يا خل غيرك على الدنيا أنا من لي - من اشعار الشيخ محمد بن راشد الله يحفظه

يا خل غيرك على الدنيا أنا من لي

يا طول صبري من الهجران يا خلي
والروح مني ومن هم يكابدها
أنت الهوى .. وكل الكل بالكلي
وأنت الذي بالهوى روحي تعذبها
يا خل غيرك على الدنيا أنا من لي
يا كيف دايم تصديني متاعبها
مضمون حبك على الخفرات متعلي
يا من وحوش الخلا تاخذ مقاودها
ارحم صويب براه الشوق معتلي
وجروح راعي الهوى أعيت طبايبها
دعواي دعواك دعوى مالها حلي
لي طلبة لو بعد مره تنفذها
لو بس شوفك بعض الأيام يحصل لي
بيزول هم على نفس يراودها
كن بعيانك سهام الموت ينسلي
وخيول جيشك تهددني ركايبها
إن كان يا زين هذا الحال راضٍ لي
حذراك لايام ما تصفو مشاربها
الخد نوره بداجي الليل مشعلي
يسني على دار باعد به قرايبها
العين عين أشقر للصيد متخلي
أنا الذي صرت في مدمات صايدها
لا واخسارة حسايف ما مضى غلي
واتعبت لاقدام ع الفاضي عمايدها


الأميرة الحسناء

يا خل غيرك على الدنيا أنا من لي

كلمات جميله لسمو الشيخ / محمد بن راشد آل مكتوم حفظه الله ورعاه
تسلم يمناج على الانتقاء الجميل
ربي يحفظج ودمتي بسعاده ورقي

اقتباس:

---

المشاركة الأصلية كتبت بواسطة القـــالكبيرـلب

يا خل غيرك على الدنيا أنا من لي

كلمات جميله لسمو الشيخ / محمد بن راشد آل مكتوم حفظه الله ورعاه
تسلم يمناج على الانتقاء الجميل
ربي يحفظج ودمتي بسعاده ورقي

---

اسعدني تواجدك وبكل سرور وموده
دائماُ ينثر قلمك اعذب الرد والكلمات الراقيه ..
اتركك في رعاية الله وحفظه ...عزيزي ..