دورينا بس اسمه محترفين

بسم الله الرحمن الرحيم السلام عليكم ورحمة الله وبركاته الحمدلله والصلاة والسلام على رسول الله وعلى آله وصحبه أجمعين
المتتبع لدورينا دوري المحترفين اساله سؤال
كم مباراة تابعناها تسوى هالكلمه دوري محترفين ؟
ليش البطولة انحصرت بين ثلاث انديه بس ليش الباقين مب محترفين
ليش بعض الانديه القابها اكبر منها
وين انتصاراتك يا بركان شو استوى لك
وين مفاجئاتك يا الضفره
الخليج ليش صاعد ؟ وشو تسوي في الدوري غير تلقى الخسائر
دوري محترفين صح بس المفروض تشترك فيه اربع انديه لانهم فعلا الاقدر على هالتسميه
يعنى اللي شاف مباراة عجمان امس يعرف الفرق بين المحترفين وغير المحترفين
الشعب كانهم يلعبون في دورة رمضانية مب دوري محترفين والوصل اخر المباراه مو ناقصهم الا كراسي مريحه في الملعب
والملك الشرجاوي الظاهر تعب ولازم يكتب وصيته عنبو الشوط الاول ثلاثه من دون سبب
يا جماعة ترا انا ما اجرح في حد بس مو عاجبني اللي يصير اول كانت المنافسه على اشدها لين اخر نفس من الدوري
تذكروا بس كم فريق كانوا ينافسون واليوم صاروا ثلاث فرق
ولاحضوا فرق النقاط بين الرابع والاخير معقوله
واللي يبا يعرف بين دورينا وبين المحترفين يشوف مباريات الدوري السعودي ويشوف الفرق
وبعدين احسبوا كم لاعب يتردد اسمهم فى دورينا بتلاقونهم قليل يعني من 132لاعب نسمع اسم اربعة او خمسه
في الجولة القادمه ركزوا شوي وشوفوا كم مرة بتسمع اسم فيصل خليل او اسماعيل مطر والثالث مال العين رقم 10 نسيت اسمه او بيانو والباجي وين وليش ما نسمع عنهم بصراحه لانهم ما يتحركون كانهم مغصوبين على اللعب
اندرسون مال الشارجه لاعيب بس للاسف ما محصل حد يحركه وغيره من المواطنين وايد بس محصلين اللي يطلعهم
حتى المعلقين يزعقون باسم الحريفه الاجانب ونسوا اللي يعدل لهم الكور
عبدالرحيم جمعه من خيرة لاعبينا ومثله الوهيبي
وغيرهم وايد احنا سوينا الكحل وعدلناه وكحلنا عين غيرنا ومدحناها
في شي بعد الحين من خمس سنوات تقريبا بطولاتنا المحليه كلها محصورة في ثلاث انديه بس ليش وشو السبب؟؟