افكاري جهنمية^___^منو بتحط ايدها بيدي؟؟الموضوع ترى حامي ونبااا النقااش الطيب

السلام عليكم

الغوالي اليوم فكرت واااايد ورسمت خطط وحطيت كل اموور الدنيا فهالرااس ليييين وصلت لحلول انا اسميها جهنمية

اتخيلوا افكااري لوين وصلت؟

تدروون انكم لو قريتوا الموضوع لي نهااايته بنحل كل هالمشاااكل الي بسردها تحت والي يعااني منها 99%من سكان الامارات وبقية الدول العربية وبالاخص اهلنا فالخليج العربي !!!

اتخيلوا ؟؟!!!!!

شوفوا شو بحل من مشكلااااات اتواجهناا فهالموضوع المتوااااضع :

بحل مشكلة الطلااق وانا حطيتها على رااس جميع المشكلات لأنها من أعلى النسب الي اتخووف فدولتنا..

بحل مشكلة العنووسة والي انا اسميها ظاهرة تأخر الزواج مش العنووسة....

بحل مشكلة الخدم ومصاريفهم....

بحل مشكلة قلة الوظايف فكل الامارات...

بحل مشكلة الازماات النفسية يلي اتمر عالبنات والشباب....

بحل مشكلة التحرش والمغازل والانحراف فالبلاااد كذلك انحراف المتزوجين عافانا الله واياااااكم....

بحل مشكلة الفراااغ الي ما ينتهي والي بعض بناتنا جان ما يكونون معظمهم يعانون منه...

بحل مشكلة غلاااء الدروس الخصوصية....

بحل مشكلة انعزال افرااد الاسرة عن بعضهم البعض وبخلق جو اللمة الحلوة والي ما ينمل...

برد المياااه لمجاريها وبصفي قلووب الجيران عبعضهم شراااات قبل^____^...

بحل مشكلة عزوف الشباب عن الزواج بسبب غلاء المهوور او الخووف من المستقبل المجهوول من الارتبااط فبنااات يجهلون حتى أساسياات الزواج واموره البسيطة...

بحل مشكلة الغلاء فالاسوااق والمحلاات..

بحل مشكلة السمنة وامراض الضغط والسكر ,,ولا بنخسر قيمة الاشتراك فالاندية الرياضية ولا ادويه حق العلاااج...
بحلة مشكلة الغااااز الي هلكتنا وكسرت اظهوورنا بالذات نحن فإمارتنا بعكس بقية الامارات ..

وااايد مشكلات انتوا روحكم بتستنجونها من خلال موضوعي والي اتمنى انكم تقرونه بعنايه ليييييييين أخره^^..

بعطيكم حلول تفتح لكم ابواب الرزق الي امصكره^^..

ادري انه مليوون وحدة فيكم تبصم بالعشر انه الكلام الي ياسه اقووله محال..

بس والله وما اعظم من هالكلمة على اللسان انها تنقال ,,انكم لو تأملتوا فكلااامي وسمعتوه لي نهاايته بتوجدون الحل الي كلكم تعتقدون انه محال يصير فالدنيا..

وانا كلامي من الوااقع وما بييب رمسة من عندي وكلي امل والله العظيم انه ينصلح حال امتنا..

الكل يشتكي

والكل ملااان

والكل لايعه جبده من الحال الي هوه عليه

ماعندي بيزات
ما عرست
ما اتوظفت
ملانة وماعندي شغل
عيالي مستواهم نازل
الخدامة شردت وابتلينا بمصاريفها من الصحة لي الاقامة وغيره وغيره من مشاكل الخدم الي ما تخلى من السحور والطبوب..
ريلي يخوني
حرمتي ما تفهمني وجني متزوج البشكارة مب هي
عيالي ما اشوفهم كل واحد منخش فحجرته
ابا اعيش قصة حب اتنسيني همي والفراغ الي اعيشه
اختي ما تفهمني
اخوي امخلي عمره هو الريااال ويالس يتحكم فيني
ودي بحد يطل علي من الجيران بس كل واحد امصكر بابه

ووووووويااااااااكثرها هالهموم والمشااكل الي ما اتخلص ^___^

بقوولكم شي صغيرووني عني قبل ما ابدى فسرد الافكاااار..
انا الحمدلله رب العالمين مواضبة على زيارة يدتي كل جمعة ,,انروح انا وامي بيت يدتي عالساعه10الصبح ونتقهوى وياها وانسوولف وايزور يدتي الي يزورها من خوالي وغيره,,يا كثر ما كنت اسمع نصايحها وسوالفها يلي اقتنع فبعضها واغظ الطرف عن الباجي..

يمكن لأني كنت في فترة دراستي فالجامعة..يمكن لأني كنت امحطيه آمال اني من اتخرج بتوظف وبسوي وبسوي وبسوي

ويا كثر ما كانت اتقول يدتي انه البيت هو مكان الحرمة الي لازم ما تستغنى عنه
وياكثر ما كانت ترمس عن الطلاق والي يالس يستوي فالبلاد وليش قبل الزواج يعمر واحينه لأ
كنت اشوف حلولها معقوله بس يبالها الي يطبق^__^

المهم

اتخرجت الحمدلله وطلعت لي الوظيفة في إحدى الامارات ,,وداومت اسبوع عقبها يلست فالبيت>_<

الكل بيسأل ليش؟؟الكل بيقول ما عندج سالفة^__^ الكل بيقول المفروض تمسكين الوظيفة بإيدج وريولج ووووو

انزين وبعدين؟؟

خواتي والله مافي حد فنظري يحب الشغل كثري ولا يحب التطوع كثر حبي له,,ويا ما اشتغلت فدواير حكومية ففترة درااستي فالجامعة وها ان دل فإنما يدل عالفراغ الي كنت اعيشه وحبي للعطاء في اني اسوي واعطي واكرف وبدون مقابل وكل ما سأني حد عن السبب فالتطوع,,اقولهم مافيها شي احب اخدم الوطن الموااطن وعلى ويهي هالتعبير ^_____^

تدرون شو الي خلاني اطنش الشغل؟؟
معنه راتبي كان اتحادي والامارة مب بعيده علي وااايد مثل بوظبي ولا دبي

لا الغوالي

بس شغلي فهالامارة علمني شي مهم وااايد واساسي معنه الفترة كانت جداً قصيرة
انه سالفة الروحة والردة وظرب الخطوط مب امخلفه عالحرمة!!!!!

اوكي صحيح عدنا بيت هناك وفالويكند برجع حق اهلي بس أبد ما عيبني الوضع..من جذا لزمت البيت ,,وما بقوول اني ولهاااانه عالشغل او ميته عالوظيفة ولا بنتحر لو ما حصلت مكان اداوم فيه ,,لأاا الغوالي ^______^

تدرون وين لقيت سعادتي؟؟
والله انها فالبيت..بقولكم بس ابا باالكم طويل علي ,واسمعوني لي آخر كلمة ولا تستعيلون فالحكم عكلامي ..

احينه انتي وانا وفلانة وعلانة مب كلنا ياسات فالبيت؟؟!!!!!
احينه البيوت الاماراتية مب أغلبية الي فيها بنات والاقلية هم الشباب؟؟!!!!
احينه انتي وانا ياسات ملاانات وماورانا شي غير النت والتيلفزون والبعض منهم شاغلنهم البيبي والبعض يحاول يكوّن علاقات محرمة والي تلجأ لأمور غلط تكسب من وراها البيزات ويمر الوقت على اقل من مهله من زود الملل والظيج والهم والغم الي فينا لأننا بعاااد عن رب العالمين سبحان الله ..

شو بيستوي لو نشيتي من مكانج ودخلتي المطبخ؟؟؟,,اوكي البعض بيقولون ما انعرف نطبخ والبشاكير موجودين تراااهم فاشعنه ندش المطبخ؟؟!!!

انا ما طلبت منج تطبخين,,بس دشي وشوفي البشكارة شو اتسوي ,,شو امحطيه فالمجبوس ,,شو سوت فصلصة البرياني ,,كيف لفت المحشي ,,وهاتي ورقة وقلم وسجلي كل يلي اتشوفه عينج..

خايفة الاهل يتسممون من ورى اكلج؟؟؟خلاص عيل جربي اطبقين فليل دااامج فااظية وسهرااانة لين الصبح ما وراج شغلة..دشي المطبخ واتفنني ,,ولا حسيتي انج تضبطين اكله سويها الاسبوع الي عقبه,,او خلي البشكارة بس اتساااعدج فتقصقيص الخضرة ولا اللحم فاليوم الي بتسوين فيه عسب ما اتشوفين انه الشغل وااايد عليج ,,وسوي هالاكله وخذي رااي الي فالبيت ,,شوفي البهارات الي اتحسينها ناقصة فأكل البشكارة وظيفي عليه ,,صدقيني بتتفنين ^____^ترى والله محد يعرف لأكل البيت وريحته ونكهته الطيبة غير حرمة البيت نفسها ^^وانتي تراج حرمة البيت

غناتي دشي عالبشكاارة شوفيها يوم تغسل يوم تكوي وساعديها في بعض الامور ,,لييين الله يسهل عليها وتتوكل اتسير ابلااادها ,,

ومن تتوكل سيري عند ابووج ولا اخوج (المهم الشخص الي بييب البشكارة على اقامته) وفاتحيه بالموضوع قوليله يا بوي,,شو رااايك ما اتييب بشكارة ,,عالاقل هالفترة وجربوني فيها ,,انا احينه عندي خلفية عن الاكل والغسيل والكوي والتنظيف وغيره وغيره اشعنه انييب بشكاره؟؟انا فاظية وما وراااي شي,,وجان عندك بيزات زايدة ولا ايدك تشريك عطني ايااهم ولا انا ما ودي فيهم ,,انا بنت وما احتاي اقامة ولا تطعيم ولا تذاكر سفر ,,ما بنحااتي على اعيالنا ولا بنخاف عليهم من البشاكير ,,انا ياسه فالبيت والراتب الي بتعطيه البشكارة انا بعتبره راتبي وجان تبا اتقص قص منه بعد مافي مشكلة^^ ..فالنهاية اناا بنت هالبيت واساساً لازم اشتغل فيه وما بعتبر عمري بشكارة ولا غيره^_____^..صدقيني يالغالية جان على وقتج تراه بيمر واثناء ما تشتغلين خلي الاستغفار على السانج..

وانتي تقطعين البصل
وانتي اتشيطين
وانتي تغسلين
وانتي تكوين
وانتي اتخمين

لا تنسين قول الله عز وجل(قل استغفروا ربكم انه كان غفاراً..يرسل السماء عليكم مدراراً..ويمددكم بأموال وبنين ويجعل لكم جناتٍ ويجعل لكم انهاراً )

^_____^يالغالية تدرين انتي بشغلج فالبيت شو بتكونين حليتي؟؟؟

1- اول شي الملل الي فيج بيروح لأنج بتمين تشتغلين ومستااانسة انه عندج شي اتسوينه طوول نهااار وفوق هذا بيكون عراس كل شهر رااتب زيااادة فوق راتبج الي اتحصلينه بالعادة من اهلج (ولو اني ما افضل سالفة انج تاخذين منهم لأنج انتي الي مستفيده فكلا الحالتين^^ )

2-بتشلين عن ابوج سالفة الصرف على البشاكير من تذاكر الطيران ورسوم البشكارة الي ما اتخلص وراتبها كل شهر هذا غير الفلوس الي تعطونها فالمناسبات عسب تتشرى حق العيد وغييره

3-ضامنه نظافة الاكل وطعمه وشارية رااحت بالج من خووفج لا البشكارة اطلع حرة الشغل الزاايد فالاكل

4-ماعندج وقت اتظيعينه في انج اتكونين علاقات خايسة بسبب وقت الفراغ,,لأنه اساساً هالوقت بيطير عنج طيران وكل وقتج بيكون مباااارك

5-قربج من ربج والابواب الي بتتفح لج من ورى الاستغفار طول الليل والنهار وانتي تشتغلين

6-رضا والدينج عنج فالدنيا وهم يشوفونج تكرفين فالبيت وانتي مستانسه ولا متذمرة ولاشي شرات البشاكير الي يطولون السانهم

7-بتضعفين من غير رجيم ولا رياضة ولا بتخسرين عمرج عالجم الي بتشتركين فيه لأنج اساساً بتكونين شراااات سوار العسل من كثر ما اتلوجين فالبيت

8-عندج خلفية عن شغل البيت وبتكونين ربة بيت مثالية وناجحة ولا تنسين المقوولة الي اتقوول عشان اتحصلين قلب الريااال اوصلي للي يونس بطنه^^ ها بمفهومي بس المقولة اساساً اتقوول (الطريق الي قلب الرجل معدته) وانتي ما شاء الله عليج احينه صرتي فنانة فالطبااااخ مب شراات قبل لا اتهشين ولا اتنشين والاكل امحطاي فالمطبخ ولا فحجرة الطعام متى ما يعتي نجبتيلج ولا اتعرفين شو امحطاي فيه ولا غيره وطوول اليوم ياسه اتكشين الذباب وتندبين حظج المعوااي ,,وعفكرة ترى دخوولج للمطيخ فيه فااايدة ثانية ومهمة ^^انتي جي بتحلين ازمة الغااااز,,ترى اغلبية البشااكير ويا كثر ما شفت فالبيت,,اتخلي الجولة شغاله وهي ياسه اتغسل المواعين (طبعاً مب من جيب ابوها) اما انتي فبتكونين حريصة على ان سلندر الغاز يكون عندج اطول مدة ممكنة تراج بتتغمضين على البيزات الي اهلج يعقونها عسب يشترون سامان البيت

9-بتخففين من نسبة الطلاااق ..لأن اغلبية الي يطلقون حريمهم بسبب انه الحرمة ما عندها خلفية عن امور البيت وتذمر الرياييل ما يخلص وبتلاقينه دووم يمدح فأمه (لأن بالاساس عمتج اتكون امهيئة عمرها قبل الزواج مب شراتج^^) بيتم بقولج امي اتخم وتنظف وتطبخ وربتنا احسن تربية وانتي ما سويتي شي وااحد عالاقل من الي اتسويه ولا جان سكت وما قتلج شي..

10-بتحسين بكيانج وقيمتج فالبيت وانه لج مكانة عند اهلج وما يرومون يستغنون عنج لأنج صرتي عمود البيت

وبسرد لكم وااايد نقااااط ثانية ويمكن انتوا رووحكم بتستنتجون أشيا ثانية اناا يمكن غفلت عنها ^_____^

عزيزاااتي عندي لكم بعض الاقتراحات عسب انحل هالمشاااكل وانكون سند لبعض وخوات فالدنيا كل وحدة فينا اتشد من عزيمة اختها ^___^

*اذا عندج وقت فاااظي ليش ما تختلقين لج تجارة انتي اديرينها وانا ذكرت هالشي من اول النقاااط لأني انا تاجرة وعارفة كيف التجاارة اتسوي ^____^بقوولكم شو الي حصلته من ورى التجاارة بس صلوا على النبي وقولوا الله يبارك ^^..الحمدلله رب العالمين وانا اقول هالكلام تشجيع مني لكل البنات والامهات الي ياسات يتريون الوظايف جنه الوظاايف بتيهيهم على طبق من فضة,,اقولها يالغالية ترى لا اتظنين انج يوم اتعقين اوراقج فهالدواير بييج الدور وتتوظفين لا حبيبتي ,,الشغل يباله مرااكض وروحه ورده من غير تدخل الواسطات وووو,,فليش احرق اعصاابي واذل عمري عالي يسوى والي ما يسوى؟!!!
والله العظيم انه ما في احلى من كونج حرة نفسج وطليقة,,ما تتريين سعادة المدير الفاضل يتمنن عليج بإجازة ولا انتي مجبورة تسمعين زعيج المراجعين واتصخين عنهم عسب ما تتسجلج نقااط سودة او تحصلين من ورااها انذااار ممكن يفصلج >_<ولا نشت الصبح الي اتنشينها وانتي مغصوبة ^_____^
انتي حرة في شغلج وانتي مديرة نفسج ومحد يتأمر عليج,,يالغالية انتي درة مكنونة قبل اي شي ومحد من اهلج بيرضى عليج الذل ولا الهوان ,,

صدق رسول الله عليه أفضل الصلاة والتسليم يوم قال تسعة أعشار الرزق فالتجارة ,,فليش اروح للبنوك ولا الدواير الحكومية وانا التجارة عندي موجودة؟؟والرسول اباح التجارة بالشي المعقول؟؟

نحن لو بنسمع عن كبار الشخصيات فالدولة احينه والي لهم اسمهم من وين بدوا؟؟ولا كيف صار لهم هالاسم ؟؟ترى كله من التجارة لا اتظنون انهم انولدوا وفحلوجهم خواشيق ذهب ,,هاذيلا ايدودهم كدوا كد اليهد فالتجارة لين وصلوا للي هم يبونه لنفسهم ولذريتهم من بعدهم والي انتهجوا نفس منهجم^_____^

عزيزاتي انا الحمدلله رب العالمين مش موظفة وبفضل من الله سبحانه اني بديت بتجارتي من وانا فالمدرسة ولو اقولكم اني اطلع صافي اربااحي اكثر عن الي يشتغلون فمحلية راس الخيمة ما بتصدقون^^ واحياناً توصل مبيعاتي فبعض المواسم الي رواتب الاتحادية وها كله فضل من الله علي..

يا سلام وانا مرتاحه فبيتي لا ايجار ولا نشه بالغصب حق الدوام ولا مذلة ولا صراخ ولا اي شي ممكن يخطر عبالكم او يظيج بخاطري ^___^الحمدلله رب العالمين

ليش؟؟ليش ارووح للمذلة بريولي وانا الله ألهمني وعطاني عقل افكر فيه؟؟
الشغل والاختلااااط مب مكاني ولا هو فرض علي..ضرب الخطوط هاي من تخصص رياييلنا الله يواليهم الصحة والعافية ويوصلهم لبيوتهم سالمين غانمين ويحفظهم ويعينهم على مشقة الدرب ويكافيهم من شر وكآبة المنظر فالسفر قولوا آمين..

تدرون؟؟من فترة يلس وياي اخوي العوود (احينه هو فالحج دعواتكم له انه يرجع بالسلامة هو وبقية الحجاج وانه رب العالمين يتقبل منهم كل عمل صالح) ,,المهم عزيزاااتي كان الوقت متأخر من الليل يوم بدى بحديثه معاي ,,وقالي الريم انتي مستانسه بتجارتج؟؟اقوله هيه الحمدلله ,,رد قالي يعني بحدود كم ادخلين كل شهر؟؟اقوله ما في شي ثابت يعني على حسب المواسم,,قال انزيين شوفي ,,انا ادريبج اتخرجتي وتبين تشتغلين حالج حال باجي البنات بس انا والله ما ارظالج المذلة ,,انتي اختي وابا احفظج من الوصاخة الي انشوفها,,قتله ادريبك,,قال انزين شو رايج لو استأجرلج محل وانتي حطي البضاعة الي تبينها اذا واثقة من المصدر الي بتييبين منه البضاعه وبحطلج فلبينية فيه وانتي بيكون لج حجرة خاصة داخل المحل وبيكون فيه كيمرات اتشوفين الي يدخل ويطلع وبتعرفين حساباتج بروحج ومحد بيقص عليج او يستغلج ولا شياته شو رايج؟؟قتله ما عندي مشكلة بس متى ما بتحصل المكان خبرني وانا بساهم فالايجار ماباك تدفع انته روحك عليك مصاريف بيتك وعيالك احينه بتصرف علي انا بعد؟؟قال ما عليج مني بس انتي المهم ابا اعرف اذا انتي مقتنعه من فكرتي او لأ؟؟قتله هيه ماعندي مشكلة انا اصلاً شفت كيف الموظفات ينذلون فشغلهم وكيف يتحرطمون ومابا انذل مثلهم ابا اكون حرة فكل شي اسويه,,قال بارك الله فيج انا بس هذا كان همي وماكنت ابا افرض رايي عليج لأنج لو بنفسج مب مقتنعه ما بروم اضغط عليج ولا اباج اتسوين شي انتي ما تبينه,,قتله لا افا عليك رايي من رايك^^

وبجي خواتي اكون وصلّت لكم فكرة التجارة واتمنى اتحطونها من ضمن اهتماماتكم ^^

*النقطة الي ابا ارمس فيها بعد وهي انج ليش ما اتمارسين دوور الابلة فالبيت^___^ اذا عندج اخوان صغار او عيال اختج او حتى ييرانكم ساهمي فهالشي ,,اول شي بتنالين الاجر وها غير انج بتسترجعين ذكريات الماضي من خلال مذاكرتج لهم وزيدي عهالشي انج بتوفرين لهم قيمة الدروس الخصوصية^___^وجان حبيتي تستغلين هالشي عاد خبريهم انج بتاخذين مبلغ ولو اني ما اشجع مبدأ الاستغلال هههههه,,,يا زينج لو اتباادرين ^^ في كل الامور ,,خواتج بيقدرون تعبج وبيحطونج عرااسهم ^^

*فالفترة الحالية الي البشكارة الحين موجودة فيها,,دشي المطبخ ومثل ما قتلج بادري بتسجيل المعلومات وبطريقة طبخ الاكل,,وخلي الي فالبيت يجربونه من ايدج وبالمرة طرشي حق ييرانكم^^من اهنا تبتدي المبااادرة ,,خواتي مشكلتنا نحن كلنا انه نتريا الناس اتبادر وما نبتدي بعمارنا ...والله انه لو اكله اتوصلينها بيدج وادقين باب ييرانكم (ما اطرشينها ويا البشكارة) بتسوي وااايد وانتي ما تدرين^^اول شي بيشكرونج وبيظنون فأهلج الظن الطيب وحسن التربية وبيردون يطرشون لكم مرة ثانية من اكلهم وبجي بتنشل الحواجز من بينا ^_______^يلا بادري من اليوم ولا تتريين بااجر

والله انها مب مثالية ولكن ها واجبنا ودينا هو الي يحثنا على هالشي ,,وين حق الجار على جاره؟؟ وين حسن الجوار؟؟يالله بالستر احينه ييرانا لا حد مات عندهم ما درينابهم ولا شفنا الزحمة برع عبالنا عرس ولا ملجة؟؟!!!!! يالله لهالدرجة؟؟ هذا حسن الجوار الي حثنا عليه الرسوول؟؟

صدقوني اشيا بسيطة بتعيد المياااه لمجاريها وبنرجع لزمنا القديم^^الزمن الي الكل يتذكره ويحن له والكل يظن انه مستحيل يرجع ,,والله مافي شي مستحيل على رب العالمين بس خلونا انبااادر وخلونا نبتدي بعماارنا قبل غيرنا وشوفوا النتاايج ^_____^


*اذا انتي اتسوقين ليش ما تخدمين اهلج فالبيت؟؟يعني لازم ادريولية فالبيت ومخاسير مالها داعي؟؟ما بيصير شي فالدنيا لو ساهمتي فالبيت وعاونتي اهلج واشتريتي من السوق او وصلتيهم مكان^^ ..ودي امج ولا ابووج و خواتج وسووا زيااارة لأهلكم ,,يا كثر المواتر المكوودة فالبيت وما تطلع الا حق الكشتة ولا الدوامااات,,انزين ليش ما نستفااااد من وجودها في صلة الارحام؟؟ليش؟؟ ولا زيارة الارحام بس فالاعياااد!!!!! ^____^

انزين شو رااايج اعطيج جدول ,,عن نفسي بسميه الجدول الذهبي ^^وانتي والي يناااسبج ,,يعني سوي الي تبينه ^____^

**من اتنشين الفجر,,صلي واقريلج صفحتين من القرآن ووياهم اذكار الصباااااح,,فتحي دريشتج اول شي تبتدين فيه هو حجرتج^^ صدقيني يالغالية بمجرد ما اتحسين انه حجرتج نظيفة واتلق نفسيتج اصلاً بتنفتح عالشغل وودج البيت بكبره يلق ..من عقب ما اتنظفين وتلمعين الحجرة تلمييع^^رشي فيها ملطف جوو( لا اتبخرين من الصبح الا يوم بينشوون اخوانج بخري كناديرهم بالعوود) بس عالصبح يكفيج اتعطرين الجو اشوي واتغيرين ريحة الحجرة ..دشي المطبخ وسوي القهوة والحليب ووياهم ريووق خفيف( عاد الي موجود فالمطبخ ودامج فالبداية بعدج فأنصحج تسوين بيض جبن جباتي براتا بقصم زيتون مربى وقصقصي طماط فريش^^خليهم جوانج رفااااع وعقب لا صرتي خبيرة فالخبز سويلهم هاك الخمير ولا الرقاق ويالبيض والجبن ولا القروص او الجباب يااا سلااام^^ ,,تعالي صح لا تنسين اطلعين السمج ولا الدياي حق الغدى ,طلعي جدر وحطي فيه ماي وخلي الثلج يذووب عن الدياي عسب وقت ما تشتغلين فيه الضحى العوود يكون جاااهز^^) المهم,, اهم شي انج اترتبين السفرة بشكل غاااوي بحيث تفتحين نفس الي بيتريق^^ وخلي كل شي فالمطبخ وردي سيري الصالة وخميها ونظفيها عدل ,,افتحي الجامات وسوي نفس ما سويتي فحجرتج...اكيد اخوانج نشوا وكل واحد ساير يسبح بهالوقت حطي الاكل عالسفرة ويلسي اشوي ويااااهم ,,اكيد بيتريقون عالسريع من جي خلي المدخن جاهز وقبل ما يطلعون طلعليج هاك العوود الغاوي وبخريهم ,,نفس الشي لو اخوانج او خواتج بيسيرون المدرسة ..

**احينه البيت خلى ومافي حد وياااج,,شغلي البث المباااشر عنور دبي وسمعي بوعمر ,,ماشاء الله عليه من الساعه 7موجود ^^ خلي امج وابوج يتريقون براااحتهم ,,وسيري غسلي الثياب ولين اتلف الغسالة اتيلسي كل اشوي وياااهم وسمعي سوالف بو عمر والناس الي يتصلون ^^وردي كملي شغلج كل من وقفت الغسالة ,,احينه خلصتي الغسيل ,,قولي تقريباً من بعد مرور ساعتين او اقل حسب الكمية ,, وما بيتم عبرناامج بو عمر غير نص ساااعه ,,لأنه عال10يخلص^^,,جان بغيتي اتحولين عبرنامج الرابعة والناااس ترى بن خصييف موجود,,وخلي الوالدة والوالد يكملوون جوهم برووحهم^____^,,سيري صلي الضحى ركعتين ومن اتخلصين ادعي لنفسج بالصلاح والهداية وللأمة الاسلامية,,ودشي المطبخ وخلصي غدااااج ^^وجهزي كل شي من لصحون ولطووس والسفره وغيره اهااا لا تنسين الجاااي ..سيري اسبحي وصلي الظهر وعقب بخري البيت ^^ اتغدي ويا اهلج ولا تنسين اطرشين صحن حق ييرانكم ^^وعقبها قيلي مال ساعه ولا ساعه ونص ,,بيكون جريب العصر,,شو رااايج اتسوين سويت خفيف ولا كيكة وبعد لا تنسين الييران من لسويتات^^,,العصر خلي وقتج لعياال اخوانج ودرسيهم وشوفي شو الي مب فاهمينه ومارسي دورج فالتدريس كأبلة وفالحنّية كأم واحتويهم كأنهم عيااالج ^___^ومن يخلصون لا عبيهم ويا كثر الالعااااب الي اتنمي عقوول اليهال ^^اخذيها ولو رخيصة ,,انا اسير مراكز الدرهم والدرهمين يوم اشتري اجياااس حق تجارتي وبالمرة اشتري حق اليهال صلصال واشكال وحروف ودفاتر تلوين والوان مال الرسم عالدفتر والويه^^ فديت عياال اخوي ,,تراهم عيالي ولو ما يشوفوني او ارقد عندهم يتموون واقفين عند حجرتي يتريووني اطلع ..شفتي كيف؟؟احتوي اليهال وحبيهم عشان يحبونج ويصارحونج بكل شي يضايقهم الله لا اييب الظيج لحد


**جريب المغرب جهزي العشا ,,وشوفي شو بتسوين وابدعي وجان اهلج بييوبون اكل من برع بعد زين مافيها شي لو اتنوعون بين فترة وفترة ^^ ,,شوفي النت واقري المواضيع الي اتهمج ولو فكرتي اتاجرين شوفي تجارتج جان شي طلبات او لأ ..لا بد ما اتحصلين وقت فراااغ ,,خليه لنفسج اشوي,,يا كثر المواضيع الحلوة الي فالنت من تنمية الأفكار والمواهب وكيف تتعاملين ويالطفل وكيف تبدعين فطباااخج وكيف تتفنين بالاشغال اليدويه وكيف تواجهين مشاكل لو صادفتج فحياااتج^^وواايد مواضيع غيرها,, يلسي ويا خواتج وسولفي ويااااهم واخذي اخبااارهم وشوفي رغبتهم في حال حبوا يساعدونج او لأ,,شجعيهم في حال حسيتي انهم مب مايلات لنفسج تفكيرج وقوليلهم السبب في انج اتغيرتي وشو النتايج الي بتحصلينها من ورى شغلج فالبيت ^______^صدقيني بيحل عليج الليل وانتي منهد حيلج وما تبين اي شي غير لفراااش ويوم بتنشين بتنشين قبل الفجر حتى ^______^

ياكثر الكلام الي فخاااطري اقووله بس احس اني مصختها ويمكن البعض منكم مل من كثر ما اهذرب ,بس صدقوني الي يقرا كلاااامي بتمعن ما بيحس انه كلااامي فاااظي وماله معنى ,,بالعكس بيتم يقرا وهو مستمتع بلي يقراااه لأنه بإذن الله مفتااااح الحل لكثير من المشكلات والامور المستعصية علينا فالوقت الراااهن..


لو في شي ثااااني راااااح ارد انزل مواضيع من غير ,,والله يكتب لنا الي فيه الخير والصلااااح لنفسنا وامتنا قولوا آمين ^____^

ودي موضوعي هذا ينتشر فكل المنتديات وعالبلاك بيري واهم شي يكون باله طويل الي يقرا الموضووع

ويا عسااه يدخل من قلب صادق يحبكم لي قلبكم الطاااهر الي وده ينصلح بس مب عارف كيف الوسيلة ^_____^

وسااامحوووني عكثرة الرمسة والاخطااء المطبعية ^____^

فمان الله

ماشاء الله عليج يا ام محمد

كلامج كله عين العقل

الله يوفقج في تجارتج

والله ينور عليج طريقج

كله في ميزان حسناتج

بصراحه يشرفني ايكون عندي اربيعه مثلج يالغاليه

الله يحفظج لأهلج وكل الي يحبونج

بحفظ الرحمن

[align=center]
ختيه هذي قضايا موجوده في كل العالم بس المشكله انتي تنظريلها انها مشكله لو تعمقتي في قضيه وحده كان دار راسج

بحل مشكلة الطلااق وانا حطيتها على رااس جميع المشكلات لأنها من أعلى النسب الي اتخووف فدولتنا..

بحل مشكلة العنووسة والي انا اسميها ظاهرة تأخر الزواج مش العنووسة....

بحل مشكلة الخدم ومصاريفهم....

بحل مشكلة قلة الوظايف فكل الامارات...

بحل مشكلة الازماات النفسية يلي اتمر عالبنات والشباب....

بحل مشكلة التحرش والمغازل والانحراف فالبلاااد كذلك انحراف المتزوجين عافانا الله واياااااكم....

بحل مشكلة الفراااغ الي ما ينتهي والي بعض بناتنا جان ما يكونون معظمهم يعانون منه...

بحل مشكلة غلاااء الدروس الخصوصية....

بحل مشكلة انعزال افرااد الاسرة عن بعضهم البعض وبخلق جو اللمة الحلوة والي ما ينمل...

برد المياااه لمجاريها وبصفي قلووب الجيران عبعضهم شراااات قبل^____^...

بحل مشكلة عزوف الشباب عن الزواج بسبب غلاء المهوور او الخووف من المستقبل المجهوول من الارتبااط فبنااات يجهلون حتى أساسياات الزواج واموره البسيطة...

بحل مشكلة الغلاء فالاسوااق والمحلاات..

بحل مشكلة السمنة وامراض الضغط والسكر ,,ولا بنخسر قيمة الاشتراك فالاندية الرياضية ولا ادويه حق العلاااج...
بحلة مشكلة الغااااز الي هلكتنا وكسرت اظهوورنا بالذات نحن فإمارتنا بعكس بقية الامارات
[/align]

[align=center]
عين اليقين وليس لي أي مداخله و أتمنى من الاخوات الكريمات قراءة الموضوع بأكمله سائلين الله تعالى أن يفتح لكاتب الموضوع ابواب الخير

حكاية شكرا لكِ
[/align]

شكرا لك
لكن لا اجد بين كلامك والواقع اي ترابط
بل طريقتك سوف تزيد المشاكل وتعقد الامور

[align=center]
الله يوفقج وان شاء الله تنحل كل هالمشاكل فالبلاد....
[/align]

أنا أعرف اسرة اماراتيه ماعندهم بشكاره بالبيت وعددهم 8 امورهم ماشيه وبيتهم عمره مادخلنه بشكاره

السلام عليكــــم ..

شاكرة لج أختي الكريمة طرحج الكريم
و الصراحة أبدعتـــي


لكن لدي أستفسار بسيط ..

هل برأيج أن العمل مـــــذلة !!

((((( على سبيل المثال ,,,, لو الحريم إلي في الدوائر الحكومية
اتخلون عن عملهم بحجت المذلة ما تظنين أن مصالح بعض النساء بتتعطل
لأن الحرمة عسب تخلص أمورها في دائرة بتضطر أتمر على ريايل بدال الحريم )))))))

اتمنى ان تجيبي على استفساري ,, لكي تكتمل لدي الصورة

تحياتـــــي ..
Gucci

[align=center]
تسلمين لو كل وحدة تفكر جدي جان زين ولكن بعضهم فيهم هيازه مايبون يسون شي بس كشخة وحواطة فالمولات واخرموديل السيارات وديون فالبنك الله المستعان
[/align]