تصدقون اهلي طلعوا (مب) اهلي ..}ً~

تصدقون اهلي طلعوا موب اهلي!!!!!!

الــسلاااام عليكـــــــم ....


الله يسلمكم ذاك اليوم وانا يالسه في الصاله

واقلب الجريده واقرى ذاك الخبر اللي بدلووه مع تركي ولخبطوه

وياني احساس وشعور والهام ومها ومنيره خخخخخ

ويلست افكر وافكر وافكر وغفيت شوي وقمت وكملت تفكير

وقلت لايكون انا بعد مبدله !!!!!!

وأروح لامي وهي في المطبخ ولاهيه بشغل المطبخ

انا : يمه يمه يمه يمه

مامي

امي : بلاج تصارخين ؟؟؟ << حنونه امي

انا : انا بنتج؟؟؟

امي: لا انتي بنت جيرانا

و ارووح اركـــــــض لغرفتي ودموعي اربع اربع

واستلقى على سريري وامسك دبدوبي واصيح واصيح واصيــــــح

وانقز واييب شنطتي وحطيت فيها لابي وقواطي تونه وفكس

وانزل و البس عباتي واكتب رسالة وداع لاهلي واعلقها على الباب

(( إلى اهلي اللي قالوا اني بنتهم وانا مب بنتهم

تراني برووح الى الابد

الى اللقاء

ابنتكم المخلصه ))

المهم واروح لبيت جيرانا وادقدق الجرس عليهم

واسمع ذاك الصووت اللي يوم سمعته يفز قلبي وحسيت فيه حنان امومه

خيرررررر شو ها الازعاج ؟؟؟؟؟؟؟

ويوم انفتح الباب يتني رجفه

وايلس اصيح واحظن الحرمه اللي فتحت لي الباب يمه يمه اشتقت لج

ليش تركتيني شو سويت لكم انا !!!!

ام جيرانا : والله مب بيدي بس ريلي غصبني << تعيش الجو بسرعه

وايلس اصيح صدق يعني انا بنتج صدق ؟؟؟؟؟؟؟؟

ام جيرانا : هااه شو بنته!!!! الله يهديـــج اقول سيري بيت اهلج بس

انا : بس انتي امي

ام جيرانا : من زينج عشان اصير امج انا ناقصه اللي عندي تيين تنشبين لي

انا : الله وعندي اخوان بعد !!!!! >>>> عاد اوني ماعرف بيت جيرانا

ام جيرانا : مالي خلقج روحي من ويهي خليني اروح اكمل غسيل الحووش

انا : انزين اذا انتي مب امي منو امي ؟؟؟؟؟

ام جيرانا : انتي اصلا امج خطفتج من ايطاليين ولا انتي مب بنتها

انا : وانا اقووول دوم احس غير وفيني زين موب في احد >>> مشكله الثقه

ام جيرانا : اقول صدق صدق شكله ماعندكم مرايات في البيت

و ترقع في ويهي الباب وانا اتحطم واركض في الشارع

واصيح وشعري يتطاير >>> حلم حياتي وودي دوم اسويها

المهم وقلت يابنت مالج الا اهلج

وارجع لبيتنا وانقز بدوون ماحد يشووفني واشقق الرساله

وانقز لغرفتي واحط قواطي التونه تحت السرير وارقد

طبعا وبعد اسبوووع من المووضوع إلا كل الحاره دارين عن سالفتي

وام جيرانا ماخلت احد ماقالت له وكل ما شفت احد قام يضحك علي

لا واثر امي مصوره نسخ من الرساله وكل من قالت له ام جيرانا السالفه

امي ارسلت له نسخه من الرساله ... وصارت سالفتي على كل لسان ..

ـ ما يستفاااد من القصه:

1- ترى اهلج هم اهلج لاتفكرين تتركينهم ....

2- لا فكرتي انه اهلج مب اهلج لاتروحين لام الجيران وتقولين لها انتي امي ......

منقـــــــــــول ........

[align=center]
.. يسلمووو ع الطرح ..
[/align]

تسلمين حبوبة ع الطرح