ليت بعض الحزن مثل الليل ساري ْ

الهدوء

للاستمآإع ..

http://www.youtube.com/watch?v=biXPx...eature=related

-

الهدوء اللي صداه يهزّ صالة = مايهزّ اللي على الشمعة يداري
صاحبي .. شفْ صاحبك مشغول باله = لاتكلّمني لكنْ أجلس جواري

أبغي أكتب نور وادخل من خلاله = دامني شفت النجوم تنير خاري
كل شاعر تنعرف قوّة خياله = حين يتلبّس صور من شيّ عاري

آتدثّر بالشعر والشعر حالة = تعتريني هاجس، وضيقة، وطاري
انتشي معها إلى حدّ الثمالة = وافرش الدنيا أمل واتبع مساري

ابتسم لكن حشى ماني بـ داله = كم حضنت الجرح واخفيت انكساري
برد فقدي ما يدفّيه اشتعاله = كالجسد يبرد لو أنّ الصدر واري

يسري الليل ويجي صبح ٍ بداله = ليت بعض الحزن مثل الليل ساري
رغم هذا شفنْي بخير وسهاله = أُوصل أحساسي إلى سامع و قاري

صاحبي.. حتّى الشعر يحشم رجاله = لاحْشموه اللي بهم يقدر يماري
إن عطاك الله فكر واسع مجاله = كون متفائل من تعزّم تباري

لي رسمت الغصن لا تنسى ظلاله = أمّل متابعك بابْداع ٍ حضاري
أفتح أبوابك .. عدا باب الجهالة = خلّه مخصّص لحالات الطواري

يستوي مرّة تزوره بالعِماله = يعني أدوّر عن اللي عنْه داري
حاول تقول الذي ماحدّ قاله = وان سبقْك اللي سبق حاول تجاري

انتقل بين التفرّد والجزالة = وانتقال المبدع يكون اختياري
كلّه يهون لهدف كسْب الجمالة = وانت ضاري تكسب وصاحبك ضاري

وسلامتكم ..

ماشاء الله الكلام وايد حلو
تسلم ايدج اختى على هذا الاختيار

الله يسلمج ع مرووورج الطيب ..

مشكورة الغالية ..
ويعطيج العافية على ردج الطيب
لج ودي

ماشاء الله

مشكوره ع مروورج