رساله جريئه اوجهها لجميع اولياء طالبات السكن الجامعي

رساله توعويه لاغير

واسمحولي لو كتبت بعض الكلمات الجريئه التي لازم توعي ولي الأمر

بداية اففتح موضوعي للنقاش بهذه القصه

اروي قصتي مع مدام السكن( مسؤوله السكن ) .....

شفت اللي ماتبا العين تشوفه ب فئه من فئات الطالبات في جامعه حكوميه مابا احدد اسم الجامعه تعرفون شو بيصير عقبها !!

المهم

رحت اكلم المدام عن البنات اللي لابسين لباس فاذح غير اخلاقي وغير شرعي جدام الكل وخاصه ليلة الخميس ...( شارع الحب ) اللي اطلق عليه من سنوات طويله لباس ماتتصورون اخسسسس من اللي نشوفه بالمسلسلات التركيه والاجنبيه اسبوعيا واحنا نشوف هالمنظر المهم قعدت اتناقش مع المدام ان هالشي حرام ومايجوز تخلون البنات يلبسون جدامنا هالشي واحنا بنات نسسسسسسسستحي وقلتلها يا مدام انتي محاسبه جدام الله وطبعا كان النقاش طويل ومن ظمن النقاش انا ومجموعه من البنات تكلمنا عن الخفلات اللي تصير الشبيهه بالبار استغفرالله رقص وبلاوي واستعراض وغيره وغيره طبعا ماتقدر اي بنت تعارضني وتقول مافيه هالشي بالجامعات طبعا غير البويات اللي منتشره بشكل فظيع والبنات اللي يتباوسون وماتشوفون الا طبعة الروج بخدها وعادي عندها ماتمسحه يعني شوفوا حبيبتي شو مسويه فيني والزوزه وبعض المسميات السخيفه المتداوله بين البنات

تتوقعون رد المدام شو.......

قالت انا مجبره اسكت لأن يوم ارفع الموضوع للجهات المسؤوله يقولون انتي مالج خص تتكلمين خليهم يسوون اللي يبونه دام عندهم تصريح طبعا حفلات اعياد الميلاد والرقص وغيره يكون بتصريح من الاداره البنت تروح تقدم ويعطونها التصريح شفتوا ل وين وصلنا !!!


ليش يا بنت الامارات الدوله اللي وفرت لج التعليم المجاني والاكل والسكن وال ال ال ال .... الخ
تردين الجميل لدولتج ولنفسج ولأهلج بهالصورة ..... حرام والله حرام الاهل ماقصروا بالبنت صرفوا وتعبوا ومايدرون البنت شو تسوي من وراهم جدامنا البنت اللي نشوفها تستعرض بالشارع ولابسه هذاك اللبس اللي تستحي تشوفه يوم تركب الباص وترجع لأهلها لابسه النقاب ومحتشمه ليش؟؟؟ ليش تزعزعين ثقة اهلج فيج ....... ليش يوم انتي مش واثقه من نفسج تعطين ربيعتج تشتريلج اللبس المرفوض ليش تخلينها هيه تغسله في بيتهم وترجع اتيبه لج ....

كتبت واحد بالمئه من اللي يصير بالسكن الجامعي

اتمنى من البنات اللي مب عايبنها الوضع تكتب من خلال منتدى الرمس نت مشاركتها عشان يوصل لاكبر عدد من الاهل يراقبون وضع بناتهن بغيابهم

السؤال : شو سبب ارتكاب البنت مثل هالامور برع البيت ؟؟؟؟؟؟؟؟؟؟؟

يوم قلتي شارع الحب , عرفت ان سكن جامعة الامارات
شفت البلاوي فيها اعوذ بالله
بنات من الجنس الثالث . استغفر الله
بتعيزين وانتي ترمسين وتشتكين من سوالف البنات اللي في السكن الجامعي , شكلج يديده بعدج ما شفتي شي للحين , وما خفي اعظم ,,, واعتقد ان الادارة الحين اجنبية مب نفس زمنا , يعني الاجنبية بتسوي لج طاف من الكبااار , اساسا تبغي هالشي يستوي في بلادنا , وانتي اتقولين خل يتسترون ؟؟
نحن كنا نشوفهن يدوخن , واشكالهن مثل الرياييل اعوذ بالله , لكن نتجنبهن مايخصنا فيهن وفي تصرفاتهن
خليج في حالج اختي واهتمي في نفسج ومستقبلج ومذاكرتج , لا تشغلين نفسج وياهن واتفكررين فيهن وفي لباسهن وتصرفاتهن ,, بنات هالزمن مستقويات وينخاف منهن
اللهم استر علينا وعلى ذرياتنا وعلى من بغى الستر

يزاج الله خير فعلا شي مهم لأنه في أهالي ما يعرفون عن هالسوالف خاصة الكبار في السن لكن فعلا لازم هذي الامور تنرفع للمسؤولين في الجامعه ومشرفات السكنات يمنعن هذي التصرفات والحفلات اللي فيها سلوكيات سيئه الله يحفظ بنات المسلمين ويهديهن

اقتباس:

---

المشاركة الأصلية كتبت بواسطة حرم علي

يوم قلتي شارع الحب , عرفت ان سكن جامعة الامارات
شفت البلاوي فيها اعوذ بالله
بنات من الجنس الثالث . استغفر الله
بتعيزين وانتي ترمسين وتشتكين من سوالف البنات اللي في السكن الجامعي , شكلج يديده بعدج ما شفتي شي للحين , وما خفي اعظم ,,, واعتقد ان الادارة الحين اجنبية مب نفس زمنا , يعني الاجنبية بتسوي لج طاف من الكبااار , اساسا تبغي هالشي يستوي في بلادنا , وانتي اتقولين خل يتسترون ؟؟
نحن كنا نشوفهن يدوخن , واشكالهن مثل الرياييل اعوذ بالله , لكن نتجنبهن مايخصنا فيهن وفي تصرفاتهن
خليج في حالج اختي واهتمي في نفسج ومستقبلج ومذاكرتج , لا تشغلين نفسج وياهن واتفكررين فيهن وفي لباسهن وتصرفاتهن ,, بنات هالزمن مستقويات وينخاف منهن
اللهم استر علينا وعلى ذرياتنا وعلى من بغى الستر

---

حبيبتي انا من سنين متخرجه بس تذكرت موقفي مع المدام ومنقهره من هذاك اليوم للحين وقلت بطرح الموضوع للنقاش\\\

بلاوي وبلاوي ماتوقعت بلادنا فيها هالمناظر خلاص صرت اخاف اخطب لأخوي بنت من الجامعه الا بدراسه قويه وتحري بأخلاق البنت صعبه تربية البنات بهالزمن

ياليت هالرساله توصل لعدد اكبر من اولياء الامور