الاخوات اللواتي تسقن سيارة :هل تفحصنها دوريا!
الاخوات اللواتي يقمن بقيادة سيارة هل تفحصن زيوت وسوائل سيارتكن دوريا حيث أكتشفت أن أصحاب المركبات من الاخوات لا يعلمن شيئ عن الفحص بدليل مركبة احداهن كان الراديتر بدون مياه وهي موديل 2008 . يرجى من الاخوات اعطاء رايهن في الموضوع وكذلك الاخوة زوار المنتدى
المصدر / خاص
رد: الاخوات اللواتي تسقن سيارة :هل تفحصنها دوريا!
اخوي بصراحه انا اسوق سياره والحمد الله اعرف في امور السيارات
رد: الاخوات اللواتي تسقن سيارة :هل تفحصنها دوريا!
السلام عليكم ورحمة الله وبركاته
بصراحة موضوع مهم لكافة لنساء الاتي يقدن سيارة
بالنسبة لنفسي انا والحمد لله لا اعلم شي من امور السيارة بالمرة
بس بطبيعتي ما اهمل خدمة السيارة اتابعها اول بأول على طول وكالة
ولو صار وحسيت فيها شي غريب بعد على طول وكاله علشان اتطمن خاصة انه الوكالة حرامية وغالية
بس لغاية الحين ما اثق بالكراجات احس اانهم يصلحوا شي و يخربوا 10 اشياء
بس لازم نعرف عن السيارة عالاقل دورات للاشياء الاساسية
وان شاء الاكاديمية الجديدة لتدريب السواقة انها ما تكتفي بتعليم السواقة بس والاشارات لازم بعدد الكل يتعلم الاسعافات الاولية للسيارة
وبارك الله فيكم عالطرح
موفقين لكل خير
رد: الاخوات اللواتي تسقن سيارة :هل تفحصنها دوريا!
مرحبا اخوي
انا مع فراشة الرمس
صح نحن مب ميكانيكين ولا نعرف في الميكانيكا بس معروف ان الحريم اكثر حرص من الرياييل في هذي الامور .
ما ريحنا الا الوكاله صح ندفع دبل بس كونا ما نعرف نتعامل مع اصحاب الكراجات وذمتهم مب لهناك . لان الريال ماشاء الله يعرف ويقدر يجادل ويناقش ويفاصل بهذي الامور اما نحن فلا خبره ولا قدره لانا ما نحب نتجادل مع اصحاب الكراجات .
صح بتلاقي وحده موقف موترها مافي بترول والثانيه ماشي ماي بالراديتر بس الحين اخوي معظم السيارات الجديده ما تحتاج تحط لها ماي بالراديتر كل يوم كل ما تغير الزيت يطالع لك الماي .
واكيد التواير تشيك عليها بين فتره وفتره خاصه اذا بتضرب خط وتشوف شو يلائم سيارتك يعني انا نصحوني 35 واستخدمتها فتره طويله لكن لما مره حطيت التواير على 40 شفت السياره اخف بوايد ولما سالت الوكاله قالوا تختلف حسب نوع التواير والاحسن لسيارتي اربعين .
نتعلم شوي شوي بالخبره :sm7:
والسياره سواقة حرمه الاكثر طلبا لاهتمامها بها وصيانتها .
وبالاخير اشكرك على موضوعك ويارب ينبه الاخوات اللي يهملن سياراتهن