فزعتكم عشاان دولتنا يالربع ...
فزعتكم عشاان دولتنا
السلام عليكم
نبا فزعتكم يالربع عشان انسوي اكبر علم للدولة في العالم بالسيارات عشان ندخل موسوعة جينيس للأرقام القياسية ..
حالياً البرازيل غالبتنا بـ 460 سيارة وداشين الموسوعة
وعسب نكسر الرقم القياسي، لازم نتخطى 500 سيارة ونحن محتايين 100 سيارة لأن الي موجود 400 سيارة
اللي عنده اكثر عن سيارة، يوقف سيارة في الحدث او أي حد وده يشارك معنا وجي هو ساهم معنا في انجاح الحدث
المطلوب بالضبط:
1- تسجيل السيارة في نادي الشارقة للسيارات القديمة.
2- جلب السيارة الى النادي في موعد اقصاه غدا الخامسة عصراً (واللي يبغي وينش، يخبرنا)
السيارات بتكون في حوزة النادي (داخل سور النادي يعني بأمان) إلى مساء الاول من ديسمبر
بإمكانكم اخذ/ استرجاع السيارات ابتداءا من صباح يوم الثاني من ديسمبر
لجنة وحكام موسوعة جينيس بيتواجدون يوم الاول من ديسمبر ويكون التصوير الجوي عصر نفس اليوم ويكون المجال مفتوح للجمهور للتصوير مع العلم المكون باكثر من 500 سيارة
ما عليكم امر انشروا هذا الخبر لانه نداء وطني وكل اللي يشتغلون في هذا المجال متطوعين يسهرون ليل ونهار لإنجاح هذا الحدث وتقديم الهدية للدولة
اخواني نبا الكل يشارك حريم ورياييل .. شباب وبنات الكل بسيااارته عشاان دوولتنا الغالية
رد: فزعتكم عشاان دولتنا يالربع ...
[align=center]
يا جماعة ترا الموضوع جاد وعاجل
[/align]
رد: فزعتكم عشاان دولتنا يالربع ...
أضمن لك من صوبي قروب ستيشان مايقارب 50 سياره وتووكل ع الله
وان شاء الله بنتواصل معاك على الرقم
ودمت بالف خير اخوووي
رد: فزعتكم عشاان دولتنا يالربع ...
روووووووعه الفكره كـــــل عـــــــــــــــام و انتـــــــــــي بخير يا بـــــــــلادي كل عام وانتي بخير يا دار زايدكل عام وانتي بخير يا أرض الكرم و الضيافةكل عام و انتي بخير يا اماراتي الحبيبة
رد: فزعتكم عشاان دولتنا يالربع ...
اقتباس:
المشاركة الأصلية كتبت بواسطة الظلم ظلمات
أضمن لك من صوبي قروب ستيشان مايقارب 50 سياره وتووكل ع الله
وان شاء الله بنتواصل معاك على الرقم
ودمت بالف خير اخوووي
يا سلام عليك ...
في انتظار تواصلك الغالي والموضوع في غاية الأهمية
رد: فزعتكم عشاان دولتنا يالربع ...
اقتباس:
المشاركة الأصلية كتبت بواسطة شباصة منقصة
روووووووعه الفكره كـــــل عـــــــــــــــام و انتـــــــــــي بخير يا بـــــــــلادي كل عام وانتي بخير يا دار زايدكل عام وانتي بخير يا أرض الكرم و الضيافةكل عام و انتي بخير يا اماراتي الحبيبة
الفكرة مطبقة وعندنا 400 سيارة
كل عام وانتي بخير يا بلادي
رد: فزعتكم عشاان دولتنا يالربع ...
الله يسهل ان شاء الله^____^
