ابيـــك تــرجع لي تري بالحيــل باغيـــــك ....

أبيك ترجع لـي تـرى حيـل باغيـك

--------------------------------------------------------------------------------




مره و انا جالـس غزتنـي طواريـك
طريـت فـي بالـي و انــا مانسيـتـك
قمت اتذكر كيف تزعـل و اراضيـك
و شلون من وسط نسياني طريتك
يا ليتنيء القاك و اجلس و احاكيـك
و اعلـمـك وشـلـون كـلـي هويـتـك
وليا خلصت ارجوك تسمح بوصيك
اسمـع وصاتـي دامنـي مـا جفيتـك
ابيك ترجع لـي تـرى حيـل باغيـك
ليتـك تحـس برغبـتـي فـيـك ليـتـك
تبي دليل اني عشقتـك وشاريـك
مـن رحـت عنـي كـل ليلـه بكيـتـك
سهران طول الليل عيني تراعيـك
ومـن زود حبـي واقفـن عنـد بيـتـك
ارحـم خفوقـي عنـد بابـك يناديـك
يبيـك تعطـي مثـل مـا انـا عطيـتـك
ابيع لجلك باقي النـاس و اشريـك
و مهمـا توجهنـي تـرى مـا عصيتـك
هذي سيوفـك باينـه بيـن اياديـك
لبـيـت دعـوتـهـا لـهـمـي و جـيـتـك
بعيش مع ذكراك وسط الشبابيـك
يا احلى كتابـن فـي حياتـي قريتـك
ان عاش حبك لازم يعيش طاريـك
وان رحت ببقى عاشقن ما نسيتـك

مع خالص الـــود ,,

الأميرة الحسناء..