برد ليلي وهمي وحطبي - مساعد الرشيدي
برد ليلي وهمي وحطبي
* مساعد الرشيدي
قلت اجمع برد ليلي وهمي وحطبي
قلتها...واقصى ضلوعي ذيابٍ عاويه
الشتا يرثع ورا البال والليل يحبي
والطعون اقفت فرادا وجت متخاويه
صاحبي لي مرّك الشوق مرّه..مرّبي
لا تجيني مع هجوسٍ تجيني ضاويه
آه يا صعب اغترابي بعدك ما اصعبي
عقبك الدنيا بعيني غدت متساويه
آتطوى كني القاع لا هجهج ظبي
كل ما اصرّد بعيني تضيق الزاويه
ليه يا درّة شبابي ولولي...وذهبي
ليه خليت الحنايا عروشٍ خاويه
يوم تضحك لي عيونك...عيونك وش تبي؟
كم لها تشرب نحولي ولا هي راويه
لا غلاك ..اكبر ذنوبي..ولا قلبي نبي
الله اعلم والمقابيل وشهي ناويه؟
رد: برد ليلي وهمي وحطبي - مساعد الرشيدي
راق لي مانثرته اناملك
كلمات رائعه من ابداع احساس مرهف
شكراً لك من الاعماق على نثر قطوف احرف اختيارك ...
دمتي على حفظ الرحمن ورعايته عزيزتي ..
