وين انت ياللي كل ماقلت وين انت ؟ ... حتى السؤال يقول وين الإجابه
عامين ضايق وانت لليوم ما بنت ... في حالتي بين الحزن والكآبه
لوشنت في عيون المخاليق ماشنت ... في عين من حبك سرابه
لولا الغلا ياصاحبي ماتمكنت ... صدر من الهجران صاير خرابه
عود علي وانا اترياك لاهنت ... الحال واحد والظروف اتشابه
واذا سألت اتحبني قلت لي كنت ... وانا ابتسم من باب حب الدعابه !
وان خنتني اعلم ترا مابعد خنت ... الا معك لكن خونة ذرابه
خنتك مع طيفك بعد ماتيقنت ... انك علي بعدك الثرا والسحابه
اكبر خطا محبتك وانت ماصنت ... حبن يخلده المشيب لشبابه
تدري وش يغيض الرجل في هوا البنت ... انه يعيش بواقع (ن) مادرابه !
لكن انا وشو انا وانت ويش انت ... هذا السؤال اللي يبيله اجابه ؟ !!
