بسم الله الرحمن الرحيم الحمدلله رب العالمين والصلاة والسلام على خير الخلق اجمعين سيدنا محمد صلى الله عليه وسلم وعلى اله وصحبه اجمعين اما بعد
انا دائما احب اشتري اغراض البيت واتسوق في الجمعيات وكارفور وادور دائما الاغراض اللي عليها جوائز مب بخل بس مجرد هوايه واذا كان الغرض ما يسوى اصرف عنه نظر
وكنت دائما ادور وين يسوون سحب يعني كوبون مسابقه اشتري واكتب الكوبون واحطه في الصندوق الدوار وانتظر لين السحب ويوم السحب يعلنون الفائز ولا راجو ولا ادور ولا ميشيل ولا مرة شفت اسم خميس ولا سعيد ابدا
المهم مريت مره عند مركز اللولو من زمان مسوين سحب على سيارة صني قمت واشتريت اغراض محتاجنها فعلا في البيت مب علشان السحب بس هالمره اشتريت وايد فوق ال5000 درهم وعطوني كوبونات وايد كتبت فيها كلها اسمي الا واحد كتبت عليه بابو مير شاشي هول وطبعا هذا اسم الهندي مالي اللي يطلع وياي البحر وحطيت رقم جوازه بعد وتصدقون انه فاز بالجائزه وعطيته من قيمة السيارة نسبة 1%
وتعلمت من يومها ما اكتب كلمة مواطن او الجنسية الامارات لانهم ما يفوزونا ويدورون ربعهم
في المطار وانا مسافر كتبت على الكوبون مازن احمد بصطويسي وهذا مدرس عندنا وتصدقون فاز وخذت انا الجائزه
ويوم كانت مسابقة دبي للتسوق والجائزه لكزس اشتركت ويا الهندي مالي انا ادفع ثلاث ارباع وهو ربع وبعد فاز باسمه
واخيرا سرت اشتري تكرمون نعل للعيد لعيالي قال الهندي اللي في اول السوق محله قيمت النعال الوحد 250 درهم حاولت انزله ونزلته لين 170 درهم بس اكتشفت اني ناسي فلوسي في اللبيت خليته وسرت اييب الفلوس ومريت على الصندقه على البحر حصلت الربع قاعدين قعدت وياهم وطرشت الهندي مالي وياه عيالي لين السوق اشترى النعل ويا بس السعر 100درهم للنعال وعجبي
