عرض للطباعة
السلام عليكم ..
خواني وخواتي عندي نيه اسير خصب يومين انتو شو رايكم ؟؟
هل هي حلوه وتستاهل العنوه؟؟
شو جوها مثلنا حار والا اشوي احسن؟؟
وشو اسم الفنادق الي هناك عشان اذا بغينا نتصل نحجز؟؟
والي عنده اي معلومه عنها لا يبخل عليه لانه محتاجه اعرف اقرب وقت ممكن
ومشكووووووووورين جميعا رديتو عليه ولا ما رديتو
يقولون خصب اوكية بس الحين حر ماعندي فكرة شو فيها بس يقولون فيها بحر واذا حبيتي تعرفين اتصلي البداله واسئلي عن سركة صقر لسياحة والله يوفقج
هاي من الأماكنـ المحظوورهـ على الوالد لووول
ما عندي أي فكرهـ
حدي أوصل الجادي وأرد
إن شاء الله غيري بيفيدونج
ليش محظوره شو بلاها هل دربها وعر ولا كيف؟؟
شو السالفه الي ايعرف ايخبرني
شو اختي راح اتروحين بروحج ولا حد من الاهل وياج
انا سمعت عنها اوكي بس احسن يروح معاكم ريال لاتروحين بروحج واذا رحتي
تروحين وترجعين بالسلامه خيتووووو
خصب وايد حلوه وجوها تقريبا مثل جونا بس انظف ومناطقها ححلوه ونظيفه وخصوصا انها قريبه من البحر وبالنسبه للفنادق اعرف اسم فندق واحد توليب خصب اسمه وهذا على الشارع وانتي خاطفين بتلقونه على ايدكم اليسار مطل على البحر واذا ماعجبكم سعره اكيد شي فنادق ثانيه بالطريج وانصحج تروحينها لانه وايد حلوه حق تغيير حجو ليومين وثلاث رحلة سعيده ان شاء الله وتروحين وتردين بالسلامه
مشكوووووووووووور والله اخوي ما اتقصر ...
بخبركم شو الي ايوديني روحي هههه انا بسير ويا عايلتي بس قلت بسألكم هل هي زينه يعني الواحد اذا سارلها بيرتاح ان شاء الله ولا ما تستاهل الواحد ايعني لها
الصراحه ماعندي فكره يمتدحون في مكانها وايد لكن الحين ماعندي فكره عنها
اقتباس:
المشاركة الأصلية كتبت بواسطة بنت البر
هههههههه
حبيبتي هالمكان كان صعب ووعر للغاااايه
بس حالياً كل شي مرتب
وشوارع وجيه
ومحظوور للوالد >> لأنه قبل سار ويا ربعه وكان فيه صعدهـ وأهم يصعدوونـ السيارهـ كانت ترجع فيهمـ لورى ، فحلفـ أنه ما يطب هالمكان مرهـ ثانية ..
بس معروووفه خصب أنها حلوووهـ
وبصراحة أنا وحدهـ أبي أسير
بس شو نسوي ما نقدر نخلي الوالد بالبيت ونظهر عنه