السلام عليكم
حبيت أعرض لكم رحلتي إلى صلالة
بسم الله نبدأ ......
ساعة الانطلاق : 4 العصر
المركبة : باص
الركاب : عائلة خالتي , وانا واختي , وبنات خالتي الثانية >> حلاتها جمعة البنات الضحك زيادة والخبال دبل هههه ..
وصلنا منطقة أدم اللي قررنا نريح فيها الساعة 10ونص ,, منطقة أدم تقع بين مسقط وصلالة ..
هذي الاستراحة اللي قعدنا فيها
61...51f3af440c.jpg
وهذي غرفة البنات بعد ما قمنا من الرقاد طبعا وهذا واضح من الترتيب
61...a1e1b5210b.jpg
بعد ما ريحنا قمنا من الفجر عشان نكمل طريجنا لصلالة الساعة 5 نحن فالباص متجهزين للإنطلاق
وهذي صورة الصحراء وقت الفجر
61...1517c6633c.jpg
ريوقنا عدس وخبز
61...de2685ed64.jpg
بعدها كملنا طريقنا لصلالة
وتحمدوا لنا بالسلامة نحن البنات بما إن نحن قاعدين فآخر كرسي فالباص والشارع المكسر فالدقات اللي تيينا أقوى اللي دقت ظهرها وانا دقيت ايدي
بس الله سلمنا والحمدلله عدينا الطريق على خير
كل التعب اختفى لما وصلنا على مشارف صلالة
61...91b91bf456.jpg
61...f2c5593ea0.jpg
والمناظر الخلابة اللي استقبلتنا فيها صلالة
بعد ما ريحنا فالشقة وتغدينا طلعنا نتمشى
اشترينا موز ونارجيل
61...da30386157.jpg
61...206a7ca959.jpg
61...7ec0ffd248.jpg
جوفوا اللوز كيف حلو بس لا يغركم الشكل ترا فيها دوود
61...1742929ba6.jpg
بعد التمشي رجعنا الفندق عشان نريح ونقوم اليوم الثاني ونكمل رحلتنا
فاليوم الثاني زرنا كل العيون لدرجة اني ما اتذكر اسمائهم
هذي بعض الصور من اماكن العيون
61...f7ee632c0f.jpg
61...dad36af50f.jpg
61...a75b1d90c9.jpg
61...40d25c3b4a.jpg
61...452a0676ac.jpg
61...8660cd9e89.jpg
بعد ما زرنا العيون وقرصتنا البعوض سرنا فوق الجبل عشان نطير طائراتنا الورقية
هذي طيارتي أنا ما شاء الله علي
61...08c1d255ee.jpg
بعد يومنا الطويل رجعنا الشقة
بس نحن البنات ما نعرف نيلس مكانا لاازم نطلع وكان حذالنا فندقنا بعض المحلات فنزلنا نتسوق فيها ,, وبما إن باجر راح نرجع البلاد فمرينا السوبر ماركت عشان نشتري مؤونتنا .. ما خلينا شي ما اشتريناه
61...2d2fbc36cd.jpg
61...ee01f1d894.jpg
بعد ما اشترينا رجعنا الفندق ورقدنا
واليوم الثاني الصبح ركبنا الباص راجعين لبلادنا وكان الجو ضباب لدرجة إن السيارة اللي جدامنا ما تبين
61...194e7a9648.jpg
ولله الحمد عدينا منطقة الضباب بسلام
طبعا ما خلا الباص من حشرتنا ومن ضحكنا ومن أناشيدنا
وأحلى نشيدة كانت
( دريولنا عاش عاش
دريولنا بيب بيب )
ههههههههههههههههه
مسوين دعاية
( مع فيمتو سوا حلوين )
كنا مثلجينه من فليل واستوت لنا انفجارات فالباص ونحن نفتحه وتوصخنا ههههه
61...5ff70ea73e.jpg
وكوب خالتي انكسر ههههههههه
61...0215be947c.jpg
وبعد جي كملنا طريقنا وريحنا فمسقط وفاليوم اللي بعده كملنا طريقنا وصولا إلى رأس الخيمة بالسلامة ..
وانتهت رحلتنا بسعادة ..
أتمنى أعجتكم رحلتي
وسامحوني إذا طولت عليكم
أختكم : خجل أنثى ^^
