من أي نمط أكوون !!!

السلام عليكم ورحمة الله وبركاته
شحالج إمرأه لن تنسى

في موضوع نزل ومثبت بخصوص بوصلة الشخصيه
والموضوع مغلق ف نسخت الاسئله وكتبت اجوبتهن عل وعسى تخبريني من أي نمط انا
وإذا عندج رابط ل موضوع عن نمط هالشخصيه ياليت تحطينه واكون لج شاكره
وإن شالله ماكون طولت عليج ..
نبدا بسم الله

1/ من انت ؟ صف لي نفسك ؟
انسانه متواضعه وأشدد على هالكلمه بس احب المديح ومزاجيه واحب الصعب
احيانا احس اني متناقضه مثلا ابا الشي وبنفس الوقت ما اباه
اباه لسبب وماباه لسبب آخر والنتيجه اضيع
المهم
وايد امسك اعصابي وهالشي يعطي للناس فكرة اني بارده
وانا والله من داخلي بركاااااااان ثاااائر واحترق من داخلي ف اليوم عشرين مره
وطيبه وايد ومرات اصير متوحشه لما انفعل بشده
والشي اللي مايرضيني او الكلام اللي مايعجبني اسكت عنه ما ارد على بالهم اني ساكته يعني راضيه ماخذينها من مبدأ السكوت علامة الرضا
لكن انا العكس يوم يرضيني الشي ارمس واتكلم ويوم يزعجني الشي طبعن سكتم بكتم
غير الناس انا

2/ ماهي هواياتك ؟ وعلى ماذا تطرب وتسترخي ؟
أحب المطالعه وتستهويني المواضيع اللي تندرج تحت مسمى علم النفس
واحب اقرا روايات وكنت احب الرسم بس مليت منه ههه
واحب استكشف وأطّلع على كل جديد
وودي أتمشى ع البحر الساعه 4 الفير بس ولا مره صار لوول
استطرب على زقزقة العصافير عدال الدريشه كل صباح ههه
واشعر بالاسترخاء وقت الضحى والشمس تنور نص الحجره واصوات العصافير ياسلام احب هالجو خصوصا لما الجو دافي وفيه نسمات عليله تداعب خصلات شعري القميل ههه آخ حسيت بالراحه وانا اتخيل المشهد
> ولا يخصه بالسؤال (آووووت)
وصوت الشيخ سليمان العتيبي بمجرد اسمع تلاوته احس بخشوع وراحه نفسيه

3/ هدفك في الحياة ؟
لو اقولج للحين ماعندي هدف وعايشه على احلام فقط بتصدقيني؟
هو ف خاطري اصير محققه شرات المحقق كونان استكشف ابحث ادور الادله أأشر ع القاتل واقول هذا الفاعل هو انت شرات كونان يعني ياربي حلم ما اتصور اني بوصله
جاري البحث عن اجابه
وعلى فكره احب الشي لما يضيع مني تدرين ليش؟ لأني اقعد ادور عليه
احب البحث حبا جما > شعندج ياخي !؟

4/ هل لديك الثقة الكافيه بنفسك وبقدراتك ؟ ام انك لديك بعض من التردد في اختيار امورك القرارية ؟
لا والله ماعندي الثقه الكافيه ههه
اتصور اني من الصنف الثاني (متردده)

5/ جريء / ام حيوي ؟
احيانا اكون جريئه واحيانا حيويه واحيانا ماعرف شوووه فيني من كل شي حبه
مثل مايقولون لكل وقت أذان يعني على حسب الموقف

6/ كيف هو النظام في حياتك ؟ هل تجد نفسك انسان منظم ودقيق وتحب الترتيب ؟ ام انك انسان مرن وعفوي ولا بأس لوجود الفوضى احيانا في حياتك ؟
مرات استانس ع الفوضى من اشوف فوضى ارتاااااااااح خصوصا حجرة اخوي وخاطري اسكتشف المكان خخخ احس اني ف مغامره
بس بعد احب الترتيب والنظام
قلت لج متناقضه
بس على فكره انا ما اقصد التفتيش يعني انبش ف خصوصيات الناس لااا وألف لااا مافيني هالطبع اصلا
بس احب استكشف مثلا لما اشوف فيلم مجموعه رايحين يسكتشفون جزيره والله اني امووت قهرر ابا اكون وياهم

7/ كيف ينظر اليك من حولك ؟
اللي مايعرفني يقول خقاقه وشايفه عمرها بس ليين يتعاملون معاي يغيرون نظرتهم لي
طيبه وهاديه بس لمن اتعود عليهم تالي اصير دفشه
وماحب اللي يتلصقون اموووووت ع اللي يطنشون
ومطنشه > لقبي ايام المدارس
ماحب اجامل واحيانا صراحتي تضايقهم

8/ الامر الذي يؤلمك اكثر في الحياة والذي يفرحك ؟
اااااااه كم اكره الظلم
اموووت غصه لما اشوف ظلم قدامي او حتى لما انظلم
سحقا للظلم ولمن يظلم
عاد انا يوم انظلم مادافع عن حقي اتم ساكته لاني خلااص منهااره وبصييح
بس اتم محترررررررررقه من داخلي ولا انسى هالشي لو بعد عشرين سنه
اسامح بس ما انسى
والشي اللي يفرحني ممم وايد اشيا تسعدني فالحياه
يوم اشوف حد مستانس وفرحان ويشارك غيره فرحته والله اني افرحله وكأنها فرحتي
وأرتاح لما اتقرب من ربي اكثر احس اني اسعد انسانه

كلمه اخيره
في شي اكرررهه فيني وودي اغيره
مثلا احط الشي ف راسي وإلا ابغيه واوصله
واحاول فيه لين اييب راسه .. وليين اطوله ويكون في يديني
امل منه واعقه المهم وصلت له خلاص مابيه وادور ع البديل

وبس !!