مضـــاوى ^^

مضاوى لمحمد عبده ..


أضوي وأمسي ضحكتك يا مضاوي
وأمد لك في ليلة العمر يمناي
وأروي صباحاتك هديل وغناوي
كم نجمة ينبت سناها على شفاي
يا خافقات الإحساس في قلب ضاوي
طوي بحبك كوكب العشق جواي
ويا بهجة القلب المود الهواوي
يا عمري الفايت ويا عمري الجاي
أعاهدك وأنا على الصدق ناوي
ما أخون لك هقوة ولا أطيع بك راي
هيا معي حلم الوليف وعزاوي
تورق بك دروبي وتزهر بك خطاي
ماني على طول البطى عنك قاوي
فدوات وصالك يا مضاوي مسراي
طيفك معي دايم رفيق مخاوي
في سجتي وغفاي في كل سجاياي
ما لاقلي من لابسات الغطاوي
غيرك ولا غيرك من الحور سلواي
بنت الشموس اللي تنير الرجاوي
وأخت القمر وسهيل والقرب وبناي
الليلة أحلى يا عيون النداوي
وعيونك أحلى شي شفته في دنياي
والليلة أغلى بين ضاوي وضاوي
غنى اليمام وغطرف الدف والناي
:yjanan:

تسلم ايدك نبض انسان بس هذي كلمات منو من الشعار ماشي في جوجل؟؟؟

كلمات راقيه ويعطيكم العافيه


ننتظر كل جديد منكم

راوى والله ما ادرى بس الى اعرفه انه محمد عبده يغنيها وانا ما اسمع اغانى بس اذكرها من زمان وحبيت انزلها لانه صدق روعه
بوعدى ياهلا والله

هلا هلا بنبوضتنا

صدق محمد عبده يغني لمضاوي...لانه قالوا لي اسمي بنتي مضاوي وذكروني بها الاغنيه....بس ما سميتها

تسلمين اعيونى اماراتيه