قصيدة .. ][ معجزة الارض ][ .. رحمك الله ياباني اماراتنا

80...1&d=1196512599


يا معجزة بالأرض كلن شهدها
داري إمارات بالوفا دار اليدود
يا رب ترحم لي مأسس عمدها
أسس لها تاريخ فالمجد مفنود
زايد ابن سلطان ثبت وجدها
هو من رسم مستقبل العز بجهود
سهر عليها يوم هي في مهدها
لين أصبحت واحه بها نهار وورود


عساه بالجنه يعيش برغدها
إللي جعلها نهر لناس مورود
في جنة الفردوس يسكن أبدها
ترتاح نفسه من عنا كل مجهود
و إللي خلف زايد خليفه سندها
ستر البلاد و شعبه لعينه جنود
هو تاجها لعيون أهلها ويدها
أكمل مسير أبوها ونحنا له شهود


[gdwl]خيرات كفه زرع شعبه حصدها
شعبه رهن يمناه شايب و مولود
الله يحفظه في الحياه و أمدها
و عسى لياليه مسرات و سعود
و يسلم بوخالد لصعاب و عندها
هو عاشق الصعبات هو سيد الجود
محمد ولد زايد مطرها و رعدها
يسهر عليها يوم خلق الله رقود[/gdwl]


إيد البشر وحده و كفه وحدها
كفه على كفوف البشر دايم تزود
نعمه من الله من شهدها حمدها
المعضلات تخر تحت أمره سجود
يا معجزة بالأرض كلن شهدها
داري إمارات الوفا دار اليدود
يا رب ترحم لي مأسس عمدها
أسس لها تاريخ فالمجد مفنود

{{الله يرحمك يا بويه زايد ويغمد روحك الجنه إن شاء الله ...
و الله يطول بعمر شيوخنا و يحفظهم من كل شر إن شاء الله ...
و يحفظ دولتنا الحبيبه ... }}

يسلموووووووووو عالطرح المميز


وربي يعطييييييييك الف عافيه

ونتريا كل يديد من صوبك ^^

تسلم اخوي ع المرور ..

تٍسُلِمًِ أخٍُويِ عِ الَموٍؤضٍوًعِ

تسلم اخوي قايد على الطرح الجميل
والمشاعر الجياشه والله يرحم ابونا باني دولتنا الحبيبه ويخلي لنا شيوخنا

تسلم اناملك ياخوي قــايد الغزلان


{{الله يرحمك يا بويه زايد ويغمد روحك الجنه إن شاء الله ...
و الله يطول بعمر شيوخنا و يحفظهم من كل شر إن شاء الله ...
و يحفظ دولتنا الحبيبه ان شاء الله ... }}

امين امين امين