طفلـﮧ تخآطب صۈره بآبآ زآيد ..}~

بسم الله الرحمن الرحيم

السلام عليكم ورحمة الله وبركاته

رسالة طفله الى بابا زايــــد ،،

حبيت أنقل لكم رساله حزينه ،هذي الرساله لطفله تخاطب بها الشيخ زايد بعد وفاته رحمه الله ...في هذي الرساله تنقل لنا الطفله مشاعر كل طفل بل وكل إماراتي تجاه أبونا رحمة الله عليه ...

الرساله :

بسم الله الرحمن الرحيم

بابا زايد أنا أحبك ،بابا قالوا إنك سرت عنا وما راح ترجع ولا راح تكلمنا ولا تسمعنا ولا تعلمنا ،بس بابا أنا أحس إنك تسمعني ،أنا أدري ومتأكدة بعد، إنت بس راقد عند الله في الجنة لأنك مسلم طيب تساعد المسلمين وتحب الأطفال والمسلمين وتحب الفقراء والأيتام ،وما تحب تشوف أي أحد يبكي ويتألم ،لأنك حنون مثل أمايه وأكثر بعد منها ،حبيبي باباه والله راح أذاكر،راح أحل واجباتي وراح اقرى الدروس، أحلف لك راح أصير أحسن مهندسه لدولتنا الإمارات العربية المتحدة عشان أخليها أحلى وأحلى وأحافظ عليها مثل ما إنت تحافظ عليها ،بابا راح أسمع كلام امايه وابويا والمس عشان لما اشوفك في الجنة برمسك عن إلي سويته للإمارات الي تحبها ،بابا ليش رحت عنا راح
أغني لمن؟ وأرسم صورة من؟ وأبوس من؟ ،أنا ما اعرف أرسم شي ثاني غير صورتك ولا اعرف اغني إلا اغاني عنك ما حافظه شي ثاني ،باباتي إرجع الله يخليك إذا ماراح ترجع إخذنا معاك إحنا نحبك ونباك تكون معانا ..
بابا تعرف شو سويت بيوم الجنازة ؟ رحت أصلي مع ماماه ونقرى القرءان في المسجد علشانك ،ماما قالت لي إنت تحب الأطفال إلي يقرون قرآن علشان جيه أنا كل يوم راح أقرى قرآن ، وقالت لي بعد الي ينام مبجر يحبه بابا زايد بس أنا ما قدرت أنام عشان قالو لي انك رحت عنا ،يلست أفكر وأفكر وايد لين ماتعبت ورقدت وحلمت إنك معانا تضحك وتلعب وتلون معانا ،حتى سألتك وقلت لك بابا إنت مو ميت ؟ قلت لي لا أنا معاكم أنـا أحبكم ، كيف أتركم ؟...

بابا الحين بسير أذاكر وبرمسك باجر ..مع السلامه.....

رحمك الله يا فقيد الامه .... يا فقيد اللإسلام والمسلمين

نقلت لكم هذي الرساله ... لأنها أصدق كلمات من أطهر قلوب البشر

... وهم أحباب الله ...

الأطفال أحباب الله

م.ق

[mark=#000000]

ۈآلله صيحتني ڪَلمآتهآ ●● يآلڛـﮧ آقرآهآ ۈآدمۈعي تنزل علـﮯ خدي ●● آلله يرحمڪَ يآ بآبآ زآيد ۈيغمد رۈحڪَ آلجنـﮧ ●●

[/mark]

( Love-s )
كلمات الشكر قليله في حقج
نقلتي لنا أجمل رساله
كفايه أنها تحمل أسم زايد ( رحمك الله يا زايد )
لا يسعني هنا
الا أن اسجل أعجابي فيما طرحتي
لج كل الشكر



وقفه!!!
اللهم أرحم جميع أموات المسلمين والمسلمات

اقتباس:

---

المشاركة الأصلية كتبت بواسطة فاقد انسان

( love-s )

كلمات الشكر قليله في حقج
نقلتي لنا أجمل رساله
كفايه أنها تحمل أسم زايد ( رحمك الله يا زايد )
لا يسعني هنا
الا أن اسجل أعجابي فيما طرحتي
لج كل الشكر



وقفه!!!
اللهم أرحم جميع أموات المسلمين والمسلمات

---

●● تڛلم فآقد آنڛآن ع آلمرۈۈر بصرآحـﮧ مبدع في ردۈۈدڪَ علـﮯ جميع آلمۈآضيع ●●