اللي عندها وطنيه تقرب واللي ما عندها تتوكل على الله

مرحبااااااااااااا
حبايبي شخباركم شو مسوييين انشالله تمام ما بطول عليكم بس حبيت أعرف ليش اذا كانت وحده مواطنه ماكييره او تاجره او شي ما نسير لها ليش ما ندعم بعض ونرفع من معنويات بعض حتى لوكانت المواطنه مش بالمستوى المطلوب ليش ما نوقف معاها وندعمها لين ما توصل لأعلى المستويات اذا انا بدعم أخت ربيعتي وربيعتي بتدعم بنت خالتي و بنت خالتي بتدعم بنت الجيران بيصير خيرنا لبعض تصدقون والله العظيم انه مرات احتاج اشياء من السوق بس اقول لأ بشتري من التاجرات اللي اعرفهم احسن سواء من داخل الرمس او خارج الرمس .......
اكبر مثااااااااااااااااااااال : -
وحده طلبت مني اوديها صالون لأنه ماعندها سياره فقتلها ليش ما تسيرين صالون أجواء قريب عدنا في الرمس وشغلهم روعه واسلوبهم روعه ويوم أسير عندهم يتعاملون معااعي وكأني ملكه فتخيلووووووووووووووووووووووووووووووووووووووووووووووووو شو كان ردها قالت استحي أسير عند مواطنه صدق تفاجأت ليش يعني ما نسير عند المواطنه حتى لو كنا نعرفها شو يعني عيب يعني لو سوينا فيشل او سشوار او نعتني بأنفسنا كلنا بنات
المهم انا طولت عليكم بس انا كلام ربيعتي أثر فيني وأثار غيرتي وحبيت أشوف انتو معاي ولا مع ربيعتي
بليز اللي تدخل ترفع الله يرفعكم درجات في الدنيا والآخره

وانا معاج دوم انعامل مع خواتي عسب نساعد بعضنااااا

أختي العزيزة كلامج حلو وما عليه غبار
ومافيها شي اذا شجعنا خواتنا فهالأمور الطيبه
بس مثل ماقالت ربيعتج يمكن تستحي تروح لمواطنه
وأنا ما أشجعها لهالشي المفروض تروح وتشوف شغلهم
والله يوفق الجميع .. وطبعا أنا وياج قلبا وقالباً ..

حبيبتي اشكرج عالروح الوطني وانا اشجع المواطنة ولكن الله يرزق الناس من حيث لايحتسب فالكل ياخذ رزقة وما نقطع ارزاق الناس والله جعل الناس اجناس وكلن على رزقه يسعى واتمنى للموطنات التوفيق وللأجانب التوفيق وبدون زعل حبيبتي الكل بياخذ رزقه ---مواطنة من الساس لراس وتحياتي لج---مسك الأمارات