ياقلب لاتكثر عليه طواريك 00

ياقلب لاتكـثر عليّه طواريك
جنبت عني النـوم يالقلب وش فيك
مرات حاديني ومرات حاديك
وأنا احسب إنك تحت الأحكام صبار
ونبغاك تصبر تحت حكم الزماني


إصبر ولو جارت عليك الجواري
مـادام مـن فـوقي تهب الذواري
الورش ينبت في يبوس الشجاري
يحي يبـاس العود همـال الأمطار
يطيب المريض إليا نواه الأواني


الصبر زين وفيه للرجل ثنتين
يكسب جميل ويقضي الحـق والدين
وليا لطمت الحق تبتدمع العين
إحرص على عينك وخذها بالإبصار
ولاباقي إلا الله والعمر فاني


يافارج الكربات ياعالم الغيب
أونـس بقلبي صـار مثل اللواهيب
ولا بِيا إلا فزعتي والمواجيب
علم على الرجّـال مـافيه معـذار
وأخاف ان عشريني تعوّد ثماني


لاحانت الرحله وحان الرحيلي
طالبك ياراعي الكــرم والجميلي
ضاقت بي الحيلات وانهد حيلي
وأنظـر بعيني يمة الأهـل والنار
وريقي نشف ماعاد يلحق لساني


صاح الولد والبنت وأم العيالي
وانحط نعشي في جنوب الرجالي
وأمسيت في حفره غريب لحالي
مفارق الأصحاب والأهـل والدار
وهالوا عليّه حفرتي في ثواني


أقفوا وخلوني غريب وحيدي
لاأدفـع برجليّه ولاادفـع بالأيدي
وجوني اللي يسحبون الرصيدي
ويبين راس المال مكـسب ومخسار
سيال وجواب وبعدها علم ثاني


يـارب ثبتني بقـول الثباتي
وبكـلمة التوحـيد تنطق شـفاتي
وأرحم حياتي ثم ترحم مماتي
ياواحـدا دايـم على الخلق ستار
تبدل لنا سياتنا بالحساني

</i>







تحياتي الأميرة الحسناء ..

اختيار حلو اختى بالتوفيــــق

تسلمين اختيه

اشكر وجودج المستمر هنا
لج مني فائق التقدير ....