قبل السلام وبالسمله
انا واعوذ بالله من كلمة انا
ماعرف اذااا المواضيع الشخصيه تنطرح في هذا المنتدى او هي من المحظورات
نبداء
السلام عليكم ورحمة الله وبركاته
بسم الله الرحمن الرحيم
اود ان اطلعكم على شخصيتي التي ليس لهااا اي معنى
يقولن البعض عني اني انسان جدي وبنفس الوقت زعوووول ويقول البعض الاخر عني اني انسان غير محتمل ويبعدون عني ويقول بعضهم عني انسان متكبر ولا احب ان اتداخل معهم ولا اخذ واعطي معهم بالكلام وبصراحه اشوف نفسي عكس الكلام اللي ينقال
وانا اتكلم عن نفسي بصراحه انا انسان بلاهدف كل يوم حال ليس لدي اي صديق واذاا كان هم اثنين ويزاهم الله خير انهم معتزين بصدااقتي هب مثل البقيه اللي هم يبدون بالتعارف وبعد يوم او يومين يتركوني وكأنهم مايعروفني
انا واعوذ بالله من كلمة انا
اشوف نفسي انسان عادي بسيط والله العظيم ماظر حد بس الكل يبي مجاملات ومشكلتي ماحب اجامل مثل مايقولون اعطي كاش الكل يعتز بالناس من حوله وانا ماعندي لا صديق ولا رفيق
واحساسي بالوحده بصراحه جابلي مرض الضغط والسكر اترقد فالمستشفى مافيه احد يسأل عني او يزورني اذااا طلعت اتمشاااا ماعندي احد اقوله يطلع معي او اتمشى معه 90% من وقتي اقضيه بغرفتي او اطلع من بعد المغرب اتمشى بالسياره بروحي واذا قعت لحالي اقعد افكر لمنوه ولا لمنوه اتصل واللي يسمعني يقول من زود الربع اللي عندي ماعرف لمنوه اتصل منهم مايعرفون ان تفكيري لو اتصلت لحد من اللي كنت اعرفهم راح يرد عليه او يطنش وبصراحه اتصل للاول والثاني والثالث وغيرهم يمكن اذااا تكرم واحد منهم ورد سألني عن الحال وقال مشغول وبرجع اتصل ومن عدهاا الله يرحم ماعاد يتصل ابد المسئله مسئلة تهرب
ومن طيبتي واللي هلي يقولون عنهااا غباء واللي هلي كم مره حولووو يغيرون هالطيبه ومانفع
كل من ياني يبي مساعده ساعته وهو موهمني انه صديق عزيز واثر الصداقه صداقة مصلحه من يحصل على اللي يبيه طنشني ولا جنه عرفني ابد
احلى شي فيني ان كنت زعلان اتجنب كل الاشخاص وخاصه هلي اخاف صوتي يعلى على امي او ابوي او اخواني احلى حل اشوفه النوم ولا عدم الخروج من الغرفه لتجنب اي مشاحنات
تعرفت على ناس كبار والله العظيم ان عيالهم قدي بالعمر تتفاجئتبهم انهم ناس صغار بالتفكير بدل مايكونون قدوه تشوف الياهل اللي عمره 10 سنين اعقل منهم وتفكيره انظج من تفكيرهم
بصراحه احب الناس اللي قريبين مني من جهت التفكير او الشخصيه او الهوايات
وبصراحه هواياتي متعدده
ومن ابرزهااا كرمتووو حب الحيوانات
جميع الحيوانات ماعدااا الكلاب كرمكم الله
تخيلووو فيه ناس مصلحتهااا بالحيوانات لمااا يشوفون عندك شي مميز ويحاولون يوصلوله يصادقوني عشان حيوان عشان اعطيهم اياه ومن بعده فارجوووو ولا شافتهم عيني
فالبيت نفس الشي ان صار شي نايل اللوم عليه لني ماعرف اتكلم ولا حب اجرح ناس بكلامي
ومن شدت غبائي اقنع باللي اشوفه واللي اخذه اشياااء من حقي انا وتنخذ قدام عيوني وانا ماقدر اتكلم ولا اقدر اناقش اذااا جبت شي يكون للجميع واذااا واحد من هالجمع ياب شي ماقدر اخذ منه ولو شي بسيط
استغفر الله استغفر الله فيه مره وصلت للانتحار كنت بنتحر كنت ابي انحر عمري بسكين لو ما الله عطى وجت مرت عمي وهي اللي ريحت بالي وخاطريه وخذت السكين عني وخذتني معاهاا البيت لنه لي اخوه والله تعاشر يهودي يمكن يحن عليك اكثر منهم مدري احس اني غريب فالبيت اللي معي الوالده بس ومرت ابويه اما الباجين الله يعين لو مو متجنبنهم الله اعلم وش يصير من كان عمري 10 سنين اتعذب انظرب كان ابويه يظربني ولا يرحمني كان يكسر الخيزران عليه بسبب الدراسه ليه اطلع الثاني او الثالث ليه ماكون الاول واوقات كان بدون سبب انطق طق والله ان الظرب يظل سبوع اوقات او اكثر معلم في جسمي وهالمعامله انا ماشفتهااا تنطبق على اي اخ من اخواني الا انا وبصراحه مدري ليه كل ماشوف ابوي او بعض من اخواني احس اني بموت بنفجر ابي اطلع مابي اشوف وجوهم
والسموحه منكم ماقدر اكمل اكثر من كذااا
هذي نبذه من حياتي بالحاظر وبالماضي
والله لايراويكم اللي شفته
