(عاجل) لصحة البشرة والجسم

السلام عليكم ورحمة الله وبركاته

شحالكم بنوتات ؟؟ كيف الصحة؟
الصراحة هاي اول مرة اكتب فيها موضوع دايماً أنقل http://forum.uaewomen.net/images/smilies/wink.gif واللي دفعني لها الشي هو اني حبيت انكم تستفيدون مثل ما انا استفدت64...20%2843%29.gif

انا كانت عندي مشكلة تعاني منها الكثير من الفتيات ذوات البشرة الدهنية اللي هي مشكلة الحبوب وطبعا ما خليت عيادة ما سرت لها بس ماشي فايدة على فكرة انا الحبوب اللي فيني وسط مش وايد ولا شوي ونصحوني أخذ حبوب الريكوتان بس انا ما أحب هالأمور اللي لا سمح الله ممكن تضر فالمستقبل.

انزييين طولت عليكم صح http://forum.uaewomen.net/images/smilies/biggrin.gif
الحل كاااان جدا بسيط واكتشفته بالصدفة شي دايماً ينصحونا فيه بس نحن غافلين عنه، الله يسلمكم انا هالفترة كنت مريضة شوي وكنت مضطرة اني آخذ أدوية وطبعاً مع الأدوية لااااازم نشرب كميات من الماي خصوصاُ إذا كان الدوا مرتين أو ثلاث مرات فاليوم، وأنا أخاف من الأدوية فأشرب كميات كبيرة من الماي عشان تسهل امتصاصها فالمعدة ، وهالشي من أسبوع تقريباً وسبحان الله الحبوب بدت تختفي من ويهي ما شاء الله ما بقى إلا الأثر معقوووووولة من الماي هيه والله من الماي!
بنات جربوا هالشي والله ما بتندمون بتحسون بنضارة في ويوهكم يعني دبة صغيرة بعد الوجبات الثلاث بساعة تقريباً ،وعلى فكرة أنا خففت حلويات ودهون بعد لأن البطن مليان ماي فتحسون بالشبع،
ولا تنسون الفوايد العظيمة للماء لما يحتويه من معادن ويساعد على عمليات الأيض في الجسم، وخاصة الناس اللي يبون يفقدون وزن هالشي وايد بيساعدهم.

يالله بنات أبى تجاربكم 64...20%2883%29.gif
و لاتنسوون تدعولي بأن الله يحقق اللي فبالي..