ماتشتكي ابدا ((مقال ساخر))

68...3/images10.jpgمقال ساخر ,,,,,



هى واحده قريبتى من بعيد …بعيد….وباحاول دايما اهرب من مقابلتها ..ليه؟؟؟

عشان كل ما نقعد نتكلم الاقى الكلام رايح فى سكه مالهاش آخر ..



يعنى مثلا كنا مره كلنا متجمعين وستات العيله بيتكلموا عن اخر اخبار السوق والخضار ال غلى ..

قامت واخدانى على جنب وفضلت تقولى

اه ياختى الواحد خلاص قرف من الغلو ده….ايه الاسعار المرتفعه دى؟؟

انتى فى منطقتكم كيلو اللحمه وصل لكام؟؟

هو على كده فى حد لسه بيشترى لحمه؟؟؟

اصل انا زى مانتى عارفه جوزى كحيان وعلى اده …مانتى عارفه البير وغطاه ..هو انتى غريبه؟؟

يادوبك المرتب بيقضى لنص الشهر بالعافيه وبعدين نقضيها بقى سلف من هنا ولا هنا…

اصل يختى بعيد عنك احنا عيله فقرانه اوى وحالنا يغم…مش عارفه ايه بس النصيب الطين ده؟؟؟

استغفر الله العظيم انا مش باشتكى..انا يختى بافضفض معاكى بس…

اوعى تقولى انى معنديش رضا …لاء …ده الرضا بالمقسوم عباده

واحنا يعنى فى ايدنا ايه ؟؟؟

هانرضى طبعا …

بس الواحد غصب عنه والله ابص هنا وهناك على اخوات جوزى الاقى كل واحد منهم على قلبه اد كده..فلوس متلتله

بالكوم…

اشمعنى بقى انا جوزى ال حاله عدم كده؟؟

يلا بقى نصيب هانعمل ايه بس ؟؟

حاولت اغير الموضوع بقى لانى لاقيته داخل فى سكه مالهاش لزوم…

قولتلها بمنتهى الاستعباط :بس الطقم د حلو جدا عليكى مبروك شكله جديد؟؟

وطبعا انا كده فتحت على نفسى باب مالوش ترباااس

راحت قيلالى: آآآآه دى..لاء ياحبيبتى ده طقم اختى ال ضاق عليها وهو انا معايا تمنه؟؟؟

انا كده كل هدومى شحاته والحمد لله….وحياتك لولا ال عيلتى بتجود علينا بيه كان زمانى لابسه هدوم مقطعه ويبقى

حالى كرب اكتر من ال انا فيه…

عارفه لما ماما بتيجى تزورنى باقولها تجيبى اكلك معاكى..وهو انا هاقدر اتكفل باكلها وشربها ومضايفتها…

ده اكلنا يدوبك بيقضينا بالعافيه وخصوصا العيال …دول ايه بياكلوا ولا ال بياكل فى آخر زاده…

آه أصل دول عيال يختى وما بيعرفوش اللقمه بتيجى بطلوع الضرس إزاى….

وبعدين لاقيتها مسكت ايدى وعنيها برقت كده وقالتلى:خاتم دهب جديد ده؟؟

الله الله ده تحفه اوى تلاقيه بكذا وقدره طبعا…



الفصوص دى اكيد الماظ من ال بنسمع عليه مش كده؟؟

قولتلها لاء والله ده حاجه كده اكسسوار..ده عندى من زمان ..اتفضلى مايغلاش عليكى..

قلبت وشها كده وقالتلى: لاء ياختى شكرا …بس يعنى انا مش بأقر ولا احسد..يعنى متخبيش وتخافى اوى كده وتخزى

العين وتقولى فالصو..

خلعته واديتهولها تتاكد من انه مفيش عليه ختم الدهب …

قلبته فى ايديها وراحت قيلالى:بس شكله حقيقى..تلاقيه غالى اوى عشان تقليد الدهب كده…بكام ده؟؟

قولتلها مش فاكره والله ده عندى من زماااان

راحت مشاوره على الايشارب…ده تحفه…حرير صح؟؟

الحرير غالى مووووت مش زى القطن ابو نكله…وشياكه كده ومنظر عظمه اوى….

انتى الصراحه كل حجاتك شيك اوى….ماعرفش اختى الفقريه ليه حاجاتها ال بتديهالى مش شيك كده؟؟

انا عمرى ما باشتكى ..انا بس بافضفض معاكى …

انا احوليت… ..وقلبى اتقبض…

قريت المعوذتين فى سرى وفضلت اقول” قل لن يصيبنا الا ما كتب الله لنا”

… وانا بادعى ربنا يهديلها نفسها…..

ودا كولوه وهي بتفضفض ليكي

يا ختي !

مشكوره يا حبيبتي على الموضوع الجميل اوي اوي

الله يهديهـــــاااا

والشكووى لغير الله مذلـــــه

انا ما احب اشتكى لحد لانه عادى يوم من الايام ينقلبون ضدى

مي 2 مآ أإحب أإأشتكي لححد ممووووووول ...

يسلمو ع الطرح ...