المقيض

بسم الله الرحمن الرحيم السلام عليكم ورحمة الله وبركاته الحمدلله والصلاة والسلام على رسول الله وعلى آله وصحبه أجمعين
في مثل هالوقت قبل سنين 00 حملوا كشارهم الاولين
صوب المقيض عزموا يبغون 00 صوب شمل ولا الغب مصيفين
وحملوا على الحمير كل اللي محتاجين 00 لانهم للبيت ما بيرجعون
وتعال شوف المنطقة اللي سايرين 00 نخل وماء وظل وبراد من الزين
اليهال تحت الزرع يلعبون 00 والحريم عند الجدور قاعدين
وياما اكلنا بسر وقطعنا اللوز ويا ما سبحنا في الحيضان
وياما مرت علينا ايام ما عرفنا حر ولا عرفنا كلمة متمللين
ترعنا تعويذة الرحمن الرحيم وعين امنا علينا سايرين ورادين
والظهر فوق المنامه او السيم طايحين ظله ظليله وايام راحت من سنين
والعصر نقوم نلعب سوير ولا كرة والكل ويانا مستانسين
لا عرفنا كنتاكي ولا اكلنا همبورغر ولا شربنا فيتامين
ايسكريمنا فيمتو مثلج في كاس من الصين واحطبته فوقه
وخبزتنا تنور عليها شوية سمن من الزين
وغدانا قباب ويا عيش للتسمين
غدت هالايام في الغابرين وطلع لنا جيل الله يرحمنا منه افعالهم من وحي الشياطين