدين اليوم وياخوفي باكر للاسف تندان
ويرمونك مثل امك وتذكر حلم شيباتي