امرأة لـآ تنسى ممكن

السلام عليكم و رحمة الله و بركاته

امرأة لـآ تنسى مساج/ صبحج الله بالخير أختي . .

شحالج ؟ عساج إلـآ بخير . . . !


بغيتج تحللين شخصيتي ممكن و الـآ . . ؟
:sm150:

وعليكم السلام ورحمة الله وبركاته




يمكنك الرد على الاسئلة المطروحة في القسم اختي العزيزة لاتمكن من تحليل شخصيتك



حفظك الرحمن

1/ نبذه قصيره عن حياته بشكل عام ؟
في فبراير 1992 ابصرت عيني على الدنيا .. و حاليا أدرس فـ كلية التقنيه بعد ما تخرجت من الثانويه العامه بنسبة 86.6 % .. ترتيبي السادسه بيت اخواني و خواتي و أنا اصغر وحده من البنات .. اتميز بالأنانيه احيانا .. و الغيره " لدرجه اني اغار لو شفت حد احسن مني او حد يمدح انسان جدامي أغار و أبا أكون مثله و أحسن " .. طبيعتي اني لو حبيت انسان اني اتعلق فيه لدرجه الجنون و فوق كل هذا اغاار عليه غيره شديده،، مع ان هالشيء احسه يؤدي الى كره هالانسان لي .. أحيانا أكون عنيده .. بس بشكل عام انا انسانه هادية "بس ف هالفتره الكل في البيت يقول لي صار لسانج طويل " مسالمه ما أحب اضارب الناس بارده بالنسبة لمشيتي أو ردت فعلي .. ما احب ازعل بس احيانا اشل بخاطري .. و احب اكتم هالشيء و ما ابوحه غير وقت الرقاد اطلع كل همومي عن طريق دمووعي .. ما احب اعصب .. و لو اعصب مال دقايق و انسى كل شيء .. ما احب ارفض طلبات اي حد حتى و لو ما اقدر اسويه لازم اجبر نفسي اني اسويه .. احب الصراحه و احيانا انا اصارح الناس و احيانا اجامل لاني ما احب اجرح مشاعر حد في مرات اقول رمسات تجرح الشخص بدون حاسيه بس بعد فتره وجيزة اتذكر اللي اقوله و اندم ع اللي قلته .. قبل كنت ما اهتم بشيء سواء مشاكل بين ربيعاتي او مشاكل عائليه كنت انسى كل شيء و لا افكر بس حاليا كله اوسوس و خصوصا بسبب المشاكل اللي تصير سواء ف العائلة او مع ربيعتي ففي آخر فترة افترقنا انا و ربيعتي اللي كانت بالنسبة لي توأمي و النسخه الثانيه لي .. و سبب هالفراق اني شفتها مع بنات مب ملتزمات و حبيت اني انصحها بس انصدمت يوم خبرت ربيعاتها اليداد و ربيعاتها هم اللي دافعوا عنها و هي ما كانت تقول لهم شيء " بشكل عام يعني طاحت من عيني حسيت انها باعتني خلاص " .. هي صح و انا انسانه خجوووووله خجووووله خجووووووووله ... و بعد انا انسانه غامضه ما احب ابين اللي احس فيه و اللي فيني .. احيانا ابا اقول كل الي فيني بس استحي لاني في اوقات احتاج اني افضفض كل اللي فيني من هموم لاي شخص بمجرد اني ارتاح له و عسب اسمع نصايحهم لي ..

أحس اني بعدني في مرحله المراهقه " حاليا عمري 19 و شهر 2 بدش 20 " اسوي أشياء المراهقين يحبون يسوونها و اعرف انها غلط بس ما ادري .. << بس افضل اني اخبرج ع الرسايل الخاصه

2/ حياته النظاميه من ناحية الترتيب وتنظيم الوقت والامور الشخصية ؟
انا بنت أحب النظام و الترتيب .. احب انظم وقتي بس للاسف مشكلتي الوحيده اني احيانا ما التزم بهالشيء " فكل ما اقول بنش من الرقاد هالساعه و بسوي هذا و بسوي هذا أنسى و اطنش و يخترب وقتي " .. بس بشكل عام احب حياتي تكون كل شيء مرتبه و ما احب أي وسخ يمس اغراضي .. حتى محتويات لابي احب انها تكون مرتبه و شكلي بعد و لبسي ..

3/ الهوايات ؟
بالنسبة لهواياتي فاني اقضي وقت فراغي بالتصميم عن طريق الفوتوشوب .. و احب اقلد الخطوط العربية و ابدع ف الكتابه بخطوط مختلفه .. و طبعا طبعا ما انسى ربيعاتي فيوم اشتاق لهم اتصل فيهم و اخذ و اعطي معاهم .. و بالرسم بعد سواء اني اقلد رسومات الرسامين او ارسم اشياء من مخيلتي ..

4/ كيف يراه من حوله ؟

الكل يشوفني بأني انسانه هاديه و خجوله ما أحب الاشخاص اللي يمتازون بالنفاق ع قولتهم " قوم ويهين " .. صريحه " أي شيء ما يعجبني أقوله " .. مرتبه و مبدعه بين ربيعاتي .. امممم نص ربيعاتي يعتقدون اني انسانه غامضه ..

5/ الميولات ؟

اميل احيانا للهدوء و الجلوس في اماكن هاديه .. و غالب ما ايلس بروحي .. اجابل لابي او اسمع اغاني " مع اني احيانا اعرف ان هالشيء حرام انقطع فتره و ارد اسمع بس وايد قمت اقلل من هالشيء" و اسمع اناشيد .. أحب اتسوق و خاصه في مجال العبايات .. و احب اطلع بس بسرعه أمل من الطلعات فلو كان مزاجي اوكي اطلع .. و لو كنت مهمومه اطلع كل هموم ع شكل شخابيط ع الاوراق .. سواء اكتب اسامي ناس فقدتهم او اتم ازخرف ..

ع فكره انا وايد حساسه ... و مرحه و أحب اسولف مع ربيعاتي بس ما اتأقلم بسرعه مع الناس فتنتابني نوبات الخجل ..

66...652904e44b.gif








انتي جنوبية شرقية ..


ساتكلم بشكل عام عن الاشخاص الجنوبيين /

شخصياتهم مسالميين ومتسامحيين ..





عاطفيين .. ولكنهم غامضون نوعا ما ..

لانهم لايحبون ان يتكلموا عن مشاعرهم امام اين كان الا من ارتاح اليه قلبه ..




الشخصية الجنوبية



دائما تكون محبوبه .. لانها بطبيعتها شخصية طيبه واجتماعية..



ورائعة بأخذ دور الصديق المخلص..



يحبون المدح.. ويحبون ان عملوا عمل معين ان يشكروا ويقدروا منهم هذا العمل..



حساسون نوعا ما..



مزاجيين .. فتارة تجدينه فجاة يحزن .. ويضيق صدرة ..

وهذا بسبب الكتمان .. وتراكس المشاعر السلبية في داخله ..

فهو لا يفضفض في وقته .. ودائما ما يفضفض .. عندما يصل به حد الصبر الاخير

وينفجر..





الشخصية الجنوبية


ترتاح متى تكلمت وفضفت ..

شخصية جميله ..

ومبدعة ..

وتحب التميز..


ولكنها كسوله نوعا ما..


وتحب تأجيل الامور..

ولكنها متى بدأ بالعمل.. فانه ينهيه في اغلب الاحوال..

عزيزتي


اما عن نقاط القوة لديك هي:

1/ التسامح / الإبداع / القدرة على التميز / سرعة الرضى / الصبر/

نقاط الضعف / الحساسية / سرعة الإنفعال / التكاسل / حب الاسترخاء / التردد






تستطيع ان تطوري من نفسك اكثر عند التركيز على نقاط القوة لديك


ومن ثم عن طريق تقوية نقاط الضعف ان استطعتي ذلك ..


وكسب بعض صفات الشماليين ..



لأنها ستعطيك دفعة قويه للامام والثقة بالنفس اكثر مما انتي عليه ...


شخصيتك جميلة

ولكن تنقصها الجراة وقوة الشخصية والابتعاد عن التردد في اخاذ القرارات


وابتعدي قليلا عن الحساسية


كوني بخير من اجل نفسك اولا ومن ثم لمن حلوك



حفظك الرحمن







66...652904e44b.gif