حلو الــ CoFFeE

السلام عليكم ورحمة الله وبركاته ||~





عساكم طيبين
تعرفون الإجازة بدت
وأكيد تبون شي تتسلون فيه
عسب جيه يبت لكم وصفة حلوة وبسيطة
وسريعة وخصوصاً لمحبي الكوفي


~~~



56...1243938904.jpg

~~~


نبدا بالمقادير :


3 باكيتات بسكوت اولكر


كريمة (( 2 دريم ويب + ملعقتين حليب بودرة + فنجان ماي بارد ))


2 قشطة


ملعقة طعام كبيرة نسكافيه


كوب حليب + ملعقة نسكافيه صغيرة (( لتغميس البسكويت ))




طريقة العمل :


الله يسلمكم اول شي نسوي الكريمة ونخلط الدريم ويب مع الحليب البودرة مع فنجان الماي
ونخفقهم بخفاقة الكريمة الكهربائية لين ما تكثف الكريمة ...


بعدين نضيف القشطة مع ملعقة النسكافيه للكريمة ونخفقهم مع بعض ...


الحين ناخذ البسكويت نغمسه في (( الحليب + الكوفي )) ونرصه في الصينيه
وبعدين نحط طبقة كريمة ...


وعلى هالمنوال طبقة بسكويت و طبقة كريمة لين ما تخلص الكريمة وبعدين ندخل الصينية
الثلاجة تقريبا 1 ساعة ...


وعقب عليكم بالعافية




ملاحظة : عند التقديم ممكن تزينون الحلو بكاكو مبشور وبيطلع فننننننننننننن


~~~

يسلمو ع الطرح

يسلموا ع المرور