إمرأه لآ تنسى ~ بغيت احلل شخصيتي . . ! لو سمحتي تفضلي =)

السلآم عليييكم ورحمة الله وبركآته . .

اشحآلج ختيه !
إن شاء الله بخير وسهاله . . !


أناآ من جفت مووضوعج المثبت فجيته وتميت اقرآ فعيييبني و أنآ من زمآن ابي حد يحلل شخصيتي :) واتمنى اجوبتي للآسئله اتساعدج ع انج اتحللين شخصيتي . .






1/ نبذه قصيره عن حياته بشكل عام ؟ أنآ اعيش عند أمي و ترتييبي الثالثه بين اخوآني وخوآتي و عندي مرت ابو بس مآ اطيقها و عندي منها اخوآن وو خوآت و شخصيتي ضعيفه يعني اناآ وايد استحي ومآ احب اجتمع ويا الناس كله احب اكون بروحي و أكثر الاوقات الي احب اكون فيها ابروحي يوم اكون متضااايقه من الخآطر و يعني يوم اتضايق لآزم اتم اصيح وانا مآ ارتاح الآ يوم اصييح او يوم اشكي لحد عن الضيق الي فيني و احب اذا كنت مستاانسه اخلي كل الي حولي يستاانسون و انا احب اني اكون احسن عن كل الي حولي يعني احب اتميز بشي غيير عنهم يعني الحين كل الخلق متعلقين فالكوريين بس انا ووالله عن نفسي ما احبهم مآ احب شي كل الناس يحبونه احب اكون مميزه واحب حد يمدحني ههه و احب اكششخ و يعني مب لين اهنآك و مستوآي فالدراسه الحمدلله زين وانا الحين فاآول ثنوي ف ع قد مآ اقدر ابي اشد حيلي بس كلله مآ يكون لي خلق للكتآب يعني كله انشغل فآشياء مآلها معنى يعني انا بصرااحه قبل مآ خلييت منتدى مآ دشيته وسجلت فييه وكنت اتعلق فالمسن وايد بس الحين الحمدلله هديييت كل المنتديات إلآ منتدى الرمس لآني احس اني مرتآحه فيه وآيد ويعني مآ فيه اشياا يعني مب ششي شرات باقي المنتديات و كنت يعني مدمنت منتديات فأنآ من نفسي وااايد مستاانسه لأني قدرت بإرادتي اهد المنتديات و انا عن نفسي مآ احب شي اسمه تلفون او تلفزون وبس :)


2/ حياته النظاميه من ناحية الترتيب وتنظيم الوقت والامور الشخصية ؟ أنآ عن نفسي أحب الترتييب بسس ساعات مآ اتفيج ارتب او شي يعني يعيبني اجوف كل شي مرتب مآ احب جيه شي موصخ او مخترب وعن ترتييب الوقت انا اعرف ارتب وقتي يعني من ارد من المدرسه اسبح وجيه و عقب سيده اتغدى واقعد ااذاكر وعقب اتعشا وارقد يعني حدي للساعه 9 او 8 :) و اناآ اكره شي فحيااتي الي مآ ادآآنيه ~~ مسلسلآت تركيه اساسا التلفزون بكبره مآ احبه وحتى التلفون يعني مآ اسير صوبهم :)


3/ الهوايات ؟ هوآياتي احب اقرا روآيات و احب اكتب اشعار بس مب وايد احب التصوير .

4/ كيف يراه من حوله ؟ كل اربيعاتي الي ووياي كله ايقولون لي بطرآنه خقاقه متكبره جايفه عمرها مآ اتحب الآ نفسسها وانا مآ اجوف ها الشي فيني و في بعضهم ايقولون انتي حبوبه وطيوبه وقلبج ابيض و اجتمآعيه وقوية شخصيه و سوآلف و احس ان كل حد يبا يتعرف علي و يعني يستاانس لي وبس


5/ الميولات ؟ مآ اعرف انا لشووه بالضبط اميييل , بس إذا عن الآمآكن احب اروح البحر احب اكون اكثر شششي فمكآن هادي ما فيييه حد يعني مآ فيه زحمه :)



وهاذي أنآ :>

أتمنى انج تقدرين تحللين شخصيتي بآسرع وقت ممكن

ومشكوره خيتو مآ تقصرين :)

والله يعطيييج الصحه والعافيه =)

ساكون متواجدة قريبا بإذن الله

الله المستعااان

شخصيتك تنمي الى النمط الجنوبي


فأنتي جنوبية تقليدية شرقية



شخصية طيبة القلب إنسانه نقية بنقاء الورد الابيض..


لا تحب الغش والكذب والتلفيق..




تحمل قلبا عاطفيا وحساسا وشفافا .. لديها الكثير الكثير من الابداع ..



ولكنها احيانا قليله تظهر مواهبها بالشكل الصحيح ..




شخصية تميل عادة الى كلمات الاطراء.. تحب الكلمات الجميلة .. فهي تنعشها بطريقة عجيبة ..



شخصية رومانسية .. وهادئة .. تحب الراحة والاسترخاء..



تحب الهدوء .. وتشعر بالضيق بوسط الزحام والضجيج ..



تفكر كثيرا ويشغل بالها اذا احدا ما ألقى عليها كلمة لم تعجبها .. او تضايقت منها ..




شخصيتك اختي الكريمة



انسانه خيرة وتحبين مساعدة من حولك دون مصالح ..



تعاملين من حولك بعفوية تامة .. ونية طيبة ..




واعتقد انك انسانه سمعية حسية




تتأثرين كثيرا بما تسمعينه .. تركزين على الارقام الحسابية .. تكتبين حرف السين مسننه



تتأثرين بالقصص .. العاطفية ..



تضحكين بسرعه وتبكين بسرعه ..



فأنفعالتك سريعة ..



قد تغضبين بسرعه ولكن ترضين بسرعه ..



ولكن لا تنسي من يجرحك .. قد تسامحين ولكن لا تنسينه من ذاكرتك !




شخصية كتومه .. وقد يتعبك هذا الامر كثيرا ..




مترددة في امورك القرارية ..



نصيحتي لك ان تتعاملي اكثر مع الانماط الشمالية


ستجدين انك ستكتسبين الكثير الكثير منهم بما يخص
اتخاذك للقرارات والثقة بالنفس اكثر ..

تميلين الى حب الالوان


شخصية كثير ما تعيش في ذكرى ماضيها القديم

وتتذكر لحظاتها وتعيشها بكل عواطفها


خياليه الى ابعد الحدود


شخية تستطع انجاز امور كثيره ..

وتحب الحديث عن ما توم ه من انجازات ليس من باب الغرور انما الفرحة التي تغمرها

تحب مشاركة من حولها ها

تحب الاهتمام بمظهها وتانها

حساسه

احيانا تكون ذكية للغاية وتارة تجدين نفسك لا تعرفي حتى ان تتصرفي بامور بسطة


ترتبكين بسرعه


وتشعرين بالخوف بسرعه

تحبين التشجيع ..











هذا والله اعلم ..


ان وفقت فهذا فضل من الله وحده .. وان اخطأت فمن نفسي



حفظك الرحمن

فديييييتج والله تسلميييين لي