مكالمه مجهوله غيرت من حياتها

بسم الله الرحمن الرحيم
السلام عليكم ورحمة الله وبركاته

مريم ( جالسه في الغرفة ): يالله أحس بملل فضيع مب عارفه شو أسوي؟ مب عارفه ( تتنهد ) خلاااص أحس نفسي بموت .. كل يوم والثاني ضيق في ضيق لين متى يا ربي بتم على هالحال؟
وهي يالسه تفكر وترمس عمرها دقت عليها منال الغرفة
منال: حووو وينج؟ ( ماردت ) مريوووم وينج يالدبه؟؟ فتحي الباب؟ عن يكون انتحرتي؟
مريم: ( بصريخ ) شو تبين؟ حشى ماتخلون الواحد يرتاح؟ ياخي ذلفي أبه أيلس إروحي مابه إزعاج
منال: ( معصبه ) بالطقاق
مريم: حتى أسلوب ماشي في هالبيت
مرت ساعات ومريم على ها الحال تفكر وترمس عمرها ... لا عايبنها حالها ولا حال البيت الى هي عايشه فيه .. يلست تفكر بحياتها وبتفكك الأسرة .. أمها وأبوها عايشين في نفس البيت ولا واحد منهم يرمس الثاني .. إخوانها وخواتها كلن بحاله ولا حد داري عن الثاني .. مريم متعوده على الوحده وعلى العزله ودايما في نزاع داخلي مع نفسها .. ودايما في صراع مع الحالات النفسية .. على كل حال خلونا نكمل قصتنا ونشوف شو صار في مريم؟

مرت ساعات وبعد التفكير وتكليم النفس رقدت مريم ... تقريبا بعد أقل من ساعتين دق التلفون .. مريم قامت وردت عليه بصوت يبين عليه التعب والرقاد
مريم: ألووو
المجهول: السلام عليكم ورحمة الله وبركاته
مريم: وعليكم السلام والرحمة منوووو؟؟
المجهول: امممم مب انتي مريم؟
مريم: ( نشت خايفه ) عفوااا انت منو؟
المجهول: ( بإبتسامه ) شوفي يا مريم انا من عرفت عنج وعن حالج وعن صراعج الداخلي عرفت اني لازم اكلمج
مريم: ( بدئت ترتعش ) يا خوي انت منووو؟ ترا والله بسكر الفون في ويهك
المجهول: لو سكرتي التلفون في ويهي راح تشوفيني قدامج
مريم: ( قلبها طاح بين ايديها ) شووووو؟
المجهول: حابه تعرفين أنا منو؟
مريم: ( صوتها راح من الخوف ) لا
المجهول: ( يضحك ) خلاص عيل الحين اباج تسمعين كلامي
مريم: اسمع كلامك بشو؟
المجهول: شوفي .. تحت شبريتج راح تلاقين صندوق وعداله مفتاح أباج تيبينهم
مريم: لحظه ( يابت الصندوق والمفتاح ) انزين؟
المجهول: افتحي الصندوق
مريم: ( فتحت الصندوق ) امممم كله أوراق؟
المجهول: أباج اطلعين ورقه ورقه وتقرين كل مافيها
مريم: انزين ( اطلع الاوراق ) اممم الورقه الاولى مكتوب فيها .. أنانيه .. والثانيه .. مغروره .. والثالثه ,, خقاقه ,, والرابعه ,, مب محترمه ومافيها اخلاق,, والخامسه ,, زطيه ,, والسادسه ( سكتت مريم )
المجهول: ليس سكتي؟
مريم: ( والدموع في عينها ) مكتوب فيها البعد عن الله
المجهول: وعشان جي دمعت عيونج؟
مريم: كيف عرفت اني قاعده أدمع؟
المجهول: بتعرفين عقب انا منو الحين المهم ليش دمعت عيونج من قريتي البعد عن الله؟
مريم: ماعرف حسيت شي غريب فيني تحرك .. يعني الأوراق كلها مكتوب فيها صفات الإنسان الى مبتعد عن ربه
المجهول: برايج شو صفات الانسان الى مقترب من ربه؟
مريم: ( صاحت ) ماعرف
المجهول: انزين مابضغط عليج خلينا نروح للخطوه الثانيه .. أباج تروحين تتوضين
مريم: أتوضى؟؟؟؟؟
المجهول: هيه تتوضين
مريم: بس مب وقت صلاه !!!
المجهول: سوي الى قلتلج عليه من غير كلام
مريم: أوكي ( راحت توضت وردت )

المجهول: روحي يبي القرآن
مريم: ( بإستغراب ) امممم نعم؟
المجهول: يبي الى قلت لج عليه بدون أسئله زايده
مريم: خلاص خلاص لا تعصب ( يابت القرآن )
المجهول: دوري في الفهرس على سورة الروم
مريم: انزين وبعدين؟

المجهول: إقري أية رقم ( 30 )
مريم: أوكي
المجهول: إقريها بصوت عالي
مريم: انزين ... ( فَأَقِمْ وَجْهَكَ لِلدِّينِ حَنِيفًا فِطْرَةَ اللَّهِ الَّتِي فَطَرَ النَّاسَ عَلَيْهَا لا تَبْدِيلَ لِخَلْقِ اللَّهِ ذَلِكَ الدِّينُ الْقَيِّمُ وَلَكِنَّ أَكْثَرَ النَّاسِ لا يَعْلَمُونَ )
فجأه وبدون ماتحس مريم صاحت
المجهول: شو فيج؟
مريم: ( تصيح ) ماعرف حسيت بشي غريب !! قولي شو السالفه؟؟ أول مره احس بهالاحساس.. خلاص تعبت قول وفكني
المجهول: روحي للمرايه وبقولج شو السالفه
مريم: ( خافت ) ليش؟
المجهول: مب تبين تعرفين السالفه؟
مريم: خلاص أوكي ( سارت للمرايه ) أول ماشافت نفسها في المرايه................
المجهول: أنا الخير الى في نفسج يا مريم .. إبتعادج عن ربج هو الى خلاج فهالدرب .. درب الأزمات النفسيه والسعاده المستحيله .. سبج للناس وغرورج لهم وابتعادج عن الصلاه وابتعادج عن ربج خلاني يا مريم مركونه على جنب ..

الله خلقج يا مريم عشان تعبدينه وحده لا شريك له .. من رابعتي فلانه وعلانه صرتي في درب الشيطان .. ميك أب وملابس ضيقه وإطلعين جمالج للي يسوى والى مايسوى .. رخصتي من عمرج وطاحت قيمج وصرتي معرضه لقيل وماقال .. انعدام السعاده فيج مب بسبب تفكك أسرتج انعدام السعاده فيج هو بسبب بعدج عن الله ...

هل فكرتي في يوم تحمدين ربج على النعمه الى في ايدج؟ هل فكرتي في يوم تحمدين ربج وتشكرينه على نعمة الصحه الى فيج؟ هل فكرتي في يوم تصلين وتخشعين في صلاتج؟ هل فكرتي في يوم تحبين ربج اكثر من نفسج؟ هل فكرتي في يوم تقومين وتتعلمين عن دينج؟ هل فكرتي في يوم تقرين القرآن من كل قلبج؟

للأسف يا مريم الإنسان صار مايعرف ربه الى وقت الحايه ووقت المرض .. مرضتي قلتي يااارب .. تبين شي قلتي ياااارب .. عليج امتحانات قلتي يااارب بس للاسف بعد ماتاخذين الى تبينه تنسين الله وماتذكرينه الى يوم تبينه في الحايات اليايه ...
وين تبين تلقين السعاده الداخليه يا مريم وانتي اصلا ما تتصلين بربج ... ترا يا مريم يوم انتي تحبين انسان وتبين ترمسينه اربع وعشرين ساعه تتصلين عليه صح والى لا؟ تشترين رصيد وتكلمينه وكل ماخلص رصيدج كل ماشريتي أكثر وكلمتيه .. وهذا تشبيه لعلاقتج مع ربج والله أعظم من هذه التشبيهات ولكن هذا لتقرب الصوره لج ..

لو تحبين ربج اكثر من نفسج كنتي راح تشتاقيله وكل ماتشتاقيله راح تتوضين وتربعين تصلين ويوم تخلصين صلاتج تكلمينه وتشتكيله همج .. وفي ناس وايد يا مريم يصلوون ولكن مايشعرون بالسعاده تعرفين ليش؟ لانه السعاده يا مريم انج تصلين في خشووع مب صلاه دقيقتين .. مب تصلين وعقب تروحين تحطين ميك اب وتلبسين ضيق ..

لا يا مريم الصلاه وحدها ماراح تقربج من الله .. بل يا مريم في وايد اشياء لازم تسوينها .. منها.. الصلاه بخشوع ... الحشمه ... الأخلاق .. الأدب .. تتطبيق كلام الرسول عليه الصلاة والسلام .. تقرين قرآن,, ترابعين الرفقاء الصالحين الى يذكرونج بربج ويقربونج من الله من خلال تعلم الدين الإسلامي بشكل صحيح وإنج تحسين وتعرفين قيمته وجماله الحقيقي ..

حاولي يا مريم تسوين كل الى قلته لج وأنا أضمنلج انج راح تلاقين السعاده الداخليه وان مالقيتها في الصلاه الخاشعه والحشمه والأخلاق والأدب ومرابعة الناس الصالحه تحسبي علي لين يوم الدين .. سوي الى قلتلج عليه وأنا أقسملج بالله لو كنتي فقيره لأغناج الله بالسعاده الداخليه ..

{وَذَكِّرْ فَإِنَّ الذِّكْرَى تَنْفَعُ المُؤْمِنِينَ}
[سورة الذاريات: 55]

بقلمي المتواضع