ياللي تقول الشــــوووق شمسك وظلك ..

ياللي تقول الشوق شسمك وظلك

هذي عيوني شوف وش يعني الشوق

مقفي ولاهي وانت باقي محلك

بين الحنايا ماتبدلك العروق

كم غبت والخفاق كم إستدلك

منور مكانك دايما فالسما فوق

لو جفت الاشواق قلبي يبلك

واعطيك من عيني غلا حب مرفوق

سمتني الايام يازين خلك

خليتني بفرقاك حاير مع الموق

أشتاق لك وان جيت قلبي وطن لك

ياللي مثل هيبتك ماشفت مخلوق

أصبر وصبري حب مايوم ملك

أشكي طيوفك واتصبر على العوق


وأقول باكر يمكن الشوق دلك

تطفي لهيبي وصل ومعانق وذوق

أحسك ذخرن فالصعايب أسلك

ويموت عذالي من رضاك واتوق

غالي ولو تبعد وقولي وصل لك

وانته بكيفك وأحسب الوضع برفوق


ياللي الحنايا في غلاك أشهدن لك

ماشفت في بعدك على أيامي شروق

أقرب تعال وشوف وينه محلك

لو طال بعدك ماتبدلك العروق



تحيااتي الأميرة الحسناء..

ياسلاااااااااام رهيب

اقتباس:

---

المشاركة الأصلية كتبت بواسطة نبض انسان

ياسلاااااااااام رهيب

---

الله يسلمج ومشكوره على الحضور

دمتــي برعاية الله ...

ما شاء الله عليج اختي الاميره على هالاطراء الجميل

بارك الله فيج

ولا تحرمينا من اجمل خواطرج

اقتباس:

---

المشاركة الأصلية كتبت بواسطة عاشق الطقس

ما شاء الله عليج اختي الاميره على هالاطراء الجميل

بارك الله فيج

ولا تحرمينا اجمل خواطرج

---

تسلم على الاعجاب بالكلمات لاهنت

اسعدني حضورك وبكل تاكيد ...

انتظر وجود قلمك فالمرات القادمه باذن الله ..