معهد الجاهلي للتدريب المهني>>>>

معهد ابوظبي للتدريب المهني..وبعدين معهد العين للتدريب المهني والحينه معهد الجاهلي للتدريب المهني.. مادري شو مسمينه بالظبط فسنه ونص ثلاث مسميات للمعهد..

انا ادرس فيه وهاي ثالث سنه حقي..
نبذه عن المعهد الفاشل:-

والله والله والله..اللي بتدخله بتندم كثر شعر راسها..كثر ما انا ووالبنات الباقيات نادمات..حتى الخريجات يلعنن ويشعنن فيه..والله انه ودنا نوقف ..بس نفكر ف السنين لي ضاعت علينا...جيه ولا جيه خسرانين..وشهادتهم شرات ويوهم...دبلوم تدريييييييييييبي..ومعهد فاااااااااااااااااااااشل فاااااشل فاشل..بمعنى الكلمه...غييييييييييييييييير معترف فيييييييييييييييييييييه..ومحد ياي يعترف فيه اصلا....اسلوب زفت واداره زفته ..وقوانينهم خايسه..وماعندهم خطه دراسيه..يدرسون ع العمياني..

بذكرلكم بعععععض عيوبهم..

1- مدرسين المانيين تعبانين جدا..ماشي خبره..مادري من وين ملقطينهم..قسم بالله ان اكثريتهم بدون خبره... يوم بتشوفون بتعرفون انا شو اقصد..انصدمت يوم عرفت من واحد من الطاقم التدريسي اللي علاقتي وياه زينه انه حد منهم بوكسر(ملاكم)..وحد حفار قبور..وحد شيف في مطعم.. وحد يقص تذاكر..ويايبينهم هنيه ع اساس خبره..وهم فبلادهم ولا شي..يايبينهم يمشون الحال..والقهر ان راتب المدرس الواحد 30,000 درهم!!!!!!!!!!..وهو توه ياي من بلاده لا خبره ولا شي..لمجرد انه اجنبي بسسسسس...عيل فيييييه مدرس متخصص يدرس انجليزي وماث وكاستومر سيرفس واكاونت!!!!!!مدرس واحد بس يدرس هالمواد كلها..!!!!عنبوه شو هالمخ اللي عليه..ماستوت لا فجامعه ولا فكليه ولا فبلاد برا حتى.......انا هذي ثالث سنه حقي..اسالوني شو ستفدتي؟؟بقولكم ولاااااااااااااااااااا شي..درست ف الكليه كورس انجلش.....واحس اني تقدمت وايد ف اللغه..هذا وانا قبل طيخه ف هالماده مافهم فيها شي..ووالحينه امشي ف السنه الثالثه..والله اني مب فاهمه حق ولا ماده.. مب قل استيعاب..من المدرسين نفسهم..

2- كانتين..وما ادراك ما الكانتين.. متعاقدين مع اسوأ وارخص شركات المطاعم..نقولهم غيرو..ويغيرون للأسوا.. ع اساس انه مااااااااعندهم ميزانيه..اييبون شركات على مستوى..بنرضى بمستوى متوسط..بس مستوى دنيئ ...!!! واكل سيئ.. عاد كانتينهم قوطي يستوعب فقط 20 شخص فقط..والمعهد فيه حول ال 200..!!! اول اقل لنه عدد الطالبات كل اسبوع ينقص.... طبعا الكانتين ع صغره..مختلط..ويا الاساتذه..واجانب..يمشون ويدفرون..بدون مايراعون ان اللي جدامهم بنات..وكل المعهد بريكاتهم وحده بريك الريوق 20 دقيقه.. وبريك الغدا 45 دقيقه او 50 دقيقه ماذكر بالضبط...من غير انج توقفين نص ساعه عسب ايي دورج.. طبعا الكانتين مايستوعب هالعدد كله..مافيه مكان تيلسين فيه واذا بتاكلين ف الكلاس يبالج تمشين يلين اخر الدنيا ف الشمس..ويلين ماتوصلين الكلاس كل عاده البريك مخلص..نوعية الاكل مب شي..بالاضافه لاسعارهم الغااااااااليه الغاليه... والله انه اكلهم مايسوى يعني ف الاسبوع على اكلي ما بعق اقل عن 200 درهم..الاكل من برا ممنوع..سواء كان من البيت او من المطعم..يعني ياترضون باللي عندنا ولا ماشي اكل...يعني وقتنا الدراسي يبدا 8 ونص يلين 3 ونص..وبنوصل البيت تقريبا اربع ولا اربع وربع.. يعني نقعد ف المعهد اكثر عن اليلسه ف البيت ويا اهلنا..ولقمه مب حاطين فحلوجنا..وكم مره يبنا من برا اكل..ويوقفونا عند الباب ويشلون الاكل..اونه ممنوع.. وهاي قوانين.. ويوم اعترضنا ع هالقانون قالو هاتي غداج وريوقج بروحج..لا تيبين حق حد غير..يعني عيب عليه..يايبه بوكس فيه سندويجه وعصير وغرشة ماي..ويالسه اكل جدام البنات..هاي يمكن نسويها يوم نحن صغار..بس الحينه عاد ونحن كبار..حتى عيب والله.. الاداريه قالت لا عادي..اونه انا اسوي جذيه..ّ!!عاد يوم هذا سنعج شو نسويلج..؟؟ لووووو كانتينهم شرات لي ف الكليه او ف الجامعه..ممكن اني اقول وياهم حق.. ومب لازم اييب من البيت .. سلطه خذناها لقينا فيها ذبابه..وصحن العيش فيه شعر..واشياء غريبه عجيبه..بس خلوها على الله...يطعمونا جنهم يطعمون هوش.. يقولون سوولهم وبياكلون..يعني ع الاكل ماشي تعليق.!!

3- بالنسبه للمناظر الخلابه لي ف المعهد..شيره وحده وميته..بعد الشيره هذي موجوده فجلعة وادرين..اخر المعهد..انشوفها الا من بعيد.. جنا يالسين فصبخه..يعني انا داومت بس ثاني اسبوع...ولقيت الدنيا مغبره..امشي وعباتي خايسه من الغبره.. ويوم دقينا حق الاداريه الله يستر عليها قالت سيرو عند العمال وزقروهم ينظفون!!!!!! تبانا نحن الطالبات نسيرررر نتخشش عند عمال النظافه ونقولهم تعالو خمو ومشو..!!! لا وبكل وقاحه تقولها بعد..
4- بالنسبه للشهاده..تراه مش مب معترف فيه..ومحد بيعترف فيه..تعرفون ليش..؟؟ لنه المعهد ع وشك انه يسكر.. المباني الاثنينه كلهن كان فيهن تخصصات..وعاد امحق تخصصات..بس الحينه واحد منهن خلوه ثنويه فنيه..هذا عقب فشل المعهد..و المبني الثاني الجديم الكحيان.. نحن فيه والطالبات لي فيه ينعدن ع الاصبوع.. عقب سنه بتلقونهم محولينه حضانه..لاتغركم البوسترات الاعلانيه..وانه حكومي 100%.. لانه فاااااااااااشل 100%..اذا فخواطركم اتجربون جربو..بس قسم بالله بتندمون..ع السنين اللي بتضعونها فشهادة وهميه..وبدال ماتضيعونها ف المعهد ضيعوها ويا هلكم ولا في اي جامعه او مكان ثاني..انا عن نفسسي ندماااانه..بس خبزن خبزته لازم اكله..واللي بتقول زين ومافيه شي..ترا هو زين حق تقزير وقت وسوالف..بس لا اكثر.. بنات السنه اللي طافت خريجات..قالولهن مابتاخذن الدبلوم يليييلين ماتيبون الايلس ويبون 5!!!! متى قالولهن هالكلام؟ عقب ماتخرجن...عاد عقب ماشاب ودوه الكتاب.. وحليلهن يلين باجر يترين..
نحن اتصلنا ع استوديو واحد اللي اييبونه ع الاف ام... وخبرناهم عن مشكلة المعهد..وعن الشهاده اللي مب معترف فيها..ردوا عليينا رد سكتنا..ماعرفنا بشوه نرد..من الفشيله..قالو يوم انتو اتعرفون انه الشهاده مب معترف فيها ..ليش تدخلونه من البدايه..؟؟؟ اذا تبون تدرسون ادرسو فمكان معترف فيه..صدقهم...!!!شو بيقولون..؟؟الغلط منا نحن...مب منهم هم..هم حبوا يجربون..ونحن فيران التجارب.. سمعنا عن المعهد وخطفنا نترابع نبا نسجل فيه..ندرس ثلااااث سنين واخر شي يممممممممممكن نحصل..ويممممكن مانحصل شهاده..ودبلوم تدريبي...مب عادي ولا عالي...دبلوم تدريبي..!!!!!

بعتباري اني ادرس فيه واعرف هم فشوه يفكرون..انصحكن كنصيحة وحده منقهره.. ضعيت عمرها ف هالمعهد..انها ماتدخله.. واذا فخاطرها تجرب..و اتدخله تتصل ع استوديو واحد..وقولولهم معهد مب معترف فيه..ندخله ولا لا؟؟؟.. شوفو بشوه بيردون عليكم..