{..المكتوب..}
انت ماتدري عن الكتوب حاجه
ليه تكدر قلبك وتتعب مزاجه
همك اللي اليوم اتعب نبض قلبك
بكره ربك يرسل اسباب انفراجه
انثر همومك وسلمها لربك
كل ماتحتاج لاتلقاه قربك
استخير وفضفض اللي يحس قلبك
في سواد الليل قم صلي وناجه
لاتنام الليل وفي خاطرك حسره
نام راضي بأذنه لما تصحى بكره
تشرق الاقدار مع انوار فجره
ويصفى يومك من عجاجه ومن غباره
لو تريد اللي تريد الامر بيده
انت تبغى والله يفعل مايريده
يمنع ويعطي ومن يصبر يزيده
ومن صبر يبشر بسعده وابتهاجه
تحميل
{..ياليت..}
ماخلوني في...... كوني
ضايع وحالي حال
ابكي وتهل عيوني...... محزوني
وتبدلت الاحوال
فرقاك اظلم كوني.. عزوني
وصدري حموله ثقال
افضيت انا مكنوني.... بالهوني
موتك سبب العلال
مانلام لو لاموني... مكنوني
صبره يهد لجبال
لك الغلا مظموني.... مصيوني
لو فرقت لاجال
والقلب لك مرهوني.... وشجوني
وذكرك يريح البال
والناس مايدروني.... بشجوني
وأن العنا بي طال
بالضحكه يشوفوني.... ظنوني
سالي مريح البال
والهم بي مسجوني....
وعيوني
جاري دمعها سال
يارب كن في عوني.... كن عوني
وحقق لي الامال
تحميل
{..لاتضيق..}
لاتضيق إن ضاقت الدنيا عليك
خل في صدرك مكان وعيش به
طالع العشر الاصابع في يديك
بين عاشر صبع والاول شبه
كم مضايق يشبهك لاكن يجيك
به بشاشه وإن لقاك تبش به
يمكن اللي فيك يبقى دوم فيك
بس عود حالك ولاتنشبه
كون صابر يوم ربك يبتليك
الصبر مفتاح خير ادش به
وإن غدى الماضي لذاكرتك شريك
كل ماضي مايفيد النبش به
الدموع اللي تخطة وجنتيك
اصبحت تروي لراضي المعش به
ليش تروي هالشجر من مقلتيك
والشجر كله نهايته خشبه
تحميل
{..المعاني..}
المعاني تراها دوم لأهل المعاني
حايزين الموده والصفات الحشِيمه
ودهم حافضينه عن صروف الزماني
ملتقاهم يشرف والنويا سليمه
لا لفيته يرحب وخاطره مرحِباني
بالعوايد الاصيله وبالعهود القديمة
كلمته لِنطقها خذت منه ظماني
للعهود الوثيقه له دلايل عظيمه
الله ياوقت قضى بين التصافي والرضى
ليته تريث مامضى واتعود لي ذيك السنين
القلب ينسى ليعته توشا عروقي فرحته
يهنى وتحلى دنيته والجو لايحلى ويزين
القلب يتشفق*لها ذكرى الليالي و وصلها
روحي الشفوقه علها شوق التذكر والحنين
الفكر للماضي سرى ويعود به وقته وراء
للوقت ذاك وما جرى في داخله سر دفين
اه يامن يشكي اوجاعه من عناه وتبكي عيونه
من خوياً شانت اطباعه وفيه قلبي خابت ظنونه
يوم كنا لإول رباعه والعهد ماهتزت ركونه
ماعرفنا شبدل اوضاعه والوفاء ماصار قانونه
كيف ميثاق العهد باعه
كيف تابع لِيعذلونه
الخوي لاضاعت اسناعه
بان قز عمرنا بدونه
تحميل
{..البداوه..}
ذكرى البداوه في قلبي من زمان طويل
وأشوف نفسي مناها عليه وميولها
ربعة نشامى شهامة لتعزى الزميل
منهو عرفهم يحقق طلبته وينولها
ولو هو تراكم عليا حمل هماً ثقيل
الصديق الوفي يخفف حمولها
وشوف براً وسيعاً تحت عود ظليل
في الفيافي الجميله ذيك وسهولها
المطر فيه يسكب نازل به هميل
منه تجري الشعاب وأمتلت بسيولها
ذاك جوا غرامي يطرب اللي عليل
لاتمنى محبة طالب وصولها
تحميل
{..فوق النجم..}
قول فوق النجم هذا موقعي
لاتقول الياس هدم مابنيته
قول ان الله في الشده معي
وارتجي تفريج همك لادعيته
لاتقول الياس حطم شراعي
بالأمل واصل طموحك لابديته
ونفسك اللي لانزلت قلها أطلعي
وكل ماضي اعتبر انگ محيته
هذا رزقك والله يحب السعي
والسعي في رزقك ماسعيته
لاتقول الحظ لا لا تدعي
إن زرعت بجد بالهمه جنيته
هـ الطموح إصرار يحتاج لوعي
وبالتقى تجتاح كل درب مشيته
دوم قول المجد غايت مطلبي
تحميل
{..اسكت..}
الناس متغيره ولا الزمان
وجه الزمان ماغدر الناس فيك غدرت
وإن جاك من هو يقول الوقت ماله امان
قول البشر للأسف باعت قلوباً وشدت
اسكت وخل السوالف للغلا والحنان
اشتاق لاوالله إلا اموت لامن طرت
من قال وشلون حالك قلت طيب وزان
وانا جروحي تزيد مع الزمن مابرت
تخيل انك كبير ولك معزه وشان
ايدك على مدت الخيرات مبطي ضرت
لكن عرفت الليالي السود والفقر بان
جارت لك ايام مامرت عليك وجرت
مكانك اللي قبل ملقى الرجاجيل كان
يمر دربها ادباك أقدامها مادت
خلوك ضايق من الدنيا في نفس المكان
قدام عينك تشاهد والركايب سرت
تحميل
{..راحة البال..}
إلا متى تشتكي وتقوم
يكفيك ضيق وعنا وهموم
إلى متى تشتكي الايام
كل شي في هـ الزمن مقسوم
إدي صلاتك على كل حال
تلقى بصلاتك هدأت البال
دام العمر آخره لاجال
وماشي في هـ الزمن يدوم
الدايم الله وكل شي فان
الخالق المعطي الرحمن
إذا ملا صدرك الإيمان
استغفر الخالق القيوم
اذنوبنا ما مثلها ذنوب
متى متى من الذنوب نتوب
مانحسب حساب للمكتوب
ولا نحاتي ملام ولوم
نورها دنياك بالقران
به تجلي الهم والاحزان
وارفق بمن هدته الازمان
زكي وصلي وصوم وقوم
الايام من يامن الايام
يطوف عام ويجينا عام
مهما نعاني من الألم
نطيح لاكن بعزم نقوم
ياما فقدنا اعز الناس
كم ضاقت بعدهم الانفاس
لاكن ابد مارضينا الباس
يالله كم قوت العزوم
نسألك ربي الرضى عنا
ياربي من ذنبنا تبنا
تبنا وياربي ترحمنا
نرجيك عطفك ولطفك دوم
تحميل
{..الظالم..}
الظالم اللي يظلم بدون اسباب
يظلم ويدري انه بيوم مسؤل
نسى بأن دنياه من عقبها حساب
وأن الردي في النار في القيد مغلول
ظلمك لنفسك يجعل النفس ترتاب
وظلم البشر معه بتلقى له حلول
والطيب كنز وعملته كلها اطياب
تشرح حنايا للقلب لو كان معلول
وإلا التواضع زينة أصحاب للبال
ميزه عظيمه بالحگي وصفها يطول
يالله رجيتك ومن ترجاك ماخاب
ادعوك والمدمع جرت منه سيول
اموت مظلومً وفي نفسي عتاب
ولا موت ظالم للمخاليق مذلول
تحميل
{..محلى حياتك..}
سبحان الله- الحمد لله- لا إله إلا الله- سبحان الله
الكون به اسرار دانة البحور
محدن عرف مكنونها او سرها
غير الذي جرب ذكره وله الشكور
سافر مع الاذكار حي اسفارها
محلى حياتك في حمى رباً غفور
فاتح لك الواب السعادة كلها
تبقى بذكره نور مزدانن بنور
والبهجة فايح من لسانك عطرها
قوم اذكر المولى وعانق السرور
وأسبح بأفضللاً ابد مانعدها
طمن فوئدك وابن بالإيمان سور
يحميك من الزلات ومن شرورها
تحميل
كوبي / بست
الحقول لـ عيون اليتم
