[جواسيس الخطر في بيوتنا

بسم الله الرحمن الرحيم

الحمد لله رب العالمين والصلاة والسلام على خير خلق الله اجمعين سيدنا محمد صلى الله عليه وسلم
اما بعد



امس دخلت علينا البيت وحده منقبه تطلب لله حسنه ومعها طفل صغير ما كمل ثلاث سنين المهم انا بعدت خليتها يالسه فالليوان عند الملاحق ومدري وما معطي خيانه سرت داخل الفيلا اييب لها المقسوم وطلبت من الخدامه ماي جدامي وانا امرت الخدامه تييب لها ماي
المهم انا دخلت الفيلا وطلعت باعطيها المقسوم ما لقيتها بس وولدي طلع من الحجرة لي برع يقول انه حد شل البي اس بي ماله كان يلعب فيها وبعد اشرطه مال بلى ستيشن طلعت اركض برع شفتها لحقتها ركض ووقفتها وعقب ما هددتها بالشرطة وخوفتها وعقب ما التم اهل الفريج ((( طبعا فهالمناسبات مايتوصون )) فتشنا اغراضها عن طريق حرمتيين من فريجنا
وشفنا لي ما كان يتوقع منها تحت ثيابها شنطه فيها موبايلات اساور خواتم وعند ولدها طلعت البي اس بس مال ولدي
واشرطه كلها وطبعا الباجي عند المديريه
المهم والشاهد انتبهوا لبيوتكم ولا تسموحوا لهم بالدخول واذا في نصيب ومقسوم عطوهم برع تراهم عيون تراقب
ويحفظون لي يشوفون داخل واذا ما ردت هي رد حد من طرفها فانتبهوا وحطوا بالكم
وخصوصا لمقتنيات اطفالكم

والله طيبتنا بتودينا بداهيه ...

شكرا على الطرح المفيد وتحذير الناس للاسف يقع الكثير من الناس في هذا الخطأ وانتبهو حتى لخدم الجيران عند زيارتهم لكم لان بعض الخادمات تقوم باخفاء المسروقات عندهن والله يحفظ الجميع

اويييييه خخخخخ

صدق ماتستحي

اذا يبون فلوس عندهم وايد جمعيات

يعني قلنا محتاجين بس هب لدرجة السرقه

صدق ماتستحي وين تبا..

الحمدلله انكم سلمتم من شرها اعوذ بالله منها
والمفروض اننا نحترس منهن ولا ندخلهن بيوتنا ونعطيهن المقسوم عند الباب

نحن صراحة ما ندخلهم بيوتنا من برع مع احترامي لهم بس الحذر واجب

[align=center]

لا حول ولا قوة إلا بالله

كثيراً ما نرى مثل هؤلاء النســوة .. ولكن أصبحت قاعدة عندنا .. عدم التعامل معهن أو اخالهن بيوتنا بأي حال من الأحوال ..

فلله الحمد .. بيوت الخير كالهلال الأحمر ودار البر .. وبيت الخير . .. و و و و إلخ ... لا تقصر في تقديم المساعدة لمن يستحق ..

السرقة واللصوصية أصبح لها أشكال وأنواع .. فلابد من الحذر

الشكر أخي الكريم على الموضوع

نــورة
[/align]