الحواطه فى الاسواق

السلام عليكم ورحمه الله وبركاته

بغيت اكتب عن الموضوع من فتره بس ماحصلت وقت
مع اقتراب العيد ظاهره اصبحت رسميه لبعض الشباب وهيه الحواطه بالسوق
يعني نحن نعاني من هالظاهرى الى مالها فايده بس تسبب زحمه بالسوق والسوق فاضي ومن غير التحرش فى البنات يعني مضايقتهم يعني حد يدور فى السوق فوق العشر لفات واكثر بعد شو هالتخلف الى صاير الولد المتربي ما يسوى مثل هذى الحركات الى مالها معني .

عن أبي سعيد الخدري قال: قال رسول الله صلى الله عليه وسلم : (إياكم والجلوس في الطرقات فقالوا : يا رسول الله مالنا بد من مجالسنا نتحدث فيها فقال: فإذا أبيتم إلا المجلس فأعطوا الطريق حقه قالوا : وما حقه قال : غض البصر وكف الأذى ورد السلام والأمر بالمعروف والنهي عن المنكر). متفق عليه.

بغيت رايكم بالموضوع انا عن نفسي الى يسوى هذى الحركات اكيد مب متربي وجاهل وقليل العقل يعني متخلف هذا اقل شي اقول عنه

( عن خاطري بغيت قانون صارم من الجهات الرسمه عن هذى الظاهره وكيف معاقبتها وتكون شديده لوقف مثل هالتصرفات الى مالها معني تخلى الواحد يعصب ما يدرى شوى يسوى حتي لو ظربه بسكين ما الومه يعني حد يتحرش بالاهل وانته عندهم شو بسوى فى حاله الغضب كل شي يستوى صح
بعدين يقولون ليش ما بلغت وليش وليش الكلام ما يفيد يعني حد يغلط على وانا اقول انزين بشوف احين بسير بشتكي بالعقل يعني )
شو رايكم بالموضوع وعن هذى الظاهره وعن المشاكل الى ممكن تصير

صج هالسالفة واااايد تصيير
لدرجة اني اجهز للعيد قبل بشهر عشان بس نتجنب هالمعاكسات والزحمة اللي يسووها بعض الشباب

صج نحتااج لقانون يوقفهم عند حدهم ..

أشكرك عالموضوع ..

و عليكم السلام و الرحمـــــــــــــــه ..

يا مرحبا بك أخويـــــه ..

موضوعــك إن دل يدل على غيرتك على خواتــك بالإســــــــلام ..

بارك الله فيــــــــــك :) يزاك الله كل خيـر ان شاء الله ..

بالنسبــه لرايي :

أنا أؤيـــدك بكل كلمه تقولهـــــــــا ..

و ها الشي للأسف الشديد واقع نعيشـــــــــــــه .. كل يــــــــــــــــوم :sm11:

و يزداد ها الشـي أوقات المناسبـــات مثل الأعيـــــــــاد ..

للأســـــف ها الظــاهره مب بس عند الشبــاب ،، لإن ها الزمــان البنــات قاموا يســوون ها الحركــــــــــــات .. ( أبسط مثـــــــــال : طريقــة لبسهــم و الميك آب اللي في الويــــه ) ..

البنـــت اللي ماشيه سيــدا و ساتره عمرهــــــــــا محد بيجرب صوبهــا .. هم صح في نص الشباب الله يهديهم حتى لو البنت سوده بكبرها بيفرون رقمهم ،، بس مب شرات البنت الثانيه .. لإنها بتكون صعبه بنظرهم و العكس صحيح ..

بس شو نقول غير : الله يهدي الجميع و يبعد عنهم وساوس الشيطان ان شاء الله ..

تسلم ع الطـرح .. بانتظـار الزود من جداك ..

ربي يحفظـــك ..

الحواطه فالمولات من غير داعي وبهدف التصيّد للبنات والتحرش فيهن هذا اكيد غلط
وكما تدين تدان يعني اللي يزعج بناات النااس لابد تدور الدواير و يحصل من يتحرش باهله وقتها لا يزعل لانه هو السبب الرئيسي

ومانقول هالنوعيه من الشبااب مب متربين لان بعضهم اهلهم تعبوا في تربيتهم ولكن لضعف الوازع الديني انحرفت سلوكياتهم و سلكوا مسالك خاطئه ..
ع سبيل المثال اعرف شااب من خيرة الشبااب مع انه تربى في دار الايتاام .. لا ام ولا اب منوه رباه !!؟ الدار لعبت دور بسيط في تهيأته و هو شخص ربى نفسه خلاص عرف الحلال والحرام و استقاام
وهذا اكبر دليل ان التربيه تلعب دور بسيط في صقل شخصية الانساان ، لكن حين يصبح بالغ راشد عاقل يبدأ دوره تجاه نفسه .. ويحاول يحسّن اسلوبه واخلاقه وتعاملاته مع النااس
و البنات ايضا يلعبن دور في هذه الظااهره اين بعض الاسر عن بناتهم البنت ليش تتمشى فالمول من غير رجل ؟!
اخ ، زوج ، اب ، خال ، الخ
هذا غير العبي اللي مفروض تكون للستر ، ولكن صارت العباه عباره عن فستاان ومهرجاان يحمل كل لون يخطر في البال وبطريقه محزنه مخجله
وان رفعت ايدها ارتفعن الاكماام للكتف !!
في كل شي فالدنيا خير الكلام مااقل ودل ، والشي الاوفر دائماً ملفت ، مثيره للانتباه
العطر من مسيرة ميل والصوت كانها تتكلم في مايك غير البي بي اللي صار موضه غير الشعر اللي نصه برا و و و و
الخطأ مب من الشبااب فحسب لا اخوي احيانا يكونن بعض البنات ايضا مخطئاات
للاسف ومع احترامي
اما اللي يتحرش بالمنقبات او الحشيمات هذا اللي اكبر الخطأ منه و انساان فيه خلل في ذااته ..

هذا من منظوري الشخصي وبالتوفيييق

الجميع كفى ووفى ... وما في داعي نعيد ونزيد ... وانا اشوف ان الدوريات ما مقصره وتبذل مجهود كبير في سبيل التصدي لهالشي .. والله يهدي الحميع ...

شكراُ الأخ صاحب الموضوع
البعض من الشباب عنده وقت فراغ ولايعرف شويسوي
وكأنه لم يسمع بالحديث الشريف الذي يرويه حبر الآمه
إبن عباس عن رسول الله عليه الصلاة والسلام
إغتنم خمسا قبل خمس :
1 - شبـــــــــــــــــابك قبل هـــــــــرمك
2 - وصحتــــــــــــك قبل سقمــــــــك
3 - وغنــــــــــــاك قبل فقـــــــــــرك
4 - وفراغـــــــك قبل شغلــــــــك
5 - وحياتــــــــك قبل موتــــــــــــــك
هذا من جانب الشباب ، من جانب الحكومه
أن توفر وتمنح قسائم تجاريه وصناعيه وزراعيه
كأحد الحلول البديله اللي لاغنى عنها في مثل هالحالات
ليستفيدوا بشغل وملء وقت فراغهم بمايعود
بالمنفعه للفرد والمجتمع والصالح العام بمجمله .
والله الموفق