...ا[ •ஐ•i[ رسالة حب من قلبي أنا والله مفتونك]i•ஐ• ]ا...
احبك يا هوى بالي .. احبك دون كل الناس
أحبك ياهو نفسي ,احبك يا نظر عيني
يحبك كل ما فيني يحبك يا رفيع الســـاس
حبيبي انت في قربك تفرحنى وتهنيني
وصوتك لى تملكني. تخلل خافقي باحساس
جرى بدمي وبعروقي ,غدا منهل ويرويني
تمركز في سويد القلب وفي ليلي غدا نبراس
وحبك يا بعد روحي تعمق في شراييني
احبك يا حبيب القلب محبه مالها مقياس
دخيلك يارفيق الدرب بروحي لا تخليني
حبيبي صوتك الحاني يزيل الهم وكل الياس
احسه يجري بدمي.. يرد الروح ويحييني
يعيشني بدنيا غير دنيا ضيقه الانفاس
بدنيا الحب واللهفه انا بكتب عناويني
احبك ياهوى بالي ابد ما قلتها للناس
قلتها بس لك وحدك احبك يا نظر عيني
...ا[ •ஐ•i[]i•ஐ• ]ا...
طرى حبك على بالي عساءك بخير يالغالي
كتبت إحساس من قلبي عساءك بخير وشلونك
كتبتك شوق من قلبي مدام أنك على بالي
كتبتك حيل صدقني كتبت الرساله لعيونك
تصور عاد أنا والليل وطيفك واقف قبالي
ذكرتك والغلا منك وصار الليل مجنونك
تذكرني إلى منك قريت اسمي وجوالي
رسالة حب من قلبي أنا والله مفتونك
بدونك كيف أعيش الحب فال الله ولا فالي
ترى حبك يفرحني بلاش الحب من دونك
رهيف احساس صدقني لانك حيل تحلالي
أنا ذكراك في قلبي شعر وأحساس يطرونك
ترى مشتاق لوصالك عساءك إشتقت لوصالي
...ا[ •ஐ•i[]i•ஐ• ]ا...
وينـك ؟ تـرى قلبـي تقطـع مـن الـشـوق
وينـك ؟ تعبـتْ مــن السَـهَـر والكـأآبـه
مانـي مصـدق ( كـل مـطـرود ملـحـوق)
مــن يــوم طــال الانتـظـار وعـذابـه
اشتـاق لـك شـوق ٍ علـى الواقـع يـفـوق
شـوق الغريـب اللـي فـقـد لــه قـرابـه
ويحـنّ لـك قلبـي مـن الـشـوق ويـتـوق
يَعصـى لــو اتــرده شــروط الرقـابـه
اسهر مـع اطيافـك .. علـى منتهـى الـذوق
واعـيـش حـلـم ٍ تكتـسـيـه الـغـرابـه
مـن جـد محتاجـك .. قطـع قلبـي الشـوق
تـعـال ملـيـت الـسـهـر .. والـكـأآبـه
...ا[ •ஐ•i[]i•ஐ• ]ا...
وينك تعال وشوف حالي بلياك
عايش وحيد وسلوتي مع خيالك
إلي ضوي ليلي جلست اتحراك
وأسري مع الأفكار والحال هالك
تعال وارسم بالغلا فرحة رضاك
واسأل وقل ياخوي وشلون حالك
العين تبكي والزوايا تمناك
والروح مشتاقة لمسة دلالك
ياخوك شانت حالتي عقب فرقاك
كلي جسد ذاوي وصرح متهالك
تعال يفرحلك خفوقي ويرعاك
وافرشلك الدنيا فرح باحتفالك
وينك تعال وشوف حالي بلياك
واعطف علي قلب ملكته حلالك
...ا[ •ஐ•i[]i•ஐ• ]ا...
مشتاق لك ما تدري شكثر مشتاق
مشتاق لك أكثر من الشوق فيني
كثر المحبه والغلا كثر الأشواق
كثر الغرام اللي فضحني بعيني
أدري مقدّر أننا نصير عشّاق
وأدري كثر ما أبيك قلبك يبيني
مثل الحبر ما هو مقدّر للأوراق
ما تشوفني سلمت كل سنيني
وأدري عيونك تنتظر لحظة عناق
مع عيوني بالوصل لو تجيني
يا رب لا تكتب على عاشق فراق
يا رب وأنت اللي تحس بحنيني
مع خالص الـــود
الأميرة الحسناء..
