تعبت أشيل الهم عنك و أداريك و انت همومي ثقلها ما يهمك
تَعَبت أشيـل الهَم عنّك وأداريك
وإنتَ همومـي ثقلَهَــا مـا يهمِّك !
لا يا حبيبي .. الزمن لا يخليك
تقسى على قلبي و تسقيه سِمِّك !
[ دِ نْ يـَ ا كْ ] هذي , لا تغيِّر مباديك
مهما إستطعت الظلم إعدل بحكمك !
ما هي غريبه من يذمِّك يماشيك
لكن غريبـــه يمدحك من يذمِّك !!
ما كل واحد غاب معناه ناسيك
بعض البشر ينساك لو كان يمِّك !
أدري تعزني .. اللـه يعز غاليك
وإن كان لـي عندك معزَّه بضمك !
في خاطري كم كلمةٍ : عن تجافيك
وإن شفت دمعاتي إنزَلَت .. حط كمِّك !
إسمك حبيبي ويا كثِرها أساميك
وقلبي يفز .. لا جابوا الناس إسمك !
ليتك تحس في ضيقتي يوم أحاتيك
أحرق لك أعصابي .. وما حَس دمِّك !
غايب بدون أعذار .. ربِّي يجازيك
عطني سبب مُقنع حبيبي .. وألمكّ !
همِّك , جنونك , ضحكتك , كل ما فيك
صوتك , سكوتك , وأرجع أقول : ( هـ مِّ كْ ) !
لبيه .. منِّك غير .. لمَّا أناديك
كن الكلام العَذب ... مرساه فمِّك !
مهما غلوك قلوب ناسٍ حوالــــيك
أغليك أكثر منِّهُم بس .. لعلمك !
أبوك , خالك , إختك , أخوك , ماضيك
ربعك ، جميع النـاس , وعيـــال عمِّك !
شايف غلاهم لِك .. أكثر أنا أغليك
و اللِّي وِصَل ( نِص الغلا ) يمكن أمّك !
مع صادق الـــود
الأميرة الحسناء..
رد: تعبت أشيل الهم عنك و أداريك و انت همومي ثقلها ما يهمك
شكرا على القصيدة
ولله التوفيق
في وداعة الله
رد: تعبت أشيل الهم عنك و أداريك و انت همومي ثقلها ما يهمك
اقتباس:
المشاركة الأصلية كتبت بواسطة ام رفيعه
أبيات مميزه وذائقه عذبه
تسلمي الانامل على مجهودك الراقي
حضور مميز تسلم اناملج على الرد الراقي
دمتي بحفظ الرحمن عزيزتي ...
رد: تعبت أشيل الهم عنك و أداريك و انت همومي ثقلها ما يهمك
اقتباس:
المشاركة الأصلية كتبت بواسطة سفير خت
شكرا على القصيدة
ولله التوفيق
في وداعة الله
الشكر موصول سفير خت
اسعدني حضورك وبكل سرور ..
دمت بخير وسعاده ..
