بــقــلــمــي. الــعــشــق الــمــمــنــوع

السلام عليكم ورحمه الله وبركاته

لازم تذوق الذل وتعيش مكسور هذا وعد مني مادمت انا حي ولو بعت لي عمرك ماقلت مشكور لانك بعيني كلك ولا شي!!

ينهمر شلال حبر قلمي من جديد لكتابه قصه حقيقية حصلت في أحدى مدن الدولة قصة عشق أبكتني كثيراً

نوره : ماماتي حياتي حبيبي والله ممكن تعطيني سبع ألاف درهم

الأم : نوروه تراج وايد زودتيها طلباتج ما تخلص أنتي بعدج صف أول ثانوي وتبين سبع ألاف جيه تخبلتي

نوره : ماماتي والله حرام عليج أبا أشتري فون وايد عايبني

الأم : الحمد الله والشكر شوه بعد مبايل بسبع ألاف الله يحفضنا بس

نوره : ماماتي والله هو سعره جيه لو سمعتي عنه الفون نوكيا جيفوريا

الأم : سمعي نوروه جيفوريا ولا غيره أنا ما موافقه أنج تشترينه لو شو تسوين

نوره : عادي ماماتي برايج باباتي ما راح يردني أدريبه يحبني

الأم : والله يا نوره عمره الحب ما كان الي يعطي فلوس أكثر الحب غيرعن الي فاهمتنه أباج تفهمين ها الشئ

نوره : لا ما أأيدج بكلامج لأنه الي يحب حد لازم يلبي له كل طلباته

لحظة ويدخل والدنوره عليهم

أبونوره : السلام عليكم ورحمه الله وبركاته

نوره : وعليكم السلام , هلا وغلا . في باباتي غناتي حبيبي كل دنيتي والله

الأم : حشى , حشى أنتي وين تيبين ها الكلام الحلو والله أنتوا ما خربكم غير هاي المسلسلات التعيسه الى يحطونها لكم بالتلفزيون

نوره : لا يا ماماتي التلفزيون ما يخصه هذا إحساس قلبي الصادق لباباتي حبيبي

أبو نوره يضحك : نوره حياتي أمريني فديتج أكيد تبين شئ بنتي وعارفنج أمريني أنتي بس

نوره : باباتي عيوني والله محد فاهمني بالدنيا غيرك أنت بس

الأم : خلني أقوم من عدكم لو يلست البنت بتخبلني والله

نوره : زين ماماتي برايج خليني أيلس أنا وباباتي حبيبي روحنا أحسن بعد

الأم : أستغفر الله العظيم و أتوب أليه الله يهديج بس يا بنتي

أبو نوره: ها حياتي نوراي أمريني شو تبين

نوره : باباتي أبا سبع ألاف درهم عشااان

والد نوره يقاطعها : أفا عليج غاليه يا نوره و الطلب رخيص ما يحتاي تقولين ليش لأني عارفنج بنتي كل الي تسوينه صح

نوره : فديت روحك حياتي والله حبيبي ابوي خاطري بس أتزوج ريال مثلك كريم

أبونوره : شو بعد الريال موجود خلاص مخطوب لج ولد عمج عزوز شو بعد لايكون تغيرين رايج وتفضحينا ويا الناس من يوم كنتوا صغار معروف نوره لـ عبد العزيز و عبدالعزيز لـ نوره

نوره : أوكيه باباتي بس أتمنى أنه يكون يستاهلني

أبو نوره : لا يا بنتي يستاهلج ولد أخويه أعرفه مافي منه بس أنتي شدي حيلج بدراستج و إنا شاء الله ما يصير غير الخير

نقطة من بداية السطر

عبدالله أخوا نوره : عزوز وين ساير يا ريال تونا يالسين

عبدالعزيز : عبوود والله أني تعبان بروح أرقد ما فيني حيل خلاص منتهي البطاريه مفضيه

عبدالله : حسستني ياريال تراك ماأعرف شو مسوى كله ألا يلسه و طايح ترشني جذب

عبدالعزيز : هع ويا ويهك يا عبود أنا الحين جذاب بذمتك

عبدالله : هههه ولا يخصه أسولف تدري فيني أسولف متى بتفهمني بس ما أدري

عبدالعزيز : أكيد انا فاهمنك أفا عليك ولد عمي يا النسيب انته

عبدالله : كل تبن عزوز يالله يمكن أنا ما أوافق لا تصدق عمرك

عبدالعزيز : والله تخسي تباني أموت أنا أتزوج غير نوروه أنته صاحي

عبدالله : عزوز والله أذبحك تدري فيني كيف أحب نوروه و ما أرضي لها

عبدالعزيز وهو يبتسم : أقولك ترا مب أنته الوحيد ألي تحب نوروه كلنا نحبها

وبهاي اللحظة عبدالعزيز يشرد لبرا ويركب موتره و عبدالله يلحقه

عبدالله : معليه يا عزوز وين بتروح مني

نقطة من بداية السطر

تلك هي حياتنا أشبه بالقصه دائماً ما تكون بداياتها جميله و لكن لم نسأل أنفسنا يوماً عن نوع نهايتها و اكثرها قاتله

للتذكير : ليس كل ما أكتبه يمثل شخصيتي أو حالتي النفسية أنما هي فقط مجرد خواطر و كتابات تنبع من هواياتي لا غير

لست بهذا الغرور الذي لا يطاق و لست الرجل المتكبر الذي لا يعجبه شئ كل ما في الأمر أن طهري و نقائي يختلف عن بقية الرجال لذلك لا أحد يستطيع فهمي سوى القليل من البشر و لربما العدم ..!

مر من هنا

سري للغاية

يتبع الجزء الثاني

الجزء الثاني

انت في دنياك لاهي وعن حبيب القلب ساهي التغلي مو تباهي حس في شوقي وتذكر

شيخه أخت عبدالعزيز : ها عزوز أشوفك كاشخ وين رايح

عبدالعزيز : ولا شئ بس جيه أنا من يوم يومي كشيخ

شيخه : طالعوا هذا صدقني عيل ولا يخصه لا تصدق عمرك يعني يا عزوز أنا أصلاً أمزح معاك

عبدالعزيز : شيخوه فكيني من خبالج مب فاضي لج أنزين

شيخه : وليش إن شاء الله شو الي شاغل بالك ؟

عبدالعزيز : فـ غيرها غناتي نواري شاغله بالى

شيخه : والله عزوز من صدق أنته ما عندك سالفه نوروه صح حلوه وايد وما عليها كلام بس صدقني ما تنفعك دلوعه حيل هذي ما تعرف تسوي كوفي يعني افهم هي مب حرمه بيت

عبدالعزيز : انتي ليش تغارين من المخلوقه لأنها أحلى عنج

شيخه : تخسي عاد ويا ويهك صدقني كرهتك

عبدالعزيز يضحك : أفا والله شواخي فديتها أنا أنتي الزين والحلاه كلها متيمعه فيج

شيخه : جب جب الحين عاد اونه تجاملني

عبدالعزيز: والله ما أجاملج يا شواخ أصلاً أنتي ألف من يتمناج و ربيعي طروق دومه يلمح لي انه يباج انا اسوى له طاف اسوى عمري ولا فاهم

شيخه : شووووووووه طرووووق لا هذا مينون ما اباه

عبدالعزيز : الله يخليج تراج انتي العاقله الطيور على اشكالها تقع هع

شيخه : عزوز لا تتفلسف جد بكرهك

عبدالعزيز : بس يا بنت الناس انتي ما تتحملني السوالف يالله أنا الحين بطلع بيمر علي طروووق

شيخه : وين بتروحون ؟

عبدالعزيز : أنتي شلج ليش دازه فيسج لا تعالي ويانا أحسن ربيعنا مره وحده غصب تبين تستوين من الربع

شيخه : سوري ما أتمشي ويا ميانين

عبدالعزيز يضحك : أوكيه يا العاقله خلج بالبيت أنثبري هههه

نقطة من بداية السطر

عبدالعزيز: هلا وغلا بو طرجي

طارق : هلا ومب غلا يا بوعزيز

عبدالعزيز : هع ويا ويهك عاد ما تيوز

طارق : أنا أيوز عن كل الناس الا منك ما أيوز يا عزيز

عبدالعزيز : وين الوجهه اليوم

طارق : فيه غيره دبي مول طال عمرك

عبدالعزيز : والله يبتها فوقه عيل

طارق يطول على المسجل ويرحون بأتجاه دبي مول

نقطة من بداية السطر

عبدالله : يالله نواري تراج وايد تأخرتي حسي فيني فديتج

نوره : صبر عبوود عاد خلني أكشخ شوي

عبدالله : نواري حبيبي عيوني أنتي الحين كبرتي خلاص الستر ترا زين ودري عنج هاي الخرابيط لأني بجد أنقهر

نوره : عبود عن المصاخه نحن سايرين دبي الحين منو بيعرفنا

عبدالله : لا يحبيبي انا من متى اهتميت بالناس

نوره : انزين خلاص مدام ما تهتم بالناس لشو تتفلسف عبود

عبدالله : يا حبيبي يا نواري انا ما اهتم لناس صح بس اهتم وخاف من رب الناس انتي شو تبيني اكون ديوث يعني

نوره : لا والله يا عبود افا لا تقول جيه انته اخوي حبيبي

عبدالله : نواري انتي تعرفين شو عقوبه الديوث صح

نوره : أدري ما يدش الجنه ولا ينظر الله له يوم القيامه

عبدالله : يعني ترضينها لأخوك أنه يدش النار

نوره : لا والله يا اخوي الله يجمعني وياك بالجنه اللهم أمين انا اسفه سو مج

عبدالله : فديتها أنا والله دلوعتي الي تفهمني على طول

نوره : تربيتك طال عمرك ههههه

نقطة من بداية السطر

طارق مع عبدالعزيز في دبي مول يتمشون وعايشين الجوا

طارق : عزوز مب هذا عبود ولد عمك

عبدالعزيز : وين ؟

طارق: هناك على اليمين

عبدالعزيز : هي والله

طارق: أطالع منو وياه وحده حلوه موت

عبدالعزيز معصب : والله لو واحد غيرك كنت جتلته يا حيوان هذي خطيبتي

طارق : منو هذي نوره بنت عمك والله سوري أسف عزوز والله ما ادري يب راسك بحبه

عبدالعزيز : بس خلاص انطب سامحتك سوا عمرك ما تشوفهم

شوي وعبدالله مع نوره يشوفون عبدالعزيز وطارق ويبتسم عبدالله لـ عبدالعزيز

نوره : منو ها الي تبتسم له عبود

عبدالله : هذا زوج المستقبل عزوز

نوره : ها عزوز ستوا حلو جيه شكله وايد تغير

عبدالله : نوروه لا تقهريني والله أجتلج

نوره : هع أمزح معاك بلاك انته على طول تفور شو ماكل فلفل هههه

نقطة بداية السطر

ها هي حياتنا و كما قيل رب صدفه خير من ألف ميعاد و لكن يا ليتنا أدركنا أن بعض الصدف سوف تألمنا

يتبع الجزء الثالث

مر من هنا

سري للغاية

الجزء الثالث

غريبة كل حلم يمر في رقادي تزورينه والأغرب كيف احلم الحلم وارجع أحلمه بعدين

قبل يومين شفتج في المنام وقمت من حينه ونمت أمس ورجع نفس المنام إلي قبل يومين

عبدالعزيز : شوااااخ غناتي

شيخه : عيونها

عبد العزيز : ممكن أطلب منج حبيبي

شيخه : أنته تامر أمر يا الغالى

عبدالعزيز : أبا رقم فون نوروه

شيخه : وليش يعني شو تبا فيه ؟

عبدالعزيز : شئ بعدين بخبرج فيه

شيخه : أسفة

عبدالعزيز مكشر : أوك أوك مب مشكله يا غناتي يا عمري أنتي رغم كل شئ بعدني أحبج

شيخه : والله ويا ويهك أونك تقردني هاااا أوكيه أنا بعطيك رقمها بس توعدني يكون لشئ زين

عبدالعزيز : أكيد لشئ زين بلاج أنتي تدرين فيني أني مب لوث هذي عرضي بنت عمي

شيخه : ادري أنزين ولو جيه أصلا ما بعطيك الرقم

نقطة من بداية السطر

مشيت لعيونك على كل ممنوع مدري جنون الحب ولا شجاعه

عبدالعزيز يطرش مسج لنوره : ممكن أقول شئ بس توعدني ما تسألين أي حد عن رقمي

نوره تشوف المسج ومنصدمه وتكتب : أنزين أنتي منو

عبدالعزيز: يشوف المسج : أنا واحد يحبك من يوم طلع للدنيا ولا يروح فكرج لبعيد و تمشكليني أنا ولد عمج عبدالعزيز

نوره : تشوف المسج ومب مصدقه و تكتب : عبدالعزيز مب زين الي تسويه تراني أذكر أني بنت عمك بصراحه صدمتني

عبدالعزيز : يا بنت الناس والله أموت ولا أفكر أني أضرج بس أنا والله ما قادر أتحمل والله أني أفكر فيج ليل نهار و بالأخير ترا أنا باخذج وبتستوين أم عيالى فـ الله يخليج كلميني

نوره : سوري عبدالعزيز أنا ما أبا أخون أهلي وثقتهم لي أنته تدري لو عبود بس درا شو بيسوى فيك

عبدالعزيز يكتب : أدري نورة الي اسويه غلط بس والله ما قادر كله وقتي افكر فيج الله يخليج كلميني تراج انتي جيه ولا جيه بتزوجيني

نوره ترد بمسج : بفكر وبرد لك خبر باجر

عبدالعزيز : على خير بس أتمنى ما تخيبيني

نقطة من بداية السطر

أم عبدالعزيز : شيخه أمي أتصلي في عزوز خليه أي يوديني السوق

شيخه : أمايا عزوز في غرفته

أم عبدالعزيز : غريبه الحين العصر و هو بغرفته مو عوايدع ما يطلع

شيخه : و ليش غريبه هناله الي شاغل باله حليلني أنا محد يفكر فيني

أم عبدالعزيز : شيخه بنتي تعودي من بليس شو بعد محد يفكر فيك نحن يا بنتي نفكر فيك و بأخوج

شيخه : فديتج أمايا الله يخليكم لي يارب

نقطة من بداية السطر

دائماً ما تكون تلك البدايات في علاقات الحب تستطيع أنت أن تقدم على الخطوه الأولى ولكن تذكر لا مجال للرجوع

يتبع الجزء الرابع

الجزء الرابع

ألا يا وقت وين الي على بالي يجي ويروح هذاك الي ملك قلبي وتفكيري وجداني أموت بطيفه ألي لا لمحته تنتشي بي روح أحس أني أذا شفته أني بعالم ثاني

طارق مع عبدالعزيز يتمشون في المول

طارق : يخرب بيتها يا عزوز أسميها حلوه

عبدالعزيز : ياريال مب زين شو تبا فيها

طارق : نعم أنته عبدالعزيز ولا منو

عبدالعزيز : لا طارق الإنسان تيه فتره يتغير مب زين شو يبا في بنات الناس

طارق : أقول عزوز لا تسوى لي فيها جذوب تراك 24 ساعه ماسك الفون ترمس فيه حد ويبين أنها بنت و البيبي مالك قبل كنت كله أشله الحين ولا تخليني أيوده أكيد في شئ

عبدالعزيز : لا طارق هذي خصوصيات تراااا

طارق : الله يرحم يا عزوز من ستوينا ما بينا أي خصوصيات

عبدالعزيز : طارق لا تزعل مني بس كل شئ يتغير والله ما أباك تشل بخاطرك بس فعلاً والله هذا الشئ ما أقدر أقولك أياه

طارق : على راحتك حبوب أنا ما أجبرك على شئ أنته ما تباه , أهم شئ أنه الله لا يب بينا الفرقي

عبدالعزيز : أفا طروق عيل صدقني أنته ما في مثلك بس في شئ مع الأيام بتعرفه وبتعذرني

بهاي اللحظة يرن فون عبدالعزيز

عبدالعزيز : ألو , طارق شوي وبيك

طارق : على راحتك حبوب أنا بتيلس في موكا تعالى هناك عقب ما تخلص

عبدالعزيز : أن شاء الله طارق

نوره : عزوز وين أنته

عبدالعزيز : بالمول عيوني

نوره : اها أقولك عزوز في واحد خاطبني يبا يحجزني أونه من الحين و أبوي رده

عبدالعزيز : شووووووه منو هااااااا وكيف يجرء ويخطبج

نوره : شوه يجرء ما يجرء عبدالعزيز ترا قلت لك أبوي رفضه

عبدالعزيز : بس بعدني منقهر

نوره : هو الريال من عائله غنيه وايد تدري

عبدالعزيز : الغنى غني الروح نوره

نوره : وين ياريال هاي شعارات قديمه الحياه أهم شئ فيها يا عزوز القلوس لأنها هي الي تجلب لك الوناسه لأنه على قولتك غني الروح ما تيبلك فون يديد

عبدالعزيز : لا يا نوره أنتي غارتنج دنياج وايد و الأيام بتثبت لج كلامي

نوره : عزوز ياريال أنا متأكده من نفسي قناعتي طول عمرها بتم جيه ما بتغير

عبدالعزيز : شوت بيني أقولك نوره يالله بخليج بروح للريال مخلنه يالس بالكوفي روحه

نوره : أوكي برايك حتى أنا الحين بروح بشوف أخوي عبود بخليه يطلعني لأني ملانه حيل

عبدالعزيز : أوكي نوره الله يحفضح

نوره بباي

نقطة من أول السطر

أحياناً ليس الحب هو من يعذبنا و لكن من أحببناه من يقوم بذلك الدور بكل براعه

يتبع الجزء الخامس