قصيده لزوجي

كتبت هالقصيده في زوجي حينما رأيت صورته وهو مبتسم فيها ووصفته في هذه القصيده

أرجو أن تنال على أستحسانكم








أروح فدوه لها الضحكه ومافيها ..من معاني الحب والعشق وأسراره ..
عندك لباقه وثقافه ومظهر وأجمل مافيها ..وجهآ جميل خافيه أسراره ..
عندك جمال ورونق وضحكه ربي يخليها ..لا تجتمع بالناس لاتصيبك عين حاره أو شراره ..
من قلب حاسد رايح فيها ..اللي يشوفك مو بس يحسد الا حياته تصير جحيم يخليها ..
حبي حياتي لا تلوم قلبي أذا توقف أو عقلي راح فيها ..لأن أبتسامه منك تنهي حياتي وتمحيها ..
أحبك أنا ياراعي البلسم وشافيها ..أذا جروحي زادت فأنت من يعافيها ..
عندك لباقه وتاثير وحضور ونور وضحكه عسى ربي يحميها ..كلك جميل من فوقك الى تحتك ياللي أنته راعيها..
يعجز لساني عن أوصاف نفسك ومحاسنها ..لأنك نور المجالس وسيدها وراعيها أنته محليها ..
ياسعد أرض أنت واقف فيها ..وعسى أحزانك ربي يجليها ..
هذا غير صوتك وحسك وأنفاسك وكل مافيها ..لاتلومني أذا حبيت أنا صوتك أورحت أنا فيها ..
لأن مثلك قليل وكل الأمارات أنته محليها ..يسلم تراب رجلك مشت فيها ..
وتسلم عيون عيونك جت فيها ...أكيد زاد شرفها لأن عيونك رحبت فيها ..
وتسلم أيدآ أيدك سلمت فيها ..لأن أكيد أمثالك يشرفها ويعليها ..
الكل يقوم بأحترام لك ياحظرت معاليها ..لأن أنته ملك والملوك دوووم فوق ربي يخليها ..
ولأن أنته أمير وأكبر من ملوك الأرض ومافيها ..يكفي حنانك لي هذي نعمه من الله أفتخر فيها ..
ويكفي أبتسامه منك تنور هالارض وما فيها..ياللي أمثالك قليل ونادر فيها ..
خلك كريم حنون وأخلاقك لاتغيرها ..وحافظ على العلم لأنه هو معليها ..
وخلك واثق بنفسك ولا تنزلها ..الى من هو لاهي بدنياه ورايح فيها ..
أسمع نصيحه من تلميذك اللي تعلم منك أخلاقك وعلمك وأسلوبك وصار هو فيها ..حكيم زمانه وراعي كلمه وحكمه زرعتها فيها ..
أحبك وبعلو الصوت أرفعها وأعليها ..عسى ربي يخليك لأمثالي ودنيتي أنته تحليها ..
وآخر كلامي أحبك وأعزك وأضمك ياللي جمالك وجمال حضورك مسح كل الي في نفسي ومافيها .
.لا تخليني في دروبي وحدي في الظلام أتخبط أنا فيها ..عطني من نورك أنور فيه حياتي ومافيها ..ياللي نورك ملأ حياتي وصارهو كل شي فيها ..

أميرة الامارات

قصيده وكلمات روعه وفي غاية الجمال
الله يدوم عليكم الابتسامة ولا يحرمكم من بعض
ربي يحفظكم ودمتم بسعاده ورقي

تسلم أخوي على الرد الحلو منك رفعت معنوياتنا

الله يديم المحبة مبينكم
بحفظ الرحمن

ماشاء الله... . والله شي حلووووو .... ربي يحفظكم ويخليكم لبعض ...

تسلمون لمروركم الحلو وتسلم الأنامل اللى كتبت الرد وتسلم العيون اللي قرت القصيده عساها دوم مرتاحه بلقى الأحباب

هلا وغلا فيج اميرة الامارات
ارحب فيج فقسمنا نورتي ونورت كلماتج
ابداع وتميز وضعتي هنا
كلمات في منتهى الذوق والابداع
لك كل الشكر والتقدير الغاليه ..
انتظر جديدج فالمرات القادمه ..
دمتي في رعاية الرحمن ...

تسلمين الغاليه عساج دووووم مرتاحه ولاتشوفين يوم يكدر خاطرج مثل ما أسعدتيني بردج الحلو مثلج عيوني

الله يديم الحب بينكما

الله يديم المحبه والسعاده بينكم يارب
ورروووووووووووووعه القصيده