ياعين كفي الدمع ...

يا عين كفي الدّمع مني ولو يـوم *** صبري على مر الدهر لو شقاها

متر الدّمع ياعين وصلج لغيوم *** غيم ٍعلى غيمٍ يعتم سناها

عيّيت من شكواج في ساعة النوم *** نومٍ يشوق ناظري في كراها

لو ييت أخفـــي ما بدا لـج فلا روم *** منـج تناثر وابل الدمع ماها

حتى وبرّ الصــبح نشّيت مغــموم *** أنادي على من كان سبب بلاها

بلا من بلاني بالعمر خط مرسوم *** رسم المسجل في الصدر ما محاها

أنا بـــوده صــابــرٍ بالــدهــر دوم *** دومٍ على دومٍ وروحي فداها

هـذيج أوقـــاتٍ مع الخِلّ محـــتوم *** مرّت كما برقٍ لِمع في سِماها

ترّك لي من الفرقا شومٍ على شوم *** كما رسمٍ وسم دمي في دماها

طونّه خيوط الدهر صار مبروم *** برم السّدي لي وثقه في سداها

يا عين كفي وافهمي الحظ مقسوم *** جسمه من المولى يبرّي براها

لابد إتيي لوقات تصدقج لو يوم *** وتشفي جروحج قطرةٍ من دواها

لا داوي بها روحي من غير مفهوم *** لو كان بشرب حنضل البرّ ماها

لذيذ ٍعلى جبدي خافيٍ ومجـــتـــوم *** تَصفي ولو تدلَخ عليّه صفاها

عسى الله ياعيني لج الحظّ مقسوم *** مع احباب واصحاب يجرب خطاها

هذاك وين النّفس ترتـاح يا قـــوم *** قــومٍ من الضّيفان يردوا ثناها

ياعالي الخود واسمك عالي ٍ دوم *** واسمك بفعلك معترٍ في نداها

عسى الله يجمعنا على خير لوسوم *** نفرح بشوفج مع جديدٍ لفاها

يا عين كفي الدمع مني ولو يوم *** صبري على مر الدهر لو شقاها

متر الدمع يا عين وصلج لغيوم *** غيم ٍ على غيم ً يعتم سناها




مع خالص تحيااتي القلبيه ..


الأميرة الحسناء ..

كلام جميـــــــــــــــل اختــــــى احسنتى الاختيار..

شكرا لحضورك الادبي والرد الراقي ..
دمتي بحفظ الرحمن ورعايته ...